♦ All
♦ Nation
♦ Recent News
♦ Spot News
ਸੈਫਰਾ ਕੈਟਜ਼ ਨੂੰ ਮਾਰਕ ਹਰਡ ਨਾਲ ਪ੍ਰਮੋਸ਼ਨ ਦੇ ਕੇ ਵੀਰਵਾਰ ਨੂੰ ਸਾਂਝੇ ਰੂਪ ਨਾਲ ਸੀ.ਈ.ਓ. ਬਣਾਇਆ ਗਿਆ ਹੈ। ਇਸ ਤੋਂ ਪਹਿਲਾਂ ਇਹ ਓਰੇਕਲ ਦੀ ਜੁਆਇੰਟ ਪ੍ਰੈਜ਼ੀਡੈਂਟ ਅਤੇ ਸੀ.ਐਫ.ਓ. ਸੀ।ਕੈਟਜ਼ ਦੀ ਇਸ ਅਹੁਦੇ 'ਤੇ ਨਿਯੁਕਤੀ ਕੰਪਨੀ ਦੇ ਸੰਸਥਾਪਕ ਅਤੇ ਲੰਬੇ ਸਮੇਂ ਤੱਕ ਸੀ.ਈ.ਓ. ਰਹਿਣ ਵਾਲੇ ਲੈਰੀ ਏਲੀਸਨ ਦੇ ਅਸਤੀਫਾ ਦੇਣ ਦੇ ਐਲਾਨ ਤੋਂ ਬਾਅਦ ਹੋਈ। ਕੈਟਜ਼ ਨੂੰ ਦੁਨੀਆ ਭਰ 'ਚ ਸਭ ਤੋਂ ਜ਼ਿਆਦਾ ਤਨਖਾਹ ਲੈਣ ਵਾਲੀ ਮਹਿਲਾ ਐਗਜ਼ੀਕਿਊਟਿਵ ਦੇ ਰੂਪ 'ਚ ਜਾਣਿਆ ਜਾਂਦਾ ਹੈ। ਪਿਛਲੇ ਸਾਲ ਉਨ੍ਹਾਂ ਨੂੰ ਕੁੱਲ 44.3 ਮਿਲੀਅਨ ਡਾਲਰ (ਕਰੀਬ 270 ਕਰੋੜ ਰੁਪਏ) ਤਨਖਾਹ ਦੇ ਰੂਪ 'ਚ ਮਿਲੇ ਸੀ। ਇਸਦੇ ਨਾਲ ਹੀ ਉਹ ਦੁਨੀਆ 'ਚ ਸਭ ਤੋਂ ਜ਼ਿਆਦਾ ਤਨਖਾਹ ਲੈਣ ਵਾਲੀ ਮਹਿਲਾ ਐਗਜ਼ੀਕਿਊਟਿਵ ਅਤੇ ਸੀ.ਐਫ.ਓ. ਬਣ ਗਈ ਸੀ। ਓਰੇਕਲ ਵਲੋਂ ਜਾਰੀ ਕੀਤੇ ਗਏ ਇਕ ਬਿਆਨ 'ਚ ਕਿਹਾ ਗਿਆ ਹੈ ਕਿ ਕੈਟਜ ਦੇ ਜਿੰਮੇ ਮੈਨਿਊਫੈਕਚਰਿੰਗ, ਫਾਈਨੈਂਸ ਅਤੇ ਕਾਨੂੰਨੀ ਫੈਸਲਾ ਹੋਵੇਗਾ। ਉਥੇ ਹੀ ਹਰਡ ਸੇਲਜ਼, ਸਰਵਿਸ ਅਤੇ ਗਲੋਬਲ ਬਿਜ਼ਨੈਸ ਯੂਨਿਟ ਨੂੰ ਅਹੁਦਾ ਸੰਭਾਲਣਗੇ। ਕੈਟਜ ਨੇ 1999 'ਚ ਸੀਨੀਅਰ ਵੀਪੀ ਦੇ ਅਹੁਦੇ 'ਤੇ ਓਰੇਕਲ ਜੁਆਇਨਿੰਗੀ ਕੀਤੀ ਸੀ। ਉਨ੍ਹਾਂ ਨੇ ਬਹੁਤ ਤੇਜ਼ੀ ਨਾਲ ਤਰੱਕੀ ਕੀਤੀ ਅਤੇ 7 ਮਹੀਨਿਆਂ ਦੇ ਅੰਦਰ ਐਗਜ਼ੀਕਿਊਟਿਵ ਵੀ.ਪੀ ਬਣ ਗਈ। 2004 'ਚ ਓਰੇਕਲ ਕਾਰਪੋਰਸ਼ਨ ਦੀ ਪ੍ਰਧਾਨ ਬਣੀ ਸੀ। ਇਸ ਅਹੁਦੇ 'ਤੇ ਉਹ ਇਕ ਦਹਾਕੇ ਤੋਂ ਜ਼ਿਆਦਾ ਸਮੇ ਤੱਕ ਬਣ ਰਹੀ। ਨਵੰਬਰ 2005 ਤੋਂ ਸਤੰਬਰ 2008 ਤੱਕ ਉਨ੍ਹਾਂ ਨੇ ਓਰੇਕਲ ਦੇ ਆਖਰੀ ਸੀ.ਐਫ.ਓ. ਦੇ ਰੂਪ 'ਚ ਆਪਣੀ ਸੇਵਾ ਪ੍ਰਦਾਨ ਕੀਤੀ। ਉਸ ਤੋਂ ਬਾਅਦ 2011 ਉਹ ਫੁਲਟਾਈਮਜ਼ ਸੀ.ਐਫ.ਓ. ਬਣ ਗਈ। ਉਹ 2011 ਤੋਂ ਓਰੇਕਲ ਦੀ ਬੋਰਡ ਮੈਂਬਰ ਵੀ ਰਹੀ। ਕੈਟਜ਼ ਨੇ ਓਰੇਕਲ ਦੇ ਮੈਨੇਜਮੈਂਟ ਐਂਡ ਐਡਮੀਨੀਸਟ੍ਰੇਸ਼ਨ ਡਿਪਾਰਟਮੈਂਟ 'ਚ ਅਹਿਮ ਭੂਮਿਕਾ ਨਿਭਾਈ। ਉਨ੍ਹਾਂ ਨੇ ਕੰਪਨੀ ਲਈ ਕਰੋੜਾਂ ਡਾਲਰਾਂ ਦੀ ਡੀਲ ਕੀਤੀ। ਉਨ੍ਹਾਂ ਨੇ ਜੋ ਵੱਡੇ ਸਮਝੌਤੇ ਕੀਤੇ ਹਨ ਉਨ੍ਹਾਂ 'ਚੋਂ ਮਾਈਕ੍ਰੋਸਿਸਟਮ ਲਈ 7.4 ਡਾਲਰ ਬਿਲੀਅਨ ਅਤੇ ਪੀਪਲ ਸਾਫਟ ਦਾ 10.3 ਬਿਲੀਅਨ ਡਾਲਰ ਪ੍ਰਾਪਤ ਕੀਤੇ ਹਨ। ਉਨ੍ਹਾਂ ਨੇ ਵਾਰਟਨ ਸਕੂਲ ਤੋਂ ਗ੍ਰੈਜੂਏਸ਼ਨ ਕੀਤੀ ਹੈ, ਨਾਲ ਹੀ ਉਨ੍ਹਾਂ ਨੇ ਯੂਰਪ ਤੋਂ ਵੀ ਡਿਗਰੀ ਲਈ ਹੈ।
View Archived
In the News
Trivani Media


29ਵੀਂਆਂ ਜਰਖ਼ੜ ਖੇਡਾਂ ਦਾ ਬਰਾਂਡ ਅੰਬੈਸਡਰ ਬਣਾਉਣ ਦਾ ਐਲਾਨ ਜਰਖੜ ਖੇਡ ਅਕਾਦਮੀ ਵੱਲੋਂ ਅਥਲੀਟ ਮਨਦੀਪ ਕੌਰ ਦਾ ਸਨਮਾਨ

ਪੰਜਾਬ ਦੀਆਂ ਲੜਕੀਆਂ ਨੂੰ ਖੇਡਾਂ ਵੱਲ ਉਤਸ਼ਾਹਿਤ ਕਰਨ ਦੀ ਲੋੜ : ਮਨਦੀਪ ਕੌਰ

ਲੁਧਿਆਣਾ, 25 ਅਕਤੂਬਰ (ਬਾਬੂਸ਼ਾਹੀ ਬਿਉਰੋ): ਏਸ਼ੀਆਈ ਖੇਡਾਂ ਵਿੱਚ ਲਗਾਤਾਰ ਤੀਜੀ ਵਾਰ ਸੋਨ ਤਮਗਾ ਜੇਤੂ ਖ਼ਿਡਾਰਨ ਉਲੰਪੀਅਨ ਮਨਦੀਪ ਕੌਰ ਦ&....
 (News posted on: 26 Oct 2014)
 Email Print 

ਪੰਜਾਬ ਦੀਆਂ ਲੜਕੀਆਂ ਨੂੰ ਖੇਡਾਂ ਵੱਲ ਉਤਸ਼ਾਹਿਤ ਕਰਨ ਦੀ ਲੋੜ : ਮਨਦੀਪ ਕੌਰ

ਲੁਧਿਆਣਾ, 25 ਅਕਤੂਬਰ (ਬਾਬੂਸ਼ਾਹੀ ਬਿਉਰੋ): ਏਸ਼ੀਆਈ ਖੇਡਾਂ ਵਿੱਚ ਲਗਾਤਾਰ ਤੀਜੀ ਵਾਰ ਸੋਨ ਤਮਗਾ ਜੇਤੂ ਖ਼ਿਡਾਰਨ ਉਲੰਪੀਅਨ ਮਨਦੀਪ ਕੌਰ ਦਾ ਅੱਜ ਸਥਾਨਕ ਸਰਕਟ ਹਾਊਸ ਵਿਖੇ ਮਾਤਾ ਸਾਹਿਬ ਕੌਰ ਹਾਕੀ ਅਕਾਦਮੀ ਜਰਖ਼ੜ ਵੱਲੋਂ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਮਨਦੀਪ ਕੌਰ ਨੂੰ ਜੇਤੂ ਅਵਾਰਡ ਅਤੇ 31 ਹਜ਼ਾਰ ਰੁਪਏ ਦੀ ਨਗਦ ਰਾਸ਼ੀ ਭੇਂਟ ਕਰਦਿਆਂ ਅਗਲੇ ਸਾਲ ਹੋਣ ਵਾਲੇ 29ਵੇਂ ਜਰਖੜ ਖੇਡ ਮੇਲੇ ਦਾ ਬਰਾਂਡ ਅੰਬੈਸਡਰ ਬਣਾਉਣ ਦਾ ਐਲਾਨ ਕੀਤਾ।
ਇਸ ਮੌਕੇ ਰੱਖੇ ਗਏ ਸੰਖੇਪ ਅਤੇ ਪ੍ਰਭਾਵਸ਼ਾਲੀ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਮਨਦੀਪ ਕੌਰ ਨੇ ਆਖਿਆ ਕਿ ਜਿਸ ਸਿੱਖਿਆ ਦੇ ਖੇਤਰ ਵਿੱਚ ਪੰਜਾਬ ਦੀਆਂ ਲੜਕੀਆਂ ਨੇ ਮੁੰਡਿਆਂ ਨਾਲੋਂ ਸਰਬੋਤਮ ਸਾਬਿਤ ਕੀਤਾ ਹੈ, ਹੁਣ ਖੇਡਾਂ ਦੇ ਖੇਤਰ ਵਿੱਚ ਵੀ ਪੰਜਾਬ ਦੀਆਂ ਲੜਕੀਆਂ ਨਾ ਸਿਰਫ਼ ਕੌਮੀ ਪੱਧਰ 'ਤੇ ਸਗੋਂ ਅੰਤਰਰਾਸ਼ਟਰੀ ਪੱਧਰ 'ਤੇ ਆਪਣਾ ਵਡਮੁੱਲਾ ਯੋਗਦਾਨ ਪਾ ਰਹੀਆਂ ਹਨ, ਜਿਸ ਦੀ ਤਾਜ਼ਾ ਉਦਾਹਰਨ ਹੁਣੇ-ਹੁਣੇ ਸਮਾਪਤ ਹੋਈਆਂ ਏਸ਼ੀਆਈ ਖੇਡਾਂ ਅਤੇ ਰਾਸ਼ਟਰਮੰਡਲ ਖੇਡਾਂ ਹਨ, ਜਿਸ ਵਿੱਚ ਜਿੱਥੇ ਮੈਨੂੰ ਤੀਜੀ ਵਾਰ ਸੋਨ ਤਮਗਾ ਜਿੱਤਣ ਦਾ ਮਾਣ ਹਾਸਿਲ ਹੋਇਆ ਹੈ, ਉਥੇ ਨਿਸ਼ਾਨੇਬਾਜ਼ ਹਿਨਾ ਸਿੱਧੂ, ਹਾਕੀ ਸਟਾਰ ਅਮਨਦੀਪ ਕੌਰ, ਅਥਲੀਟ ਸੁਖਬੀਰ ਕੌਰ, ਨਿਸ਼ਾਨੇਬਾਜ਼ ਮਲਾਇਕਾ ਗੋਇਲ ਆਦਿ ਖ਼ਿਡਾਰਨਾਂ ਨੇ ਵੀ ਪੰਜਾਬ ਦਾ ਨਾਮ ਪੂਰੀ ਦੁਨੀਆ ਵਿੱਚ ਰੌਸ਼ਨ ਕੀਤਾ ਹੈ।
ਇਸ ਤੋਂ ਇਲਾਵਾ ਮਰਦਾਂ ਦੇ ਵਰਗ ਵਿੱਚ ਭਾਰਤੀ ਹਾਕੀ ਟੀਮ ਨੇ ਪੂਰੇ 16 ਸਾਲ ਬਾਅਦ ਸੋਨ ਤਮਗਾ ਜਿੱਤ ਕੇ ਹਾਕੀ ਦੇ ਸੁਨਹਿਰੀ ਯੁੱਗ ਦੀ ਵਾਪਸੀ ਕੀਤੀ ਹੈ, ਜਿਸ ਵਿੱਚ 7 ਖਿਡਾਰੀ ਪੰਜਾਬ ਨਾਲ ਸੰਬੰਧਤ ਸਨ। ਉਨਾਂ ਆਖਿਆ ਕਿ ਖਿਡਾਰੀਆਂ ਨੇ ਆਪਣਾ ਫਰਜ਼ ਨਿਭਾਅ ਦਿੱਤਾ ਹੈ, ਹੁਣ ਪੰਜਾਬ ਸਰਕਾਰ ਦਾ ਫਰਜ਼ ਬਣਦਾ ਹੈ ਕਿ ਉਹ ਜੇਤੂ ਖਿਡਾਰੀਆਂ ਨੂੰ ਬਣਦਾ ਮਾਣ ਸਤਿਕਾਰ ਅਤੇ ਉਨਾਂ ਦੇ ਮੁਕਾਮ ਮੁਤਾਬਿਕ ਨੌਕਰੀ ਦੇਵੇ। ਮਨਦੀਪ ਕੌਰ ਨੇ ਆਖਿਆ ਕਿ ਮਾਪਿਆਂ ਤੇ ਅਧਿਆਪਕਾਂ ਨੂੰ ਪੜਾਈ ਦੇ ਨਾਲ-ਨਾਲ ਲੜਕੀਆਂ ਨੂੰ ਖੇਡਾਂ ਵੱਲ ਵੀ ਉਤਸ਼ਾਹਿਤ ਕਰਨਾ ਚਾਹੀਦਾ ਹੈ।
ਇਸ ਮੌਕੇ ਮੁੱਖ ਮਹਿਮਾਨ ਵਜੋਂ ਪੁੱਜੇ ਵਿਧਾਇਕ ਸ੍ਰ. ਮਨਪ੍ਰੀਤ ਸਿੰਘ ਇਯਾਲੀ ਨੇ ਪੰਜਾਬ ਸਰਕਾਰ ਦੀ ਤਰਫੋਂ ਮਨਦੀਪ ਕੌਰ ਅਤੇ ਏਸ਼ੀਆਈ ਖੇਡਾਂ ਦੇ ਹੋਰ ਜੇਤੂ ਖਿਡਾਰੀਆਂ ਨੂੰ ਵਿਸ਼ਵਾਸ਼ ਦਿਵਾਇਆ ਕਿ ਸਰਕਾਰ ਉਨਾਂ ਨੂੰ ਬਣਦਾ ਮਾਣ ਸਤਿਕਾਰ ਦਿਵਾਏਗੀ। ਉਨਾਂ ਮਾਤਾ ਸਾਹਿਬ ਕੌਰ ਹਾਕੀ ਅਕਾਦਮੀ ਅਤੇ ਜਰਖੜ ਖੇਡਾਂ ਦੇ ਪ੍ਰਬੰਧਕਾਂ ਦੇ ਇਸ ਉਪਰਾਲੇ ਦੀ ਸ਼ਲਾਘਾ ਕਰਦਿਆਂ ਆਖਿਆ ਕਿ ਉਹ ਖੁਦ ਇਸ ਕਲੱਬ ਨਾਲ ਪਿਛਲੇ 20 ਸਾਲਾਂ ਤੋਂ ਜੁੜੇ ਹੋਏ ਹਨ। ਪੰਜਾਬ ਦੇ ਖੇਡ ਸੱਭਿਆਚਾਰ ਅਤੇ ਖਾਸ ਕਰਕੇ ਹਾਕੀ ਨੂੰ ਪ੍ਰਫੁੱਲਿਤ ਕਰਨ ਲਈ ਜਰਖ਼ੜ ਅਕਾਦਮੀ ਆਪਣਾ ਚੋਖਾ ਯੋਗਦਾਨ ਪਾ ਰਹੀ ਹੈ। ਮਨਦੀਪ ਕੌਰ ਦਾ ਜਰਖ਼ੜ ਖੇਡਾਂ ਦਾ ਬਰਾਂਡ ਅੰਬੈਸਡਰ ਬਣਨ ਨਾਲ ਸਾਡੇ ਸਾਰਿਆਂ ਲਈ ਇੱਕ ਮਾਣ ਵਾਲੀ ਗੱਲ ਹੈ।
ਇਸ ਮੌਕੇ ਊਰਜਾ ਨਿਗਮ ਦੇ ਚੀਫ਼ ਇੰਜੀਨੀਅਰ ਸ੍ਰ. ਰਛਪਾਲ ਸਿੰਘ ਨੇ ਵੀ ਮਨਦੀਪ ਕੌਰ ਨੂੰ ਏਸ਼ੀਆਈ ਖੇਡਾਂ ਵਿੱਚ ਲਗਾਤਾਰ ਤੀਜਾ ਸੋਨ ਤਮਗਾ ਜਿੱਤ ਕੇ ਪੰਜਾਬ ਦੀ ਅਥਲੈਟਿਕਸ 'ਚ ਸੋਨ ਚਿੜੀ ਦਾ ਖ਼ਿਤਾਬ ਜਿੱਤਣ 'ਤੇ ਵਧਾਈ ਦਿੰਦਿਆਂ ਆਖਿਆ ਕਿ ਅਜਿਹੀਆਂ ਖਿਡਾਰਨਾਂ ਦੀਆਂ ਪ੍ਰਾਪਤੀਆਂ ਨਾਲ ਹਰ ਪੰਜਾਬੀ ਦਾ ਸਿਰ ਮਾਣ ਨਾਲ ਉੱਚਾ ਹੁੰਦਾ ਹੈ। ਇਸ ਮੌਕੇ ਉਲੰਪੀਅਨ ਮਨਦੀਪ ਕੌਰ ਅਤੇ ਆਏ ਹੋਰ ਮਹਿਮਾਨਾਂ ਨੂੰ ਅਕਾਦਮੀ ਦੇ ਡਾਇਰੈਕਟਰ ਸ੍ਰ. ਜਗਰੂਪ ਸਿੰਘ ਜਰਖੜ ਨੇ ਸਵਾਗਤ ਕਰਦਿਆਂ ਆਖਿਆ ਕਿ ਜਰਖ਼ੜ ਖੇਡਾਂ ਦੇ ਫਾਈਨਲ ਸਮਾਰੋਹ 'ਤੇ ਏਸ਼ੀਆਈ ਖੇਡਾਂ ਦੇ ਜੇਤੂ ਹਾਕੀ ਖ਼ਿਡਾਰੀਆਂ ਅਤੇ ਹੋਰਨਾਂ ਦਾ ਵਿਸ਼ੇਸ਼ ਅਵਾਰਡਾਂ ਨਾਲ ਸਨਮਾਨ ਕੀਤਾ ਜਾਵੇਗਾ।
ਇਸ ਮੌਕੇ ਜਰਖੜ ਅਕਾਦਮੀ ਦੇ ਪ੍ਰਧਾਨ ਸ੍ਰ. ਜੋਗਿੰਦਰ ਸਿੰਘ ਗਰੇਵਾਲ, ਕਲੱਬ ਦੇ ਪ੍ਰਧਾਨ ਐਡਵੋਕੇਟ ਹਰਕਮਲ ਸਿੰਘ, ਸਰਪੰਚ ਦਪਿੰਦਰ ਸਿੰਘ, ਸ੍ਰ. ਹਰਦਿਆਲ ਸਿੰਘ ਅਮਨ, ਚੇਅਰਮੈਨ ਸ੍ਰ. ਸੁਰਿੰਦਰ ਸਿੰਘ ਖੰਨਾ, ਸ੍ਰ. ਰੌਬਿਨ ਸਿੰਘ ਸਿੱਧੂ, ਸ੍ਰ. ਪਰਮਜੀਤ ਸਿੰਘ ਨੀਟੂ, ਸ੍ਰ. ਬਲਜਿੰਦਰ ਸਿੰਘ ਥਰੀਕੇ, ਸ੍ਰ. ਸ਼ਰਨਜੀਤ ਸਿੰਘ ਥਰੀਕੇ, ਸ੍ਰ. ਸੰਦੀਪ ਸਿੰਘ ਪੰਧੇਰ, ਸ੍ਰ. ਤਜਿੰਦਰ ਸਿੰਘ, ਸ੍ਰ. ਸ਼ਿੰਗਾਰਾ ਸਿੰਘ ਜਰਖ਼ੜ, ਸ੍ਰ. ਜਗਦੀਪ ਸਿੰਘ ਬੁਲਾਰਾ, ਸਰਪੰਚ ਬਲਵਿੰਦਰ ਸਿੰਘ ਮਹਿਮੂਦਪੁਰਾ, ਮੁੱਖ ਕੋਚ ਸ੍ਰ. ਹਰਮਿੰਦਰਪਾਲ ਸਿੰਘ, ਸ੍ਰ. ਜਗਦੀਪ ਸਿੰਘ ਕਾਹਲੋਂ, ਸ੍ਰ. ਤਾਰਾ ਸਿੰਘ ਸੰਧੂ, ਸ੍ਰੀ ਪ੍ਰਵੀਨ ਠਾਕੁਰ, ਸ੍ਰ. ਮਨਮਿੰਦਰ ਸਿੰਘ ਹੈਪੀ, ਸ੍ਰ. ਰਣਜੀਤ ਸਿੰਘ ਦੁਲੇਂਅ, ਸ੍ਰ. ਬਲਵਿੰਦਰ ਸਿੰਘ ਬੋਪਾਰਾਏ, ਸ੍ਰ. ਜਸਵੀਰ ਸਿੰਘ ਖਾਨਪੁਰ, ਖੇਡ ਪ੍ਰੇਮੀ ਅਤੇ ਹੋਰ ਪ੍ਰਮੁੱਖ ਸਖ਼ਸ਼ੀਅਤਾਂ ਹਾਜ਼ਰ ਸਨ।



ਮੋਹਾਲੀ ਦੇ ਫੇਜ਼ 10 ਚ ਸਤਿਥ ਅੰਤਰ ਰਾਸਟਰੀ ਕ੍ਰਿਕੇਟ ਅਤੇ ਹਾਕੀ ਸਟੇਡੀਅਮ ਕੋਲੋਂ ਨਿਕਲਦਾ ਸੀਵਰੇਜ ਦਾ ਗੰਦਾ ਨਾਲਾ ਸਿਟੀ ਬਿਊਟੀਫੁੱਲ ਦੇ ਮੱਥੇ ਉੱਤੇ ਕਲੰਕ ਸਾਬਿਤ

ਐਸ ਏ ਐਸ ਨਗਰ 25 ਅਕਤੂਬਰ (ਜਤਿੰਦਰ ਸੱਭਰਵਾਲ) : ਮੋਹਾਲੀ ਦੇ ਫੇਜ਼ 10 ਵਿਚ ਸਤਿਥ ਕ੍ਰਿਕੇਟ ਅਤੇ ਹਾਕੀ ਦੇ ਅੰਤਰ ਰਾਸਟਰੀ ਸਟੇਡੀਅਮ ਕੋਲੋਂ ਨਿਕਲਦਾ ਚੰਡੀਗੜ੍ਹ ਸ਼ਹਿਰ ਦੇ ਸੀਵਰੇਜ ਦਾ ਗੰਦਾ ਨਾਲਾ ਕੂੜੇ ਦਾ ਡੰਪ ਸ਼ਹਿਰ ਅਤ....
 (News posted on: 26 Oct 2014)
 Email Print 

ਐਸ ਏ ਐਸ ਨਗਰ 25 ਅਕਤੂਬਰ (ਜਤਿੰਦਰ ਸੱਭਰਵਾਲ) : ਮੋਹਾਲੀ ਦੇ ਫੇਜ਼ 10 ਵਿਚ ਸਤਿਥ ਕ੍ਰਿਕੇਟ ਅਤੇ ਹਾਕੀ ਦੇ ਅੰਤਰ ਰਾਸਟਰੀ ਸਟੇਡੀਅਮ ਕੋਲੋਂ ਨਿਕਲਦਾ ਚੰਡੀਗੜ੍ਹ ਸ਼ਹਿਰ ਦੇ ਸੀਵਰੇਜ ਦਾ ਗੰਦਾ ਨਾਲਾ ਕੂੜੇ ਦਾ ਡੰਪ ਸ਼ਹਿਰ ਅਤੇ ਕ੍ਰਿਕੇਟ ਸਟੇਡੀਅਮ ਸਿਟੀ ਬਿਊਟੀਫੁੱਲ ਦੇ ਮੱਥੇ ਉੱਤੇ ਕਲੰਕ ਸਾਬਿਤ ਹੋਕੇ ਰਹਿ ਗਿਆ ਹੈ | ਇਸ ਨਾਲੇ ਤੋਂ ਨਿਕਲਣ ਵਾਲੀ ਗੰਦੀ ਬਦਬੂ ਅੱਤੇ ਬੀਮਾਰੀਆ ਫੈਲਾਉਣ ਵਾਲੇ ਮੱਖੀ-ਮੱਛਰ ਕਰਨ ਇਥੇ ਰਹਿੰਦੇ ਲੋਕਾਂ ਅਤੇ ਦੇਸ਼ ਵਿਦੇਸ਼ ਤੋਂ ਕ੍ਰਿਕੇਟ ਮੈਚ ਦਾ ਆਨੰਦ ਮਾਣਨ ਆਏ ਦਰਸ਼ਕਾ ਵਾਸਤੇ ਇੱਕ ਧਰਤੀ ਤੇ ਵਸਦੇ ਨਰਕ ਨਾਲੋਂ ਘਟ ਨਹੀ ਹੈ | ਇਸ ਸਟੇਡੀਅਮ ਦੇ ਕੋਲ ਲਗੇ ਕੂੜੇ ਦੇ ਢੇਰ ਖਤਰਨਾਕ ਬਿਮਾਰੀਆਂ ਨੂੰ ਸੱਦਾ ਦੇ ਰਹੇ ਹਨ | ਚੈੱਨਲ ਦੀ ਟੀਮ ਨੂੰ ਇਸ ਮੋਕੇ ਸਟੇਡੀਅਮ ਦੇ ਆਸ ਪਾਸ ਬਣੇ ਘਰਾਂ ਚ ਰਹਿੰਦੇ ਲੋਕਾਂ ਨੇ ਦਸਿਆ ਕੇ ਪ੍ਰਸ਼ਾਸ਼ਨ ਨੇ ਕਦੇ ਵੀ ਇਸ ਸੀਵਰੇਜ ਦੇ ਗੰਦੇ ਨਾਲੇ ਨੂੰ ਢਕਨ ਅਤੇ ਆਸ ਪਾਸ ਕੂੜੇ ਦੇ ਡੰਪ ਕਾਰਣ ਖਿਲਰੀ ਗੰਦਗੀ ਨੂੰ ਸਾਫ ਕਰਨ ਦੀ ਕੋਸਿਸ਼ ਦੀ ਕੋਸਿਸ਼ ਨਹੀ ਕੀਤੀ, ਉਨ੍ਹਾਂ ਕਿਹਾ ਕੀ ਉਹ ਅਵਾਰਾ ਪਸ਼ੂਆਂ ਵਰਗੀ ਸਮਸਿਆ ਨਾਲ ਜੂਝ ਰਹੇ ਹਨ | ਦੱਸਣਯੋਗ ਹੈ ਕਿ ਇਸ ਕ੍ਰਿਕੇਟ ਸਟੇਡੀਅਮ ਦੇ ਵਿੱਚ ਆਈਪੀਐਲ ਸੀਜਨ ਦੇ ਕਈ ਮੈਚ ਖੇਡੇ ਜਾਂ ਚੁੱਕੇ ਹਨ ਅਤੇ ਕਈ ਖੇਡੇ ਜਾਣੇ ਹਨ ਜਾਣੇ ਹਨ ਅਤੇ ਇਸਦੇ ਬਿਲਕੁਲ ਸਾਹਮਣੇ ਇਕ ਅੰਤਰ ਰਾਸਟਰੀ ਮਲਟੀ ਸਟੇਡੀਅਮ ਦਾ ਵੀ ਨਿਰਮਾਣ ਕੀਤਾ ਗਿਆ ਹੈ ਜਿਥੇ ਹਾਕੀ ਅਤੇ ਕਬੱਡੀ ਦੇ ਅੰਤਰਰਾਸ਼ਟਰੀ ਮੈਚਾਂ ਤੋਂ ਇਲਾਵਾ ਹੋਰ ਕਈ ਪ੍ਰਕਾਰ ਦੀਆਂ ਖੇਡਾਂ ਦਾ ਆਯੋਜਨ ਕੀਤਾ ਜਾ ਚੁੱਕਾ ਹੈ | ਇਹ ਦੋਨੋਂ ਸਟੇਡੀਅਮ ਬਿਲਕੁਲ ਇਸ ਗੰਦੇ ਨਾਲੇ ਅਤੇ ਕੂੜੇ ਦੇ ਡੰਪ ਦੇ ਨਾਲ ਲਗਦੇ ਹਨ ,ਜਿਹੜਾ ਕਿ ਬਿਮਾਰੀਆ ਦੇ ਲਈ ਇੱਕ ਸਿਧਾ ਸੱਦਾ ਪੱਤਰ ਹੈ | ਲੋਕ ਸਰਕਾਰ ਕੋਲੋਂ ਮੰਗ ਕਰ ਰਹੇ ਹਨ ਕੀ ਜਿਵੇ ਪੂਰੇ ਭਾਰਤ ਚ ਸਵੱਛ ਅਭਿਆਨ ਚਲਾਇਆ ਜਾਂ ਰਿਹਾ ਹੈ ਉਸੀ ਤਰਜ਼ ਤੇ ਸਿਟੀ ਬਿਊਟੀਫੁੱਲ ਸ਼ਹਿਰ ਮੋਹਾਲੀ ਮੱਥੇ ਤੇ ਕਲੰਕ ਇਸ ਕੋਹੜ ਤੇ ਰੂਪੀ ਗੰਦੇ ਨਾਲੇ ਨੂੰ ਢੱਕਣ ਅਤੇ ਕੂੜੇ ਦੇ ਡੰਪ ਨੂੰ ਇਥੋਂ ਹਟਾਕੇ ਲੋਕਾਂ ਅਤੇ ਖੇਡ ਪ੍ਰੇਮੀਆਂ ਨੂੰ ਇਨ੍ਹਾਂ ਕੋਹੜਾ ਤੋਂ ਨਿਜਾਤ ਦਿਵਾਈ ਜਾਵੇ |




ਸ਼੍ਰੋਮਣੀ ਕਮੇਟੀ ਨੇ ਹੜ੍ਹ ਪ੍ਰਭਾਵਿਤ ਸਿੱਖਾਂ ਦੇ ਮੁੜ ਵਸੇਬੇ ਲਈ ਉਮਰ ਅਬਦੁੱਲਾ ਨੂੰ ਮੰਗ ਪੱਤਰ ਸੌਂਪਿਆ

ਅੰਮ੍ਰਿਤਸਰ 25 ਅਕਤੂਬਰ (ਬਾਬੂਸ਼ਾਹੀ ਬਿਉਰੋ) ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਟੀਮ ਨੇ ਸ੍ਰੀਨਗਰ ਸਥਿਤ ਹੜ੍ਹ ਪੀੜਤ ਇਲਾਕੇ ਦੇ ਪ੍ਰਭਾਵਿਤ ਸਿੱਖ ਭਾਈਚਾਰੇ ਦੇ ਲੋਕਾਂ ਨੂੰ ਉਥੇ ਵੱਧ ਰਹੀ ਠੰਡ ਦੌਰਾਨ ਤੁਰੰ&....
 (News posted on: 26 Oct 2014)
 Email Print 

ਅੰਮ੍ਰਿਤਸਰ 25 ਅਕਤੂਬਰ (ਬਾਬੂਸ਼ਾਹੀ ਬਿਉਰੋ) ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਟੀਮ ਨੇ ਸ੍ਰੀਨਗਰ ਸਥਿਤ ਹੜ੍ਹ ਪੀੜਤ ਇਲਾਕੇ ਦੇ ਪ੍ਰਭਾਵਿਤ ਸਿੱਖ ਭਾਈਚਾਰੇ ਦੇ ਲੋਕਾਂ ਨੂੰ ਉਥੇ ਵੱਧ ਰਹੀ ਠੰਡ ਦੌਰਾਨ ਤੁਰੰਤ ਰਾਹਤ ਮੁਹੱਈਆ ਕਰਨ ਲਈ ਮੁੜ ਮੁੱਖ ਮੰਤਰੀ ਜਨਾਬ ਉਮਰ ਅਬਦੁੱਲਾ ਨਾਲ ਮੁਲਾਕਾਤ ਕਰਦਿਆਂ ਸਿੱਖਾਂ ਦੇ ਮੁੜ ਵਸੇਬੇ ਲਈ ਤੁਰੰਤ ਕਾਰਗਰ ਢੰਗ ਤਰੀਕਾ ਅਪਨਾਉਣ ਦੀ ਅਪੀਲ ਕੀਤੀ ਹੈ।
ਸ਼੍ਰੋਮਣੀ ਕਮੇਟੀ ਦੇ ਬੁਲਾਰੇ ਤੇ ਵਧੀਕ ਸਕੱਤਰ ਸ. ਦਿਲਜੀਤ ਸਿੰਘ ਬੇਦੀ ਨੇ ਦੱਸਿਆ ਕਿ ਮੁੱਖ ਮੰਤਰੀ ਨੂੰ ਮਿਲਣ ਵਾਲੇ ਸਿੱਖ ਆਗੂਆਂ ਦੀ ਟੀਮ ਵਿੱਚ ਉਨ੍ਹਾਂ ਨਾਲ ਮੀਤ ਸਕੱਤਰ ਜਗਜੀਤ ਸਿੰਘ ਜੱਗੀ ਸ਼ਾਮਲ ਸਨ।ਉਨ੍ਹਾਂ ਨੇ ਮੁੱਖ ਮੰਤਰੀ ਨੂੰ ਮਿਲ ਕੇ ਸਿੱਖਾਂ ਦੇ ਮੁੜ ਵਸੇਬੇ ਲਈ ਤੁਰੰਤ ਕਾਰਵਾਈ ਕਰਨ ਦੀ ਅਪੀਲ ਕੀਤੀ ਹੈ।ਉਨ੍ਹਾਂ ਕਿਹਾ ਕਿ ਵਾਦੀ ਵਿੱਚ ਤੇਜ਼ੀ ਨਾਲ ਵੱਧ ਰਹੀ ਠੰਢ ਕਾਰਨ ਪ੍ਰਭਾਵਿਤ ਹੋਏ ਲੋਕਾਂ ਦੇ ਸਾਹ ਸੂਤੇ ਹੋਏ ਹਨ।ਮੁੱਖ ਮੰਤਰੀ ਨੇ ਸਿੱਖ ਆਗੂਆਂ ਨੂੰ ਭਰੋਸਾ ਦਿੱਤਾ ਹੈ ਕਿ ਸਰਕਾਰ ਵੱਲੋਂ ਇਸ ਸਬੰਧੀ ਕੋਸ਼ਿਸ਼ ਜਾਰੀ ਹੈ ਅਤੇ ਸਰਕਾਰ ਇਸ ਕਾਰਜ ਨੂੰ ਚੁਣੌਤੀ ਵਜੋਂ ਲੈ ਰਹੀ ਹੈ।ਉਨ੍ਹਾਂ ਭਰੋਸਾ ਦਿੱਤਾ ਕਿ ਸਰਕਾਰ ਵੱਲੋਂ ਜਲਦੀ ਹੀ ਇਸ ਸਬੰਧੀ ਲੋੜੀਂਦੇ ਪ੍ਰਬੰਧ ਕੀਤੇ ਜਾਣਗੇ।ਉਨ੍ਹਾਂ ਸ਼੍ਰੋਮਣੀ ਕਮੇਟੀ ਦੇ ਪ੍ਰਧਾਨ ਜਥੇਦਾਰ ਅਵਤਾਰ ਸਿੰਘ ਦਾ ਧੰਨਵਾਦ ਕਰਦਿਆਂ ਆਖਿਆ ਕਿ ਸਿੱਖ ਜਥੇਬੰਦੀ ਵੱਲੋਂ ਹੜ੍ਹ ਪੀੜਤਾਂ ਨੂੰ ਰਾਹਤ ਦੇਣ ਲਈ ਕੀਤੇ ਗਏ ਕਾਰਜ ਸ਼ਲਾਘਾਯੋਗ ਹਨ।
ਸ. ਬੇਦੀ ਨੇ ਕਿਹਾ ਕਿ ਇਸ ਦੌਰਾਨ ਉਹ ਸਿੱਖ ਆਗੂ ਅਵਾਮੀ ਐਕਸ਼ਨ ਕਮੇਟੀ ਦੇ ਚੇਅਰਮੈਨ ਮੀਰ ਅਵਾਇਸ ਮੋਲਵੀ ਉਮਰ ਫਰੂਖ ਨੂੰ ਵੀ ਮਿਲੇ ਹਨ ਅਤੇ ਉਨ੍ਹਾਂ ਨੂੰ ਵੀ ਸਿੱਖ ਭਾਈਚਾਰੇ ਦੀ ਮਦਦ ਲਈ ਮੰਗ ਪੱਤਰ ਸੌਂਪਿਆ ਗਿਆ ਹੈ।ਸ. ਬੇਦੀ ਨੇ ਦੱਸਿਆ ਕਿ ਇਸ ਵੇਲੇ ਸ੍ਰੀਨਗਰ ਸਥਿਤ ਬੜਗਾਮ ਦੇ ਗੁਰਦੁਆਰੇ ਵਿੱਚ ਰਾਹਤ ਕੈਂਪ ਜਾਰੀ ਹਨ, ਜਿਸ ਦੇ ਤੀਜੇ ਪੜਾਅ ਵਿੱਚ ਪ੍ਰਭਾਵਿਤ ਲੋਕਾਂ ਨੂੰ ਰਾਸ਼ਨ ਕਿੱਟਾਂ ਦੇ ਨਾਲ ਗਰਮ ਬਿਸਤਰੇ ਵੰਡੇ ਜਾ ਰਹੇ ਹਨ।ਉਨ੍ਹਾਂ ਦੱਸਿਆ ਕਿ ਹੁਣ ਤੱਕ ਤਿੰਨ ਪੜਾਅ ਵਿੱਚ ਰਾਹਤ ਸਮੱਗਰੀ ਵੰਡੀ ਜਾ ਚੁੱਕੀ ਹੈ।ਪਹਿਲੇ ਪੜਾਅ ਵਿੱਚ ਤਿਆਰ ਰਾਸ਼ਨ ਤੇ ਹੋਰ ਰਾਹਤ ਸਮੱਗਰੀ ਵੰਡੀ ਗਈ ਸੀ, ਜਦੋਂ ਕਿ ਦੂਜੇ ਪੜਾਅ ਵਿੱਚ ਸੁੱਕੀ ਰਸਦ ਜਿਸ ਵਿੱਚ ਰਾਸ਼ਨ ਨਾਲ ਸਬੰਧਤ ਸਮਾਨ, ਗਰਮ ਕੱਪੜੇ ਤੇ ਬਿਸਤਰੇ ਆਦਿ ਵੰਡੇ ਜਾ ਰਹੇ ਹਨ।ਇਨ੍ਹਾਂ ਵਿੱਚ ਦਸਤਾਰਾਂ, ਕਛਿਹਰੇ, ਮਫਲਰ, ਟਰੈਕ ਸੂਟ ਅਤੇ ਗਰਮ ਸ਼ਰਟਾਂ ਆਦਿ ਵੀ ਸ਼ਾਮਲ ਹਨ।ਉਨ੍ਹਾਂ ਦੱਸਿਆ ਕਿ ਪੰਜ ਹਜ਼ਾਰ ਤੋਂ ਵੱਧ ਪਰਿਵਾਰਾਂ ਨੂੰ ਤੀਜੇ ਗੇੜ ਵਿੱਚ ਰਾਹਤ ਸਮੱਗਰੀ ਵੰਡੀ ਜਾ ਰਹੀ ਹੈ।ਚੌਥੇ ਪੜਾਅ ਵਿੱਚ ਸਿੱਖ ਭਾਈਚਾਰੇ ਦੇ ਉਨ੍ਹਾਂ ਵਿਅਕਤੀਆਂ ਨੂੰ ਰਾਹਤ ਦੇ ਚੈਕ ਵੰਡੇ ਜਾਣਗੇ, ਜਿਨ੍ਹਾਂ ਦੇ ਘਰ ਢਹਿ-ਢੇਰੀ ਹੋ ਗਏ ਹਨ ਜਾਂ ਨੁਕਸਾਨੇ ਗਏ ਹਨ।ਇਸੇ ਤਰ੍ਹਾਂ ਜਿਨ੍ਹਾਂ ਪਰਿਵਾਰਾਂ ਦੇ ਮੈਂਬਰਾਂ ਦੀ ਮੌਤ ਹੋ ਗਈ ਹੈ, ਉਨ੍ਹਾਂ ਦੇ ਵਾਰਸਾਂ ਨੂੰ ਸਹਾਇਤਾ ਰਾਸ਼ੀ ਦਿੱਤੀ ਜਾਵੇਗੀ।ਉਨ੍ਹਾਂ ਦੱਸਿਆ ਕਿ ਸ਼੍ਰੋਮਣੀ ਕਮੇਟੀ ਵੱਲੋਂ ਰਾਹਤ ਕਾਰਜਾਂ ਲਈ 2 ਕਰੋੜ ਰੁਪਏ ਦੀ ਰਾਸ਼ੀ ਰੱਖੀ ਗਈ ਹੈ।ਗੁਰਦੁਆਰਾ ਸ਼ਹੀਦ ਬੁੰਗਾ ਵਿਖੇ ਚੱਲ ਰਹੇ ਰਾਹਤ ਕੈਂਪ ਵਿੱਚ ਬਿਨਾਂ ਕਿਸੇ ਭੇਦ ਭਾਵ ਦੇ ਹਰ ਵਰਗ ਦੇ ਲੋਕਾਂ ਨੂੰ ਰਾਹਤ ਸਮੱਗਰੀ ਵੰਡੀ ਜਾ ਰਹੀ ਹੈ।
ਇਸ ਤੋਂ ਪਹਿਲਾਂ ਸ਼੍ਰੋਮਣੀ ਕਮੇਟੀ ਵੱਲੋਂ ਮੁਸਲਿਮ ਜਥੇਬੰਦੀ ਜੇ ਕੇ ਐਲ ਐਫ ਦੇ ਆਗੂ ਯਾਸੀਨ ਮਲਿਕ, ਹੁਰੀਅਤ ਕਾਨਫਰੰਸ ਦੇ ਆਗੂ ਸਈਅਦ ਅਲੀ ਸ਼ਾਹ ਗਿਲਾਨੀ, ਮੀਰ ਅਵਾਇਸ ਮੋਲਵੀ ਉਮਰ ਫਰੂਖ, ਵਿਧਾਇਕ ਜਨਾਬ ਨਾਸਿਰ ਅਸਲਮ ਵਾਨੀ ਦੀ ਮੰਗ 'ਤੇ ਪੰਜ ਟਰੱਕ ਰਾਹਤ ਸਮੱਗਰੀ ਦੇ ਭੇਜੇ ਜਾ ਚੁੱਕੇ ਹਨ।ਇਸੇ ਤਰ੍ਹਾਂ ਜੰਮੂ-ਕਸ਼ਮੀਰ ਮਹਿਲਾ ਕਮਿਸ਼ਨ ਦੀ ਮੁੱਖੀ ਬੇਗਮ ਸਮੀਮ ਫਿਰਦੋਸ ਦੀ ਮੰਗ 'ਤੇ ਸ਼੍ਰੋਮਣੀ ਕਮੇਟੀ ਵੱਲੋਂ ਰਾਹਤ ਸਮੱਗਰੀ ਦਾ ਪ੍ਰਬੰਧ ਕੀਤਾ ਗਿਆ ਸੀ।ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਸਾਰੇ ਆਗੂਆਂ ਨੇ ਸ਼੍ਰੋਮਣੀ ਕਮੇਟੀ ਵੱਲੋਂ ਕੀਤੇ ਜਾ ਰਹੇ ਰਾਹਤ ਕਾਰਜਾਂ ਦੀ ਭਰਪੂਰ ਪ੍ਰਸੰਸਾ ਕੀਤੀ ਹੈ।




ਹਰਿਆਣਾ ਦੇ ਹਰ ਗਲੀ-ਮੁੱਹਲੇ ਦੇ ਵਾਕਿਫ ਹਨ ਨਵੇਂ ਮੁੱਖ ਮੰਤਰੀ ਜਮੀਨ ਤੋਂ ਅਸਮਾਨ ਤੱਕ: ਮਨੋਹਰ ਲਾਲ ਖੱਟਰ


ਚੰਡੀਗੜ੍ਹ (ਸੋਹਲ) : ਮਨੋਹਰ ਲਾਲ ਖੱਟਰ ਹਰਿਆਣਾ ਦੇ ਸ਼ਾਇਦ ਪਹਿਲੇ ਅਜਿਹੇ ਮੁੱਖ ਮੰਤਰੀ ਹਨ, ਜੋ ਕਿ ਨਾ ਸਿਰਫ਼ ਸਮਾਜਸੇਵਕ ਦੇ ਨਾਤੇ ਹਰਿਆਣਾ ਦੇ ਹਰ ਜਿਲੇ ਵਿਚ ਕੁੱਝ ਸਾਲ ਗੁਜਾਰ ਚੁੱਕੇ ਹਨ, ਸੱਗੋਂ ਉਨ੍ਹਾਂ ਨੂੰ ਸੂਬੇ ă....
 (News posted on: 26 Oct 2014)
 Email Print 


ਚੰਡੀਗੜ੍ਹ (ਸੋਹਲ) : ਮਨੋਹਰ ਲਾਲ ਖੱਟਰ ਹਰਿਆਣਾ ਦੇ ਸ਼ਾਇਦ ਪਹਿਲੇ ਅਜਿਹੇ ਮੁੱਖ ਮੰਤਰੀ ਹਨ, ਜੋ ਕਿ ਨਾ ਸਿਰਫ਼ ਸਮਾਜਸੇਵਕ ਦੇ ਨਾਤੇ ਹਰਿਆਣਾ ਦੇ ਹਰ ਜਿਲੇ ਵਿਚ ਕੁੱਝ ਸਾਲ ਗੁਜਾਰ ਚੁੱਕੇ ਹਨ, ਸੱਗੋਂ ਉਨ੍ਹਾਂ ਨੂੰ ਸੂਬੇ ਦੇ ਕਿਸਾਨ, ਵਪਾਰੀ, ਉਧਮੀ ਆਦਿ ਨੂੰ ਆਉਂਦੀ ਸਮਸਿਆਵਾਂ ਦਾ ਪ੍ਰੈਕਟੀਕਲ ਤਜੁਰਬਾ ਹੈ।
ਆਮ ਤੌਰ 'ਤੇ ਇਕ ਰਾਜਨੀਤਿਕ ਵਰਕਰ ਦੇ ਜੀਵਨ ਵਿਚ ਅਜਿਹਾ ਅਨੂਭਵ ਨਹੀਂ ਆਉਂਦਾ, ਕਿਉਂਕਿ ਹੁੱਣ ਤੱਕ ਮੁੱਖਮੰਤਰੀ ਰਹੇ ਸਾਰੇ ਨੇਤਾ ਇਕ ਹੀ ਇਲਾਕੇ ਵਿਚ ਪਲੇ ਵੱਧੇ ਹਨ ਅਤੇ ਇਕ ਹੀ ਤਰ੍ਹਾਂ ਦਾ ਕੰਮ ਕਰਦੇ ਹਨ, ਪਰ ਮਨੋਹਰ ਲਾਲ ਦੀ ਜੀਵਨ ਯਾਤਰਾ ਕੁੱਝ ਵੱਖ ਤਰ੍ਹਾਂ ਦੀ ਹੈ, ਜਿਸ ਕਾਰਨ ਇਨ੍ਹਾਂ ਨੂੰ ਇਹ ਸਭ ਅਨੁਭਵ ਹੋ ਗਏ।
ਬੰਟਵਾਰੇ ਤੋਂ ਬਾਅਦ ਇਨ੍ਹਾਂ ਦਾ ਪਰਿਵਾਰ ਪਿੰਡ ਬਨਿਆਨੀ ਵਿਚ ਆਕੇ ਰਹਿਣ ਲੱਗਾ ਅਤੇ ਇਥੇ ਮਨੋਹਰ ਲਾਲ 10ਵੀਂ ਕਲਾਸ ਤੱਕ ਆਪਣੇ ਪਿਤਾ ਜੀ ਦਾ ਖੇਤੀਬਾੜੀ ਵਿਚ ਨਾ ਸਿਰਫ ਸਹਿਯੋਗ ਕਰਦੇ ਆਏ, ਬਲਕਿ ਜਮੀਨ ਦੀ ਜੁਤਾਈ, ਬਿਜਾਈ, ਸਿੰਚਾਈ ਆਦਿ ਤੋਂ ਲੈਕੇ ਮੰਡੀ ਵਿਚ ਫਸਲ ਸਬਜੀ ਆਦਿ ਵੇਚਣ ਦਾ ਕੰਮ ਵੀ ਖੁੱਦ ਹੀ ਕੀਤਾ। 10ਵੀਂ ਤੋਂ ਬਾਅਦ ਮੈਡੀਕਲ ਦੀ ਪੜਾਈ ਲਈ ਮਨੋਹਰ ਲਾਲ ਆਪਣੇ ਰਿਸ਼ਤੇਦਾਰਾਂ ਦੇ ਕੋਲ ਦਿੱਲੀ ਚੱਲੇ ਗਏ ਅਤੇ ਉਥੇ ਤਿਆਰੀ ਕਰਦੇ ਹੋਏ ਆਪਣੇ ਰਿਸ਼ਤੇਦਾਰਾਂ ਦੇ ਵੱਪਾਰ ਵਿਚ ਸਹਿਯੋਗ ਦਿੰਦੇ ਹੋਏ ਉਹ ਵੱਪਾਰ ਵੱਲ ਖੀਂਚ ਗਏ ਅਤੇ ਪਿਤਾ ਜੀ ਤੋਂ 5 ਹਜਾਰ ਰੁਪਏ ਲੈਕੇ ਖੁੱਦ ਦਾ ਕਪੜੇ ਦਾ ਕੰਮ ਸ਼ੁਰੂ ਕਰ ਦਿੱਤਾ। ਕੁੱਝ ਸਾਲਾਂ ਤੱਕ ਵੱਪਾਰ ਤੋਂ ਬਾਅਦ ਮੈਨੂਫੈਕਚਰਿੰਗ ਦਾ ਕੰਮ ਸਫਲਤਾ ਨਾਲ ਕਰਦੇ ਹੋਏ ਉਹ ਸਮਾਜਸੇਵਾ ਵੱਲ ਵੱਧਦੇ ਹੋਏ ਸੰਘ ਦੇ ਪ੍ਰਚਾਰਕ ਬਣ ਗਏ।
1980 ਤੋਂ 1994 ਤੱਕ 14 ਸਾਲਾਂ ਲਈ ਮਨੋਹਰ ਲਾਲ ਨੇ ਸੰਘ ਦੇ ਪ੍ਰਚਾਰਕ ਦੇ ਨਾਤੇ ਰੋਹਤਕ, ਜਗਾਧਰੀ, ਯਮੁਨਾਨਗਰ, ਕਰਨਾਲ, ਕੁਰੂਸ਼ੇਤਰ, ਹਿਸਾਰ ਅਤੇ ਭਿਵਾਨੀ ਜਿਲਿਆਂ ਸਮੇਤ ਦੂਰ ਦਰਾਜ ਦੇ ਖੇਤਰਾਂ ਵਿਚਚ ਲਗਾਤਾਰ ਕਈ ਕਈ ਸਾਲ ਕੰਮ ਕੀਤਾ ਹੈ। ਇਸੇ ਦੌਰਾਨ ਉਹ ਸ਼ਹਿਰ-ਸ਼ਹਿਰ, ਪਿੰਡ-ਪਿੰਡ ਪੈਦਲ, ਸਾਈਕਲ, ਰਿਕਸ਼ਾ, ਬਸਾਂ ਅਤੇ ਟਰੇਨਾਂ ਵਿਚਚ ਘੂਮੇ ਅਤੇ ਸਮਾਜ ਦੇ ਹਰੇਕ ਵਰਗ ਦੀ ਦੁੱਖ ਤਕਲੀਫ ਨੂੰ ਅੱਖਾਂ ਨਾਲ ਦੇਖਿਆ ਅਤੇ ਕੰਨਾਂ ਨਾਲ ਸੁਣਿਆ। 1994 ਤੋਂ 2004 ਤੱਕ ਹਰਿਆਣਾ ਸੂਬੇ ਵਿਚ ਭਾਜਪਾ ਦੇ ਮਹਾਮੰਤਰੀ ਸੰਗਠਨ ਦੇ ਨਾਤੇ ਪੂਰੇ ਪ੍ਰਦੇਸ਼ ਵਿਚ ਨਿਵਾਸ ਕਰਦੇ ਰਹੇ ਅਤੇ ਰਾਜਨੀਤੀਕ ਨੇਤਾ ਦੇ ਨਾਤੇ ਲੋਕਾਂ ਦੀ ਸਮਸਿਆਵਾਂ ਤੋਂ ਰੂਬਰੂ ਹੁੰਦੇ ਰਹੇ। 2004 ਵਿਚ ਉਨ੍ਹਾਂ ਨੂੰ ਖੇਤਰ ਦਾ ਸੰਗਠਨ ਮੰਤਰੀ ਬਣਾਕੇ ਜੰਮੂ-ਕਸ਼ਮੀਰ, ਪੰਜਾਬ, ਹਰਿਆਣਾ, ਹਿਮਾਚਲ ਦੀ ਜਿੰਮੇਦਾਰੀ ਦੇ ਦਿੱਤੀ ਗਈ। 2014 ਦੇ ਲੋਕਸਭਾ ਚੋਣਾਂ ਵਿਚ ਉਨ੍ਹਾਂ ਨੂੰ ਹਰਿਆਣਾ ਲੋਕਸਭਾ ਚੋਣ ਅਭਿਆਨ ਕਮੇਟੀ ਦਾ ਚੇਅਰਮੈਨ ਨਿਯੁਕਤ ਕੀਤਾ ਗਿਆ। ਇਹ ਸਾਰੀਆਂ ਜਿੰਮੇਦਾਰੀਆਂ ਦੌਰਾਨ ਉਨ੍ਹਾਂ ਨੂੰ ਲੋਕਾਂ ਨੂੰ ਆਉਂਦੀ ਪਰੇਸ਼ਾਨੀਆਂ ਦੀ ਹਰੇਕ ਜਾਣਕਾਰੀ ਦੇ ਗਿਆ।
ਇਹੋਂ ਕਾਰਨ ਹੈ ਕਿ ਅਸੀਂ ਮੰਨਦੇ ਹਾਂ ਕਿ ਮਨੋਹਰ ਲਾਲ ਨੂੰ ਹਰਿਆਣਾ ਦੇ ਕਿਸਾਨ, ਛੋਟਾ ਵੱਪਾਰੀ, ਵੱਪਾਰੀ, ਮੈਨੂਫੈਕਚਰਰ ਨੂੰ ਪੇਸ਼ ਆਉਂਦੀ ਪਰੇਸ਼ਾਨੀਆਂ ਦੀ ਜਾਣਕਾਰੀ ਹੈ ਅਤੇ ਇਸਦੇ ਨਾਲ ਹਰਿਆਣਾ ਦੇ ਨਾ ਸਿਰਫ ਹਰੇਕ ਗਲੀ ਮੁੱਹਲੇ ਦਾ ਪੱਤਾ ਹੈ, ਬਲਕਿ ਉਨ੍ਹਾਂ ਦੀ ਵੀ ਜਮੀਨੀ ਸਮਸਿਆਵਾਂ ਨੂੰ ਅੱਖੀਂ ਦੇਖਿਆ ਹੈ।
ਖੇਤ, ਮੰਡੀ, ਵੱਪਾਰੀਆਂ ਅਤੇ ਆਮ ਲੋਕਾਂ ਨਾਲ ਸਬੰਧਤ ਮਨੋਹਰ ਲਾਲ ਖੱਟਰ ਦੇ ਕੋਲ ਅਨੇਕਾਂ ਅਜਿਹੇ ਕਿੱਸੇ ਕਹਾਣਿਆਂ ਹਨ, ਜੋ ਨਾ ਕੇਵਲ ਕਿਸਾਨ ਬਲਕਿ ਖੇਤ ਮਜਦੂਰਾਂ ਸਮੇਤ ਮੰਡੀ ਜਗਤ ਨਾਲ ਜੁੜੇ ਦੁਕਾਨਦਾਰਾਂ, ਵੱਪਾਰੀਆਂ-ਆੜਤੀਆਂ, ਹੋਰਨ੍ਹਾਂ ਕਾਰੋਬਾਰੀਆਂ ਅਤੇ ਆਮ ਆਦਮੀ ਦੀ ਸਮਸਿਆਵਾਂ ਦੇ ਬਾਰੇ ਵਿਚ ਖੱਟਰ ਦੀ ਸਮਝ ਨੂੰ ਪਰਿਭਾਸ਼ਿਤ ਕਰਦੀ ਹੈ। ਨਤੀਜਨ ਮੂਲਭੁਤ ਸੁਧਾਰ ਦੇ ਲਈ ਇਨ੍ਹਾਂ ਵਰਗਾਂ ਦੀ ਸੂਬਾ ਸਰਕਾਰ ਤੋਂ ਕੀ-ਕੀ ਉਮੀਦਾਂ ਹਨ ਅਤੇ ਸਰਕਾਰ ਦੀ ਇਨ੍ਹਾਂ ਸਬੰਧੀ ਕੀ ਜਿੰਮੇਦਾਰੀ ਬਣਦੀ ਹੈ, ਮਨੋਹਰ ਲਾਲ ਖੱਟਰ ਕਿਸੇ ਤੋਂ ਸੁਨਣ ਸਮਝਣ ਦੀ ਲੋੜ ਨਹੀਂ ਹੈ।




ਮੁੱਖ ਮੰਤਰੀ ਨੇ ਚੰਦੁਰਾਈਆਂ ਦੀ ਨਾਮ ਦੀ ਸੂਚਨਾ ਕਮਿਸ਼ਨਰ ਪੰਜਾਬ ਵਜੋ ਨਿਯੁਕਤੀ ਨੂੰ ਹਰੀ ਝੰਡੀ ਜਸਪਾਲ ਕੌਰ ਅਤੇ ਚੌਧਰੀ ਮੋਹਨ ਲਾਲ ਪੰਜਾਬ ਲੋਕ ਸੇਵਾ ਕਮਿਸ਼ਨ ਦੇ ਮੈਂਬਰ ਨਿਯੁਕਤ


ਚੰਡੀਗੜ੍ਹ, 25 ਅਕਤੂਬਰ (ਸੋਹਲ) : ਪੰਜਾਬ ਦੇ ਮੁੱਖ ਮੰਤਰੀ ਸ. ਪਰਕਾਸ਼ ਸਿੰਘ ਬਾਦਲ ਨੇ ਅੱਜ ਸ੍ਰੀ ਅਜੀਤ ਸਿੰਘ ਚੰਦੁਰਾਈਆਂ ਦੀ ਸੂਚਨਾ ਕਮਿਸ਼ਨਰ ਪੰਜਾਬ ਅਤੇ ਸ੍ਰੀਮਤੀ ਜਸਪਾਲ ਕੌਰ ਤੇ ਚੌਧਰੀ ਮੋਹਨ ਲਾਲ ਦੀ ਪੰਜਾਬ ਲੋਕ ਸੇ....
 (News posted on: 26 Oct 2014)
 Email Print 


ਚੰਡੀਗੜ੍ਹ, 25 ਅਕਤੂਬਰ (ਸੋਹਲ) : ਪੰਜਾਬ ਦੇ ਮੁੱਖ ਮੰਤਰੀ ਸ. ਪਰਕਾਸ਼ ਸਿੰਘ ਬਾਦਲ ਨੇ ਅੱਜ ਸ੍ਰੀ ਅਜੀਤ ਸਿੰਘ ਚੰਦੁਰਾਈਆਂ ਦੀ ਸੂਚਨਾ ਕਮਿਸ਼ਨਰ ਪੰਜਾਬ ਅਤੇ ਸ੍ਰੀਮਤੀ ਜਸਪਾਲ ਕੌਰ ਤੇ ਚੌਧਰੀ ਮੋਹਨ ਲਾਲ ਦੀ ਪੰਜਾਬ ਲੋਕ ਸੇਵਾ ਕਮਿਸ਼ਨ ਦੇ ਮੈਬਰਾਂ ਵਜੋ ਨਿਯੁਕਤੀ ਨੂੰ ਹਰੀ ਝੰਡੀ ਦੇ ਦਿੱਤੀ ਹੈ।
ਇਸ ਗੱਲ ਦੀ ਜਾਣਕਾਰੀ ਦਿੰਦਿਆਂ ਅੱਜ ਇਥੇ ਮੁੱਖ ਮੰਤਰੀ ਦਫਤਰ ਦੇ ਇੱਕ ਬੁਲਾਰੇ ਨੇ ਦੱਸਿਆ ਕਿ ਸ੍ਰੀ ਬਾਦਲ ਨੇ ਸ਼ੁੱਕਰਵਾਰ ਨੂੰ ਇਸ ਸਬੰਧੀ ਫਾਈਲ 'ਤੇ ਹਸਤਾਖਰ ਕਰ ਦਿੱਤੇ ਸਨ।




ਪੀ.ਏ.ਪੀ.ਆਰ ਐਕਟ ਵਿੱਚ ਸੋਧ ਲਈ ਸਰਕਾਰ ਆਰਡੀਨੈਂਸ ਲਿਆਵੇਗੀ ਗੈਰਕਾਨੂੰਨੀ ਪਲਾਟਾਂ ਤੇ ਨਾਜਾਇਜ ਕਲੋਨੀਆਂ ਨੂੰ ਰੈਗੂਲਰ ਕਰਾਉਣ ਦਾ ਆਖਰੀ ਮੌਕਾ

ਡਿਪਟੀ ਕਮਿਸ਼ਨਰਾਂ ਤੇ ਮੁੱਖ ਪ੍ਰਸ਼ਾਸਕਾਂ ਨੂੰ ਨਿਯਮਤ ਕਰਨ ਦੀ ਪ੍ਰਕ੍ਰਿਆ ਦੀ ਨਿਗਰਾਨੀ ਦੇ ਹੁਕਮ
ਚੰਡੀਗੜ੍ਹ, 25 ਅਕਤੂਬਰ (ਸੋਹਲ) : ਪੰਜਾਬ ਸਰਕਾਰ ਨੇ ਅਣਅਧਿਕਾਰਤ ਪਲਾਟ ਹੋਲਡਰਾਂ ਅਤੇ ਨਜਾਇਜ ਕਲੋਨੀਆਂ ਨੂੰ ਰਾਹਤ....
 (News posted on: 26 Oct 2014)
 Email Print 

ਡਿਪਟੀ ਕਮਿਸ਼ਨਰਾਂ ਤੇ ਮੁੱਖ ਪ੍ਰਸ਼ਾਸਕਾਂ ਨੂੰ ਨਿਯਮਤ ਕਰਨ ਦੀ ਪ੍ਰਕ੍ਰਿਆ ਦੀ ਨਿਗਰਾਨੀ ਦੇ ਹੁਕਮ
ਚੰਡੀਗੜ੍ਹ, 25 ਅਕਤੂਬਰ (ਸੋਹਲ) : ਪੰਜਾਬ ਸਰਕਾਰ ਨੇ ਅਣਅਧਿਕਾਰਤ ਪਲਾਟ ਹੋਲਡਰਾਂ ਅਤੇ ਨਜਾਇਜ ਕਲੋਨੀਆਂ ਨੂੰ ਰਾਹਤ ਦੇਣ ਦੇ ਮਕਸਦ ਨਾਲ ਇਹ ਫੈਸਲਾ ਕੀਤਾ ਹੈ ਕਿ 27 ਅਕਤੂਬਰ ਨੂੰ ਇਸ ਬਾਰੇ ਇੱਕ ਸੋਧਿਆ ਹੋਇਆ ਨੋਟੀਫਿਕੇਸਨ ਜਾਰੀ ਕੀਤਾ ਜਾਵੇਗਾ ਤਾਂ ਜੋ ਅਗਲੇ ਤਿੰਨ ਮਹੀਨਿਆਂ ਵਿੱਚ ਪਲਾਟਾਂ ਅਤੇ ਕਲੋਨੀਆਂ ਨੂੰ ਨਿਯਮਤ ਕੀਤਾ ਜਾ ਸਕੇ।
ਪੰਜਾਬ ਦੇ ਉਪ ਮੁੱਖ ਮੰਤਰੀ ਸ. ਸੁਖਬੀਰ ਸਿੰਘ ਬਾਦਲ ਨੇ ਕਾਲੋਨਾਈਜਰਾਂ ਦੁਆਰਾ ਕੀਤੀ ਗਈ ਬੇਨਤੀ ਦੇ ਸਨਮੁੱਖ ਅੱਜ ਮਕਾਨ ਅਤੇ ਸ਼ਹਿਰੀ ਵਿਕਾਸ ਵਿਭਾਗ ਨੂੰ ਕਿਹਾ ਕਿ ਉਹ, ਪੰਜਾਬ ਅਪਾਰਟਮੈਟ ਐਡ ਪ੍ਰਾਪਰਟੀਜ਼ ਰੈਗੂਲਰਾਈਜੇਸਨ ਐਕਟ, 1995 (ਪੀ.ਏ.ਪੀ.ਆਰ.ਏ) ਤਹਿਤ ਇੱਕ ਤਾਜਾ ਨੋਟੀਫਿਕੇਸਨ ਉਨਾ੍ਹਂ ਪਲਾਟਾਂ ਹੋਲਡਰਾਂ ਅਤੇ ਕਾਲੋਨਾਈਜਰਾਂ ਲਈ ਜਾਰੀ ਕਰੇ ਜੋ ਕਿ ਲੰਘ ਚੁੱਕੇ ਨਿਰਧਾਰਤ ਸਮੇ ਵਿੱਚ ਆਪਣੇ ਪਲਾਟ ਅਤੇ ਕਾਲੋਨੀਆਂ ਨੂੰ ਨਿਯਮਤ ਨਹੀ' ਕਰਵਾ ਸਕੇ ਸਨ। ਸ. ਬਾਦਲ ਨੇ ਸਾਰੇ ਡਿਪਟੀ ਕਮਿਸਨਰਾਂ ਅਤੇ ਵਿਕਾਸ ਅਥਾਰਟੀਆਂ ਨੂੰ ਭਰਵੀ' ਮੁਹਿੰਮ ਵਿੱਢਣ ਲਈ ਕਿਹਾ ਤਾਂ ਜੋ ਸਾਰੀਆਂ ਨਜਾਇਜ ਕਲੋਨੀਆਂ ਅਤੇ ਪਲਾਟਾਂ ਨੂੰ ਨਿਯਮਤ ਕਰਕੇ ਇਸ ਕੰਮ ਨੂੰ ਇੱਕ ਮਿਸ਼ਨ ਵਾਂਗ ਪੂਰਾ ਕੀਤਾ ਜਾ ਸਕੇ।
ਸ. ਬਾਦਲ ਨੇ ਕਿਹਾ ਕਿ ਰਾਜ ਸਰਕਾਰ ਨੇ ਇੱਕ ਅਜਿਹੀ ਨੀਤੀ ਉਲੀਕੀ ਹੈ ਜੋ ਕਿ ਰਾਜ ਦੇ ਲੋਕਾਂ ਦਾ ਹਿੱਤ ਪੂਰਦੀ ਹੈ ਅਤੇ ਅਣਅਧਿਕਾਰਤ ਕਲੋਨੀਆਂ ਵਾਲੇ ਕਾਲੋਨਾਈਜਰਾਂ ਅਤੇ ਪਲਾਟ ਮਾਲਕਾਂ ਨੂੰ ਮਹਿਜ ਇੱਕ ਨਾਮਾਤਰ ਦੀ ਫੀਸ ਅਦਾਇਗੀ ਦੇ ਨਾਲ ਹੀ ਆਪੋ ਆਪਣੀਆਂ ਉਸਾਰੀਆਂ ਨੂੰ ਨਿਯਮਤ ਕਰਵਾਉਣ ਦਾ ਭਰਪੂਰ ਮੌਕਾ ਦਿੰਦੀ ਹੈ।
ਸ. ਬਾਦਲ ਨੇ ਕਿਹਾ ਕਿ ਜਾਇਦਾਦਾਂ ਨੂੰ ਨਿਯਮਤ ਕਰਵਾਉਣ ਦਾ ਇਹ ਇੱਕ ਸੁਨਹਿਰੀ ਮੌਕਾ ਹੈ। ਉਨਾ੍ਹਂ ਨੇ ਮਕਾਨ ਵਿਕਾਸ ਅਤੇ ਸਾਰੀਆਂ ਵਿਕਾਸ ਅਥਾਰਟੀਆਂ ਨੂੰ ਇਹ ਹੁਕਮ ਦਿੱਤੇ ਕਿ ਉਹ, ਅਗਲੇ ਹਫਤੇ ਤੋ' ਅਰਜੀਆਂ ਲੈਣ ਦੀ ਪ੍ਰਕ੍ਰਿਆ ਸ਼ੁਰੂ ਕਰ ਦੇਣ ਅਤੇ ਅਰਜੀਆਂ ਜਮਾਂ ਕਰਨ ਦੀ ਮਿਤੀ ਤੋ' ਇੱਕ ਮਹੀਨੇ ਦੇ ਅੰਦਰ ਅਰਜੀਆਂ ਦਾ ਨਿਪਟਾਰਾ ਕਰਕੇ ਮਾਲਕਾਂ ਨੂੰ ਇਤਰਾਜਹੀਣਤਾ ਪ੍ਰਮਾਣ ਪੱਤਰ ਜਾਰੀ ਕਰਨ।
ਉਪ ਮੁੱਖ ਮੰਤਰੀ ਨੇ ਸਕੱਤਰ, ਮਕਾਨ ਨੂੰ ਇੱਕ ਆਰਡੀਨੈ'ਸ ਜਾਰੀ ਕਰਨ ਲਈ ਕਿਹਾ ਤਾਂ ਜੋ ਪੀ.ਏ.ਪੀ.ਆਰ.ਐਕਟ ਵਿੱਚ ਸੋਧ ਕੀਤੀ ਜਾ ਸਕੇ ਅਤੇ ਰਾਜ ਵਿਚਲੇ ਅਣਅਧਿਕਾਰਤ ਪਲਾਟ ਹੋਲਡਰਾਂ ਅਤੇ ਕਲੋਨੀਆਂ ਨੂੰ ਰਾਹਤ ਮਿਲ ਸਕੇ।
ਸ. ਬਾਦਲ ਨੇ ਝੰਜਟਾਂ ਤੋ' ਮੁਕਤ ਅਤੇ ਲੋਕ ਹਿਤੈਸੀ ਪਹੁੰਚ ਅਪਣਾਉਣ ਦੀ ਜ਼ੋਰਦਾਰ ਵਕਾਲਤ ਕਰਦਿਆਂ ਕਿਹਾ ਕਿ ਇਹ ਫਰਜ਼ ਡਿਪਟੀ ਕਮਿਸ਼ਨਰਾਂ ਦਾ ਹੈ ਕਿ ਉਹ ਇਹ ਯਕੀਨੀ ਬਣਾਉਣ ਕਿ ਉਹ ਆਮ ਲੋਕਾਂ ਨੂੰ ਕਿਸੇ ਵੀ ਪ੍ਰੇਸਾਨੀ ਦਾ ਸਾਹਮਣਾ ਨਾ ਕਰਨਾ ਪਵੇ ਅਤੇ ਇਸ ਟੀਚੇ ਨੂੰ ਪੂਰਾ ਕਰਨ ਵਿੱਚ ਲੋਕਾਂ ਨੂੰ ਪੂਰਾ ਸਹਿਯੋਗ ਦਿੱਤਾ ਜਾਵੇ। ਉਨਾਂ ਨੇ ਸਾਰੀਆਂ ਵਿਕਾਸ ਅਥਾਰਟੀਆਂ ਦੇ ਮੁੱਖ ਪ੍ਰਸ਼ਾਸਕਾਂ ਨੂੰ ਕਿਹਾ ਕਿ ਉਹ ਪਲਾਟਾਂ ਅਤੇ ਕਾਲੋਨੀਆਂ ਨੂੰ ਨਿਯਮਤ ਕੀਤੇ ਜਾਣ ਦੀ ਇਸ ਪ੍ਰਕ੍ਰਿਆ ਦੀ ਨਿਗਰਾਨੀ ਕਰਦੇ ਰਹਿਣ ਅਤੇ ਸਰਕਾਰ ਨੂੰ ਹਫਤਾਵਾਰੀ ਰਿਪੋਰਟਾਂ ਜਮਾਂ ਕਰਵਾਉਣ।



ਕੈਨੇਡਾ : ਦੀਵਾਲੀ ਦੀ ਰੌਸ਼ਨੀ ਪਾਰਲੀਮੈਂਟ ਦੇ ਸਹੀਦਾਂ ਨੂੰ ਸਰਧਾਂਜਲੀ ਵੱਜੋਂ ਮੋਮਬੱਤੀਆਂ ਬਾਲਕੇ ਕੀਤੀ

ਕੈਲਗਰੀ-ਹਰਬੰਸ ਬੁੱਟਰ
ਕੈਲਗਰੀ ਦੇ ਫਾਲਕਿਨਰਿੱਜ਼ ਕਮਿਓਨਿਟੀ ਹਾਲ ਵਿਖੇ ਹਿੰਦੂ ਯੂਥ ਵਾਲੰਟੀਅਰਜ਼ ਵੱਲੋਂ ਦੀਵਾਲੀ ਦੇ ਮੌਕੇ ਖੁਸੀਆਂ ਮਨਾਉਣ ਦੇ ਲਈ ਇੱਕ ਪਰੋਗਰਾਮ ਕਾਫੀ ਲੰਮੇ ਅਰਸੇ ਤੋਂ ਉਲੀਕਿਆ ਗਿਆ ਸੀ ਪਰ ਬ....
 (News posted on: 26 Oct 2014)
 Email Print 

ਕੈਲਗਰੀ-ਹਰਬੰਸ ਬੁੱਟਰ
ਕੈਲਗਰੀ ਦੇ ਫਾਲਕਿਨਰਿੱਜ਼ ਕਮਿਓਨਿਟੀ ਹਾਲ ਵਿਖੇ ਹਿੰਦੂ ਯੂਥ ਵਾਲੰਟੀਅਰਜ਼ ਵੱਲੋਂ ਦੀਵਾਲੀ ਦੇ ਮੌਕੇ ਖੁਸੀਆਂ ਮਨਾਉਣ ਦੇ ਲਈ ਇੱਕ ਪਰੋਗਰਾਮ ਕਾਫੀ ਲੰਮੇ ਅਰਸੇ ਤੋਂ ਉਲੀਕਿਆ ਗਿਆ ਸੀ ਪਰ ਬਿਲਕੁੱਲ ਐਨ ਮੌਕੇ ਉੱਪਰ ਆਕੇ ਇਸ ਪਰੋਗਰਾਮ ਦੀ ਸਾਰੀ ਰੂਪ ਰੇਖਾ ਵਿੱਚ ਉਸ ਵੇਲੇ ਤਬਦੀਲੀ ਆ ਗਈ ਜਦੋਂ ਇੱਕ ਸਿਰਫਿਰੇ ਨੇ ਕਨੇਡਾ ਦੀ ਪਾਰਲੀਮੈਂਟ ਉੱਪਰ ਨਿਹੱਥੇ ਫੌਜੀ ਉੱਪਰ ਹਥਿਆਰਬੰਦ ਹਮਲਾ ਕਰਕੇ ਉਸ ਨੂੰ ਸ਼ਹੀਦ ਕਰ ਦਿੱਤਾ। ਅੱਜ ਦੀਵਾਲੀ ਦਾ ਪਰੋਗਰਾਮ ਸੁਰੂ ਹੋਣ ਮੌਕੇ ਹਾਲ ਵਿੱਚ ਦਾਖਲੇ ਤੋਂ ਪਹਿਲਾਂ ਕੈਲਗਰੀ ਨਾਰਥਈਸਟ ਤੋਂ ਮੈਂਬਰ ਪਾਰਲੀਮੈਂਟ ਦਵਿੰਦਰ ਸ਼ੋਰੀ ਅਤੇ ਵਾਈਲਡਰੋਜ਼ ਪਾਰਟੀ ਦੇ ਮੈਕਾਲ ਹਲਕੇ ਤੋਂ ਚੋਣ ਲੜਨ ਜਾ ਰਹੇ ਉਮੀਂਦਵਾਰ ਹੈਪੀ ਮਾਨ ਅਤੇ ਰਾਕੇਸ ਜਸਵਾਲ ਦੀ ਅਗਵਾਈ ਵਿੱਚ ਹਿੰਦੂ ਯੂਥ ਵਾਲੰਟੀਅਰਜ਼ ਦੇ ਨੁਮਾਂਇੰਦਿਆਂ ਨੇ ਬੀਤੇ ਦਿਨੀ ਪਾਰਲੀਮੈਂਟ ਹਿੱਲ ਔਟਵਾ ਵਿਖੇ ਸਥਿੱਤ ਨੈਸਨਲ ਵਾਰ ਮੈਮੋਰੀਅਲ ਵਿਖੇ ਖਾਲੀ ਹੱਥ ਡਿਊਟੀ ਨਿਭਾ ਰਹੇ ਸ਼ਹੀਦ ਹੋਏ ਇੱਕ ਫੌਜੀ ਨੂੰ ਸਰਧਾਂਜਲੀ ਵੱਜੋਂ ਮੋਮਬੱਤੀਆਂ ਜਗਾਈਆਂ। ਐਮ ਪੀ ਦਵਿੰਦਰ ਸ਼ੋਰੀ ਨੇ ਕਿਹਾ ਅਸੀਂ ਕਨੇਡੀਅਨ ਇਸ ਮੌਕੇ ਅਜਿਹੇ ਹਮਲਿਆਂ ਨਾਲ ਘਬਰਾਏ ਨਹੀ ਸਗੋਂ ਹੋਰ ਮਜਬੂਤ ਹੋਏ ਹਾਂ । ਸਾਨੂੰ ਸਮੂਹ ਭਾਈਚਾਰਿਆਂ ਨੂੰ ਏਕਤਾ ਦਾ ਸਬੂਤ ਦਿੰਦੇ ਹੋਏ ਅਜਿਹੇ ਮੌਕਿਆਂ ਉੱਪਰ ਦੇਸ਼ ਧਰੋਹੀਆਂ ਦੇ ਹੌਂਸਲੇ ਪ੍ਰਸਤ ਕਰ ਦੇਣੇ ਚਾਹੀਦੇ ਹਨ। ਇਸ ਮੌਕੇ ਅਲਬਰਟਾ ਦੀ ਮੁੱਖ ਵਿਰੋਧੀ ਧਿਰ ਵਾਈਲਡਰੋਜ਼ ਪਾਰਟੀ ਦੀ ਨੇਤਾ ਡੈਨੀਅਲ ਸਮਿੱਥ, ਗਲੋਬਲ ਪਰਵਾਸੀ ਸੀਨੀਅਰਜ਼ ਸੋਸਾਇਟੀ ਦੇ ਪ੍ਰਧਾਨ ਸੱਤਪਾਲ ਕੌਸਿਲ, ਪ੍ਰਸਿੱਧ ਰੇਡੀਓ ਹੋਸਟ ਅਮਰਜੀਤ ਰੱਖੜਾ, ਰਾਕੇਸ ਜਸਵਾਲ,ਹਰਚਰਨ ਸਿੰਘ ਅਤੇ ਬੀਬਾ ਗੁਰਦੀਪ ਕੌਰ "ਸਿੱਖ ਵਿਰਸਾ",ਰਿੱਕੀ ਨਰੂਲਾ, ਰੋਮੀ ਸਿੱਧੂ, ਗਗਨ ਬੁੱਟਰ,ਅਤੇ ਹੋਰ ਕੈਲਗਰੀ ਦੀਆਂ ਨਾਮੀ ਸਖਸ਼ੀਅਤਾ ਹਾਜਿਰ ਸਨ।



ਮੁੱਖ ਮੰਤਰੀ ਵੱਲੋਂ ਰੱਤਾ ਖੇੜਾ ਵੱਡਾ ਅਤੇ ਛੋਟਾ ਦੀ ਕਾਇਆ ਕਲਪ ਕਰਨ ਲਈ 23 ਕਰੋੜ ਦੇ ਪ੍ਰੋਜੈਕਟਾਂ ਦਾ ਐਲਾਨ ਸੇਮ ਨਾਲ ਸਭ ਤੋਂ ਵੱਧ ਪ੍ਰਭਾਵਿਤ ਪਿੰਡ ਰੱਤਾ ਖੇੜਾ ਮਾਡਲ ਪਿੰਡ ਵਜੋਂ ਹੋਣਗੇ ਵਿਕਸਤ

-ਬਿਹਤਰ ਜਿੰਦਗੀ ਲਈ 'ਹਰ ਹੱਥ ਕਰੇ ਕਿਰਤ' ਦਾ ਦਿੱਤਾ ਨਾਹਰਾ
-ਪਿੰਡ ਰੱਤਾ ਖੇੜਾ ਵਿਖੇ ਇਕ ਰੋਜ਼ਾ ਸੰਗਤ ਦਰਸ਼ਨ ਪ੍ਰੋਗਰਾਮ
ਰੱਤਾ ਖੇੜਾ (ਲੰਬੀ) ਸ੍ਰੀ ਮੁਕਤਸਰ ਸਾਹਿਬ, 25 ਅਕਤੂਬਰ: (ਬਾਬੂਸ਼ਾਹੀ ਬਿਉਰੋ)
ਸੂਬੇ ਵਿਚ ਸੇਮ ਨ....
 (News posted on: 26 Oct 2014)
 Email Print 

-ਬਿਹਤਰ ਜਿੰਦਗੀ ਲਈ 'ਹਰ ਹੱਥ ਕਰੇ ਕਿਰਤ' ਦਾ ਦਿੱਤਾ ਨਾਹਰਾ
-ਪਿੰਡ ਰੱਤਾ ਖੇੜਾ ਵਿਖੇ ਇਕ ਰੋਜ਼ਾ ਸੰਗਤ ਦਰਸ਼ਨ ਪ੍ਰੋਗਰਾਮ
ਰੱਤਾ ਖੇੜਾ (ਲੰਬੀ) ਸ੍ਰੀ ਮੁਕਤਸਰ ਸਾਹਿਬ, 25 ਅਕਤੂਬਰ: (ਬਾਬੂਸ਼ਾਹੀ ਬਿਉਰੋ)
ਸੂਬੇ ਵਿਚ ਸੇਮ ਨਾਲ ਸਭ ਤੋਂ ਵੱਧ ਪ੍ਰਭਾਵਿਤ ਪਿੰਡ ਰੱਤਾ ਖੇੜਾ ਵੱਡਾ ਅਤੇ ਰੱਤਾ ਖੇੜਾ ਛੋਟਾ ਨੂੰ ਮਾਡਲ ਪਿੰਡ ਵਜੋਂ ਵਿਕਸਤ ਕਰਨ ਲਈ ਅਹਿਮ ਕਦਮ ਚੁਕਦਿਆਂ ਪੰਜਾਬ ਦੇ ਮੁੱਖ ਮੰਤਰੀ ਸ: ਪਰਕਾਸ਼ ਸਿੰਘ ਬਾਦਲ ਨੇ ਇੰਨ੍ਹਾਂ ਪਿੰਡਾਂ ਵਿਚ ਬੁਨਿਆਦੀ ਢਾਂਚੇ ਦੀ ਕਾਇਆ ਕਲਪ ਕਰਨ, ਹੁਨਰ ਵਿਕਾਸ ਅਤੇ ਖੇਤੀ ਸਹਾਇਕ ਧੰਦਿਆਂ ਨੂੰ ਪ੍ਰਫੁਲਿਤ ਕਰਨ ਸਮੇਤ ਹੋਰ ਵੱਖ-ਵੱਖ ਸਕੀਮਾਂ ਤਹਿਤ 23 ਕਰੋੜ ਰੁਪਏ ਤੋਂ ਵੱਧ ਦੇ ਪ੍ਰੋਜੈਕਟ ਆਰੰਭਣ ਦਾ ਐਲਾਨ ਕੀਤਾ ਤਾਂ ਕਿ ਔਂਕੜਾਂ ਨਾਲ ਜੂਝ ਰਹੇ ਇੰਨ੍ਹਾਂ ਪਿੰਡਾਂ ਦੇ ਲੋਕ ਮੁੜ ਆਪਣੇ ਪੈਰਾਂ 'ਤੇ ਖੜੇ ਹੋ ਸਕਣ। ਇਸ ਮੌਕੇ ਮੁੱਖ ਮੰਤਰੀ ਨੇ ਆਖਿਆ ਕਿ ਸਾਰੀਆਂ ਸਕੀਮਾਂ ਨੂੰ ਇਕੋ ਸਮੇਂ ਲਾਗੂ ਕਰਨ ਲਈ ਇੰਨ੍ਹਾਂ ਦੋ ਪਿੰਡਾਂ ਨੂੰ ਤਜਰਬੇ ਦੇ ਤੌਰ ਤੇ ਲਿਆ ਗਿਆ ਹੈ ਜਿਸ ਤੋਂ ਬਾਅਦ ਸੇਮ ਗ੍ਰਸਤ ਹੋਰ ਪਿੰਡਾਂ ਵਿਚ ਵੀ ਇਹੀ ਮਾਡਲ ਅਪਨਾਇਆ ਜਾਵੇਗਾ।
ਅੱਜ ਇੱਥੇ ਪਿੰਡ ਰੱਤਾ ਖੇੜਾ ਵੱਡਾ ਅਤੇ ਰੱਤਾ ਖੇੜਾ ਛੋਟਾ ਦੇ ਇਕ ਰੋਜ਼ਾ ਸੰਗਤ ਦਰਸ਼ਨ ਪ੍ਰੋਗਰਾਮ ਦੌਰਾਨ ਸ: ਬਾਦਲ ਨੇ ਆਖਿਆ ਕਿ ਅੱਜ ਹਰੇਕ ਪਿੰਡ ਵਿਚ ਉਥੋਂ ਦੇ ਵਾਸੀਆਂ ਨੂੰ ਕਿਸੇ ਨਾ ਕਿਸੇ ਰੂਪ ਵਿਚ ਬੁਨਿਆਦੀ ਸਹੁਲਤਾਂ ਹਾਸਲ ਹਨ ਪਰ ਇਹ ਦੋ ਪਿੰਡ ਲਗਭਗ ਪਿਛਲੇ 20 ਸਾਲਾਂ ਤੋਂ ਸੇਮ ਨਾਲ ਪੀੜਤ ਹੋਣ ਕਾਰਨ ਗੰਭੀਰ ਆਰਥਿਕ 'ਤੇ ਸਮਾਜਿਕ ਸੰਕਟ ਦਾ ਸਾਹਮਣਾ ਕਰ ਰਹੇ ਹਨ। ਰੋਜ਼ਮਰ੍ਹਾਂ ਦੀ ਜਿੰਦਗੀ ਵਿਚ ਮੁਸਕਿਲਾਂ ਹੰਢਾਉਣ ਵਾਲੇ ਪਿੰਡ ਵਾਸੀਆਂ ਦੀ ਹਿੰਮਤ ਦੀ ਦਾਦ ਦਿੰਦਿਆਂ ਮੁੱਖ ਮੰਤਰੀ ਨੇ ਆਖਿਆ ਕਿ ਇਸ ਵੇਲੇ ਲੋਕਾਂ ਨੂੰ ਸੇਮ ਦੀ ਸਮੱਸਿਆ ਤੋਂ ਨਿਜਾਤ ਪਾਉਣ ਲਈ ਖੇਤੀ ਤੋਂ ਇਲਾਵਾ ਹੋਰ ਕਿੱਤਿਆਂ ਨੂੰ ਉਤਸਾਹ ਅਤੇ ਲਗਨ ਨਾਲ ਅਪਨਾਉਣਾ ਚਾਹੀਦਾ ਹੈ ਤਾਂ ਕਿ ਆਰਥਿਕ ਵਸੀਲੇ ਪੈਦਾ ਕਰਕੇ ਆਪਣੀ ਜਿੰਦਗੀ ਬਿਹਤਰ ਢੰਗ ਨਾਲ ਬਸਰ ਕੀਤੀ ਜਾ ਸਕੇ। ਉਨ੍ਹਾਂ ਆਖਿਆ ਕਿ ਸੂਬਾ ਸਰਕਾਰ ਨੇ ਇੰਨ੍ਹਾਂ ਦੋ ਪਿੰਡਾਂ ਨੂੰ ਹਰ ਪੱਖ ਤੋਂ ਨਮੂਨੇ ਦੇ ਪਿੰਡ ਵਜੋਂ ਵਿਕਸਤ ਕਰਨ ਦਾ ਤਹੱਈਆ ਕੀਤਾ ਹੈ ਅਤੇ ਪਿੰਡ ਵਾਸੀਆਂ ਅਤੇ ਯੋਜਨਾਵਾਂ ਉਲੀਕਣ ਵਾਲੇ ਅਧਿਕਾਰੀਆਂ ਨੂੰ ਵੀ ਇਹ ਪ੍ਰਣ ਕਰਨਾ ਚਾਹੀਦਾ ਹੈ ਕਿ ਉਹ ਉਦੋਂ ਤੱਕ ਚੈਨ ਨਾਲ ਨਹੀਂ ਬੈਠਣਗੇ ਜਦੋ ਤੱਕ ਇਸ ਵਿਆਪਕ ਯੋਜਨਾ ਦਾ ਲਾਭ ਹਰੇਕ ਘਰ ਦੇ ਮੈਂਬਰ ਤੱਕ ਨਹੀਂ ਪਹੁੰਚਦਾ। ਉਨ੍ਹਾਂ ਨੇ ਪਿੰਡ ਵਾਸੀਆਂ ਨੂੰ ਵਿਸੇਸ਼ ਤੌਰ ਤੇ ਆਖਿਆ ਕਿ ਹੁਣ ਵੇਲਾ ਇਕ ਜੀਅ ਦੀ ਕਮਾਈ ਨਾਲ ਪੂਰੇ ਪਰਿਵਾਰ ਦਾ ਗੁਜਾਰਾ ਚਲਾਉਣ ਵਾਲਾ ਨਹੀਂ ਰਿਹਾ ਸਗੋਂ ਬੱਚਿਆਂ ਨੂੰ ਵਧੀਆਂ ਤਾਲੀਮ ਅਤੇ ਹੋਰ ਸੁੱਖ ਸਹੁਲਤਾਂ ਦੇਣ ਲਈ ਹੁਣ ਹਰੇਕ ਹੱਥ (ਹਰੇਕ ਜੀਅ) ਕਿਰਤ ਕਰੇ।
ਇੰਨ੍ਹਾਂ ਦੋਹਾਂ ਪਿੰਡਾਂ ਦੇ ਵਿਕਾਸ ਲਈ ਉਲੀਕੀ ਸਮੁੱਚੀ ਯੋਜਨਾ ਦਾ ਖੁਲਾਸਾ ਕਰਦਿਆਂ ਮੁੱਖ ਮੰਤਰੀ ਨੇ ਦੱਸਿਆ ਕਿ ਸਾਰਾ ਪ੍ਰੋਗਰਾਮ ਯੋਜਨਾਬੰਦੀ ਵਿਭਾਗ ਵੱਲੋਂ ਹਰੇਕ ਮਹਿਕਮੇ ਨਾਲ ਬਕਾਇਦਾ ਤਾਲਮੇਲ ਕਰਕੇ ਉਲੀਕਿਆ ਗਿਆ ਹੈ ਅਤੇ ਇਸੇ ਵਿਉਂਤਬੰਦੀ ਦੇ ਤਹਿਤ ਹੀ ਸਾਰੇ ਪ੍ਰੋਗਰਾਮਾਂ ਨੂੰ ਅਮਲੀ ਜਾਮਾ ਪਹਿਨਾਇਆ ਜਾਵੇਗਾ। ਸਰਕਾਰ ਵੱਲੋਂ 23 ਕਰੋੜ ਰੁਪਏ ਦੀ ਕੀਤੀ ਯੋਜਨਾਬੰਦੀ ਤਹਿਤ ਪਖਾਨਿਆਂ ਦਾ ਨਿਰਮਾਣ, ਸਕੂਲਾਂ ਦੀ ਨਵੀਂ ਉਸਾਰੀ, ਨਵੇਂ ਮਕਾਨਾਂ ਦੀ ਉਸਾਰੀ ਅਤੇ ਪੁਰਾਣਿਆਂ ਦੀ ਮੁਰੰਮਤ, ਕਮਿਊਨਟੀ ਸ਼ੈਡ, ਆਂਗਣਵਾੜੀ ਕੇਂਦਰਾਂ ਦਾ ਨਿਰਮਾਣ, ਸੇਮ ਦੀ ਨਿਕਾਸੀ ਲਈ ਸਬ ਸਰਫਸ ਪਾਈਪ ਲਾਈਨ ਵਿਛਾਉਣ, ਪੀਣ ਵਾਲੇ ਪਾਣੀ ਦੀਆਂ ਪਾਇਪਾਂ ਪਾਉਣ, ਸੜਕਾਂ ਦੇ ਨਿਰਮਾਣ, ਗਲੀਆਂ ਦੀ ਸੀ.ਸੀ. ਫਲੋਰਿੰਗ, ਸਿਲਾਈ ਸੈਂਟਰ ਮੁਕੰਮਲ ਕਰਨ, ਖਾਲੇ ਪੱਕੇ ਕਰਨ, ਢਾਣੀਆਂ ਨੂੰ ਖੜਵੰਜੇ ਲਗਾਉਣ, ਅਨਾਜ ਮੰਡੀ ਨੂੰ ਪੱਕੀ ਕਰਨ ਤੋਂ ਇਲਾਵਾ ਹੋਰ ਵੱਖ ਵੱਖ ਵਿਕਾਸ ਕਾਰਜ ਕੀਤੇ ਜਾਣੇ ਹਨ। ਉਨ੍ਹਾਂ ਦੱਸਿਆ ਕਿ 23 ਕਰੋੜ ਵਿਚੋਂ 17.85 ਕਰੋੜ ਰੁਪਏ ਰੱਤਾ ਖੇੜਾ ਵੱਡਾ ਵਿਚ ਅਤੇ ਬਾਕੀ ਰੱਤਾ ਖੇੜਾ ਛੋਟਾ ਵਿਚ ਖਰਚੇ ਜਾਣਗੇ। ਇਸ ਮੌਕੇ ਉਨ੍ਹਾਂ ਨੇ ਪਿੰਡ ਵਾਸੀਆਂ ਨੂੰ ਵਿਕਾਸ ਕੰਮਾਂ ਦੀ ਮਿਆਰਤਾ ਦੀ ਖੁਦ ਨਿਗਰਾਨੀ ਰੱਖਣ ਲਈ ਵੀ ਆਖਿਆ ਤਾਂ ਕਿ ਬਾਅਦ ਵਿਚ ਕਿਸੇ ਤਰਾਂ ਦੀ ਮੁਸਕਿਲ ਪੇਸ਼ ਨਾ ਆਵੇ।
ਮੁੱਖ ਮੰਤਰੀ ਨੇ ਆਖਿਆ ਕਿ ਸੇਮ ਤੋਂ ਪੀੜਤ ਪਿੰਡਾਂ ਦੇ ਲੋਕਾਂ ਨੂੰ ਦਰਪੇਸ਼ ਸਮਸਿਆਵਾਂ ਤੋਂ ਉਹ ਚੰਗੀ ਤਰਾਂ ਜਾਣੂ ਹਨ ਜਿਸ ਕਰਕੇ ਇੰਨ੍ਹਾਂ ਦੋਹਾਂ ਪਿੰਡਾਂ ਨੂੰ ਸਾਰੀਆਂ ਸਕੀਮਾਂ ਸਾਮੂਹਿਕ ਰੂਪ ਵਿਚ ਲਾਗੂ ਕਰਨ ਲਈ ਪਾਇਲਟ ਪ੍ਰੋਜੈਕਟ ਵਜੋਂ ਲਿਆ ਗਿਆ ਹੈ । ਇਸ ਪ੍ਰੋਗਰਾਮ ਦੇ ਸਾਰਥਕ ਨਤੀਜਿਆਂ ਤੋਂ ਬਾਅਦ ਬਾਕੀ ਪਿੰਡਾਂ ਵਿਚ ਇਹੀ ਮਾਡਲ ਲਾਗੂ ਕੀਤਾ ਜਾਵੇਗਾ।
ਇਸ ਮੌਕੇ ਮੁੱਖ ਮੰਤਰੀ ਨੇ ਪਿੰਡ ਰੱਤਾ ਖੇੜਾ ਵਿਚ ਨੰਨ੍ਹੀ ਛਾਂ ਸਿਲਾਈ ਸੈਂਟਰ ਤੋਂ ਸਿਖਲਾਈ ਹਾਸਲ ਕਰ ਰਹੀਆਂ ਔਰਤਾਂ ਪਾਸੋਂ ਉਨ੍ਹਾਂ ਨੂੰ ਪੇਸ਼ ਮੁਸਿਕਲਾਂ ਬਾਰੇ ਜਾਣਿਆਂ ਅਤੇ ਮੌਕੇ ਤੇ ਹਾਜਰ ਨਿਟਵੀਅਰ ਸੰਸਥਾ ਦੇ ਨੁੰਮਾਇੰਦਿਆਂ ਨੂੰ ਇਸ ਸੈਂਟਰ ਦੀ ਹੋਰ ਬਿਹਤਰੀ ਲਈ ਸਹਿਯੋਗ ਕਰਨ ਵਾਸਤੇ ਆਖਿਆ। ਮੁੱਖ ਮੰਤਰੀ ਨੇ ਭੁਵਨੇਸ਼ਨਰ (ਓਡੀਸ਼ਾ) ਤੋਂ ਮੱਛੀ ਪਾਲਣ ਕਿੱਤੇ ਦੀ ਬਰੀਕੀਆਂ ਸਿੱਖ ਕੇ ਵਾਪਸ ਆਏ ਰੱਤਾ ਖੇੜਾ ਦੇ ਮੱਛੀ ਪਾਲਕਾਂ ਨੂੰ ਹੋਏ ਨਵੇਂ ਤਜਰਬਿਆਂ ਬਾਰੇ ਪੁੱਛਿਆ ਅਤੇ ਮੱਛੀ ਪਾਲਣ ਦੇ ਕਿੱਤੇ ਨੂੰ ਹੋਰ ਵਧਾਉਣ ਲਈ ਹਰੇਕ ਤਰਾਂ ਦਾ ਸਹਿਯੋਗ ਅਤੇ ਮਦਦ ਦੇਣ ਦੀ ਭਰੋਸਾ ਦਿੱਤਾ। ਇਸ ਮੌਕੇ ਮੱਛੀ ਪਾਲਣ ਦੇ ਅਧਿਕਾਰੀ ਨੇ ਮੁੱਖ ਮੰਤਰੀ ਨੂੰ ਦੱਸਿਆ ਕਿ ਇਸ ਪਿੰਡ ਦੇ ਸੇਮ ਮਾਰੇ ਇਲਾਕੇ ਨੂੰ ਮੱਛੀ ਪਾਲਣ ਹੇਠ ਲਿਆਂਦਾ ਜਾ ਰਿਹਾ ਹੈ ਜਿਸ ਤਹਿਤ ਹੁਣ ਤੱਕ 99.67 ਏਕੜ ਵਿਚ ਮੱਛੀ ਪਾਲਣ ਦਾ ਕਿੱਤਾ ਸ਼ੁਰੂ ਕਰਨ ਲਈ 21 ਲਾਭਪਾਤਰੀਆਂ ਨੂੰ 88 ਲੱਖ ਦੀ ਮਦਦ ਦਿੱਤੀ ਜਾ ਚੁੱਕੀ ਹੈ ਅਤੇ 31 ਹੋਰ ਲਾਭਪਾਤਰੀਆਂ ਨੂੰ 113 ਏਕੜ ਵਿਚ 1.30 ਕਰੋੜ ਦੀ ਲਾਗਤ ਨਾਲ ਪ੍ਰੋਜੈਕਟ ਚਲਾਉਣ ਦੀ ਪ੍ਰਵਾਨਗੀ ਵੀ ਦਿੱਤੀ ਹੈ। ਇਸ ਮੌਕੇ ਮੁੱਖ ਮੰਤਰੀ ਨੇ ਆਖਿਆ ਕਿ ਮੱਛੀ ਫਾਰਮਾਂ ਤੇ ਸੋਲਰ ਪੰਪ ਲਗਾਉਣ ਲਈ ਵੀ ਕਿਸਾਨਾਂ ਨੂੰ ਪ੍ਰੇਰਿਤ ਕਰਨ ਦੇ ਨਾਲ ਨਾਲ ਬਣਦੀ ਸਹਾਇਤਾ ਦਿੱਤੀ ਜਾਵੇਗੀ।
ਇਸ ਤੋਂ ਪਹਿਲਾਂ ਪੱਤਰਕਾਰਾਂ ਵੱਲੋਂ ਇਕ ਭਾਜਪਾ ਆਗੂ ਦੁਆਰਾ ਮੁੱਖ ਸੰਸਦੀ ਸਕੱਤਰ ਸ੍ਰੀ ਅਵਿਨਾਸ਼ ਚੰਦਰ ਤੋਂ ਅਸਤੀਫਾ ਲੈਣ ਸਬੰਧੀ ਕੀਤੀ ਗਈ ਮੰਗ ਬਾਰੇ ਪੁੱਛੇ ਸਵਾਲ ਦੇ ਜਵਾਬ ਵਿਚ ਸ: ਬਾਦਲ ਨੇ ਆਖਿਆ ਕਿ ਕਿਸੇ ਮਾਮਲੇ ਵਿਚ ਨਾਂਅ ਸਾਹਮਣੇ ਆਉਣ ਨਾਲ ਹੀ ਕੋਈ ਵਿਅਕਤੀ ਕਟਿਹਰੇ ਵਿਚ ਖੜਾ ਨਹੀਂ ਹੋ ਜਾਂਦਾ ਸਗੋਂ ਸਬੂਤ ਸਾਹਮਣੇ ਆਉਣ ਤੋਂ ਬਾਅਦ ਹੀ ਢੁਕਵੀਂ ਕਾਰਵਾਈ ਕੀਤੀ ਜਾਂਦੀ ਹੈ।
ਇਸ ਤੋਂ ਪਹਿਲਾਂ ਪਿੰਡ ਰੱਤਾ ਖੇੜਾ ਵੱਡਾ ਅਤੇ ਛੋਟਾ ਦੇ ਵਾਸੀਆਂ ਨੇ ਆਪਣੇ ਪਿੰਡਾਂ ਦੀ ਸੁੱਖ ਸ਼ਾਂਤੀ ਲਈ ਸ੍ਰੀ ਅਖੰਡ ਪਾਠ ਸਾਹਿਬ ਦੇ ਭੋਗ ਪਾਏ ਅਤੇ ਅਕਾਲ ਪੁਰਖ ਦੇ ਚਰਨਾਂ ਵਿਚ ਅਰਦਾਸ ਕੀਤੀ।
ਇਸ ਮੌਕੇ ਮੁੱਖ ਮੰਤਰੀ ਦੇ ਵਿਸੇਸ਼ ਪ੍ਰਮੁੱਖ ਸਕੱਤਰ ਸ: ਕੇ.ਜੇ.ਐਸ.ਚੀਮਾ, ਚੇਅਰਮੈਨ ਸ: ਤਜਿੰਦਰ ਸਿੰਘ ਮਿੱਡੂਖੇੜਾ, ਸ: ਅਵਤਾਰ ਸਿੰਘ ਵਣਵਾਲਾ, ਜ਼ਿਲ੍ਹਾ ਯੋਜਨਾ ਬੋਰਡ ਦੇ ਚੇਅਰਮੈਨ ਸ: ਹਰਦੀਪ ਸਿੰਘ ਡਿੰਪੀ ਢਿੱਲੋਂ, ਮੁੱਖ ਮੰਤਰੀ ਦੇ ਵਿਸੇਸ਼ ਕਾਰਜ ਅਫ਼ਸਰ ਸ: ਗੁਰਚਰਨ ਸਿੰਘ ਅਤੇ ਸ: ਬਲਕਰਨ ਸਿੰਘ, ਡਿਪਟੀ ਕਮਿਸ਼ਨਰ ਸ: ਜਸਕਿਰਨ ਸਿੰਘ, ਐਸ.ਐਸ.ਪੀ. ਸ੍ਰੀ ਕੁਲਦੀਪ ਸਿੰਘ ਚਹਿਲ, ਏ.ਡੀ.ਸੀ. ਵਿਕਾਸ ਸ੍ਰੀ ਰਾਮਬੀਰ, ਚੇਅਰਮੈਨ ਸ: ਬਸੰਤ ਸਿੰਘ ਕੰਗ, ਸ: ਪਲਵਿੰਦਰ ਸਿੰਘ ਕੋਲਿਆਂਵਾਲੀ, ਭਾਜਪਾ ਦੇ ਜ਼ਿਲ੍ਹਾ ਪ੍ਰਧਾਨ ਸ੍ਰੀ ਰਾਕੇਸ਼ ਧੀਂਗੜਾ, ਬੀਬੀ ਵੀਰਪਾਲ ਕੌਰ ਤਰਮਾਲਾ, ਸ: ਰਣਜੋਧ ਸਿੰਘ ਲੰਬੀ, ਸ: ਮਨਜੀਤ ਸਿੰਘ ਲਾਲਬਾਈ, ਸ: ਕੁਲਵਿੰਦਰ ਸਿੰਘ, ਸ: ਲਖਵਿੰਦਰ ਸਿੰਘ, ਸ: ਨਰਿੰਦਰ ਸਿੰਘ, ਸ: ਕਾਰਜ ਸਿੰਘ, ਸ: ਸਤਿੰਦਰਪਾਲ ਸਿੰਘ ਆਦਿ ਵੀ ਹਾਜਰ ਸਨ।



ਮੈਂ ਮੀਡੀਆ ਲਈ ਕੁਰਸੀਆਂ ਲਾਉਂਦਾ ਰਿਹਾ ਹਾਂ : ਮੋਦੀ ਮੀਡੀਆ ਦੇਸ਼ ਨੂੰ ਬਦਲਣ ਲਈ ਬਹੁਤ ਵੱਡੀ ਭੂਮਿਕਾ ਨਿਭਾ ਸਕਦਾ ਹੈ : ਮੋਦੀ

ਨਵੀਂ ਦਿੱਲੀ (ਬਾਬੂਸ਼ਾਹੀ ਬਿਉਰੋ) : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ ਦਿੱਲੀ ਵਿਖੇ ਮੀਡੀਆ ਨਾਲ ਖਾਸ ਮੁਲਾਕਾਤ ਕੀਤੀ. ਇਸ ਮੁਲਾਕਾਤ ਦੌਰਾਨ ਉਹ ਦੇ ਭਾਸ਼ਣ ਦੇ ਖਾਸ ਅੰਸ਼
ਮੈਂ ਮੀਡੀਆ ਲਈ ਕੁਰਸੀਆਂ ਲਾਉਂਦਾ ਰਿਹਾ ....
 (News posted on: 26 Oct 2014)
 Email Print 

ਨਵੀਂ ਦਿੱਲੀ (ਬਾਬੂਸ਼ਾਹੀ ਬਿਉਰੋ) : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ ਦਿੱਲੀ ਵਿਖੇ ਮੀਡੀਆ ਨਾਲ ਖਾਸ ਮੁਲਾਕਾਤ ਕੀਤੀ. ਇਸ ਮੁਲਾਕਾਤ ਦੌਰਾਨ ਉਹ ਦੇ ਭਾਸ਼ਣ ਦੇ ਖਾਸ ਅੰਸ਼
ਮੈਂ ਮੀਡੀਆ ਲਈ ਕੁਰਸੀਆਂ ਲਾਉਂਦਾ ਰਿਹਾ ਹਾਂ : ਮੋਦੀ
ਮੀਡੀਆ ਨਾਲ ਦੋਸਤਾਨਾ ਸਬੰਧ ਰਹੇ ਹਨ
ਮੀਡੀਆ ਤੋਂ ਸਹੀ ਕੰਮ ਕਰਨ ਦੀ ਦ੍ਰਿਸ਼ਟੀ ਮਿਲਦੀ ਹੈ : ਮੋਦੀ
ਮੀਡੀਆ ਨੇ ਸਫਾਈ ਮੁਹਿੰਮ ਨੂੰ ਬੁਲੰਦੀ ਤੇ ਪੁਚਾਇਆ ; ਮੋਦੀ ਵਲੋਂ ਧੰਨਵਾਦ
ਮੀਡੀਆ ਦੇਸ਼ ਨੂੰ ਬਦਲਣ ਲਈ ਬਹੁਤ ਵੱਡੀ ਭੂਮਿਕਾ ਨਿਭਾ ਸਕਦਾ ਹੈ
ਨਵੇਂ ਤੇ ਲੋਕ ਹਿੱਤ ਕੰਮ ਕਰਨ ਦੀ ਸੇਧ ਮੀਡੀਆ ਤੋਂ ਮਿਲਦੀ ਹੈ : ਨਰਿੰਦਰ ਮੋਦੀ



ਜੰਮੂ-ਕਸ਼ਮੀਰ ਅਤੇ ਝਾਰਖੰਡ ਵਿਚ 25 ਨਵੰਬਰ ਤੋਂ ਪੰਜ ਪੜਾਵਾਂ 'ਚ ਹੋਣਗੀਆਂ ਵਿਧਾਨ ਸਭਾ ਚੋਣਾਂ

ਨਵੀਂ ਦਿੱਲੀ : ਚੋਣ ਕਮਿਸ਼ਨ ਨੇ ਜੰਮੂ-ਕਸ਼ਮੀਰ ਅਤੇ ਝਾਰਖੰਡ ਵਿਚ ਪੰਜ ਪੜਾਵੀ ਵਿਧਾਨ ਸਭਾ ਚੋਣਾਂ ਦਾ ਐਲਾਨ ਦਾ ਐਲਾਨ ਕਰ ਦਿਤਾ ਹੈ। ਪਹਿਲੇ ਪੜਾਅ ਤਹਿਤ 25 ਨਵੰਬਰ ਨੂੰ ਵੋਟਾਂ ਪੈਣਗੀਆਂ, ਦੂਜਾ ਪੜਾਅ 2 ਦਸੰਬਰ ਨੂੰ ਅਤੇ ਤੀਜ....
 (News posted on: 26 Oct 2014)
 Email Print 

ਨਵੀਂ ਦਿੱਲੀ : ਚੋਣ ਕਮਿਸ਼ਨ ਨੇ ਜੰਮੂ-ਕਸ਼ਮੀਰ ਅਤੇ ਝਾਰਖੰਡ ਵਿਚ ਪੰਜ ਪੜਾਵੀ ਵਿਧਾਨ ਸਭਾ ਚੋਣਾਂ ਦਾ ਐਲਾਨ ਦਾ ਐਲਾਨ ਕਰ ਦਿਤਾ ਹੈ। ਪਹਿਲੇ ਪੜਾਅ ਤਹਿਤ 25 ਨਵੰਬਰ ਨੂੰ ਵੋਟਾਂ ਪੈਣਗੀਆਂ, ਦੂਜਾ ਪੜਾਅ 2 ਦਸੰਬਰ ਨੂੰ ਅਤੇ ਤੀਜਾ 9 ਦਸੰਬਰ ਨੂੰ ਹੋਵੇਗਾ। ਚੌਥਾ ਅਤੇ ਪੰਜਵਾਂ ਪੜਾਅ ਕ੍ਰਮਵਾਰ 14 ਅਤੇ 20 ਦਸੰਬਰ ਨੂੰ ਹੋਵੇਗਾ ਜਦਕਿ ਵੋਟਾਂ ਦੀ ਗਿਣਤੀ 23 ਦਸੰਬਰ ਨੂੰ ਹੋਵੇਗੀ



ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵਲੋਂ ਰਾਜਧਾਨੀ, ਦਿੱਲੀ ਦੀਆਂ ਇਸਤ੍ਰੀ ਸਿੰਘ ਸਭਾਵਾਂ ਦੇ ਸਹਿਯੋਗ ਨਾਲ ਐਤਵਾਰ 26 ਅਕਤੂਬਰ ਨੂੰ ਵਿਸ਼ੇਸ਼ ਗੁਰਮਤਿ ਸਮਾਗਮ ਦਾ ਆਯੋਜਨ

ਨਵੀਂ ਦਿੱਲੀ, ਅਕਤੂਬਰ 25 (ਬਾਬੂਸ਼ਾਹੀ ਬਿਊਰੋ): ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੀ ਦੂਜੀ ਜੋਤ ਸ੍ਰੀ ਗੁਰੂ ਅੰਗਦ ਦੇਵ ਜੀ ਦੇ ਮਹਿਲ (ਸੁਪਤਨੀ) ਮਾਤਾ ਖੀਵੀ ਜੀ ਦੀ ਯਾਦ ਵਿੱਚ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵਲੋਂ ਰਾ....
 (News posted on: 26 Oct 2014)
 Email Print 

ਨਵੀਂ ਦਿੱਲੀ, ਅਕਤੂਬਰ 25 (ਬਾਬੂਸ਼ਾਹੀ ਬਿਊਰੋ): ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੀ ਦੂਜੀ ਜੋਤ ਸ੍ਰੀ ਗੁਰੂ ਅੰਗਦ ਦੇਵ ਜੀ ਦੇ ਮਹਿਲ (ਸੁਪਤਨੀ) ਮਾਤਾ ਖੀਵੀ ਜੀ ਦੀ ਯਾਦ ਵਿੱਚ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵਲੋਂ ਰਾਜਧਾਨੀ, ਦਿੱਲੀ ਦੀਆਂ ਇਸਤ੍ਰੀ ਸਿੰਘ ਸਭਾਵਾਂ ਦੇ ਸਹਿਯੋਗ ਨਾਲ ਐਤਵਾਰ ੨੬ ਅਕਤੂਬਰ (੧੦ ਕਤਕ, ਸੰਮਤ ਨਾਨਕਸ਼ਾਹੀ ੫੪੬) ਨੂੰ ਗੁਰਦੁਆਰਾ ਮਾਤਾ ਸੁੰਦਰੀ ਜੀ ਵਿਖੇ ਵਿਸ਼ੇਸ਼ ਗੁਰਮਤਿ ਸਮਾਗਮ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ, ਇਹ ਜਾਣਕਾਰੀ ਦਿੰਦਿਆਂ ਰਾਣਾ ਪਰਮਜੀਤ ਸਿੰਘ, ਚੇਅਰਮੈਨ ਧਰਮ ਪ੍ਰਚਾਰ ਕਮੇਟੀ (ਦਿੱਲੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ) ਨੇ ਦਸਿਆ ਕਿ ਇਸ ਸਮਾਗਮ ਦੀ ਅਰੰਭਤਾ ਅੰਮ੍ਰਿਤ ਵੇਲੇ ਗੁਰਦੁਆਰਾ ਸੀਸਗੰਜ ਸਾਹਿਬ ਦੇ ਹਜ਼ੂਰੀ ਰਾਗੀ ਭਾਈ ਪਰਮਜੀਤ ਸਿੰਘ ਵਲੋਂ ਆਸਾ ਦੀ ਵਾਰ ਦੇ ਕੀਰਤਨ ਰਾਹੀਂ ਕੀਤੀ ਜਾਇਗੀ। ਉਪਰੰਤ ਦਿੱਲੀ ਦੀਆਂ ਇਸਤ੍ਰੀ ਸਿੰਘ ਸਭਾਵਾਂ ਦੇ ਕੀਰਤਨੀ ਜਥੇ ਗੁਰਬਾਣੀ ਦੇ ਮਨੋਹਰ ਕੀਰਤਨ ਰਾਹੀਂ ਸੰਗਤਾਂ ਨੂੰ ਗੁਰੂ ਚਰਨਾਂ ਨਾਲ ਜੋੜਨਗੇ ਅਤੇ ਬੀਬੀ ਹਰਜਿੰਦਰ ਕੌਰ (ਚੰਡੀਗੜ੍ਹ) ਮਾਤਾ ਖੀਵੀ ਜੀ ਦੇ ਜੀਵਨ ਅਤੇ ਉਨ੍ਹਾਂ ਦੀਆਂ ਸੇਵਾਵਾਂ ਤੋਂ ਸੰਗਤਾਂ ਨੂੰ ਵਿਸਥਾਰ ਨਾਲ ਜਾਣੂ ਕਰਵਾਣਗੇ। ਸ. ਰਾਣਾ ਨੇ ਦਸਿਆ ਕਿ ਗੁਰੂ ਮਹਿਲਾਂ ਵਿਚੋਂ ਕੇਵਲ ਮਾਤਾ ਖੀਵੀ ਜੀ ਦਾ ਹੀ ਜ਼ਿਕਰ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਿੱਚ, ਇਨ੍ਹਾਂ ਸ਼ਬਦਾਂ 'ਮਾਤਾ ਖੀਵੀ ਸਹੁ ਸੋਇ, ਜਿਨਿ ਗੋਇ ਉਠਾਲੀ' ਅਤੇ 'ਬਲਵੰਡ ਖੀਵੀ ਨੇਕ ਜਨ, ਜਿਸੁ ਬਹੁਤੀ ਛਾਉ ਪਤ੍ਰਾਲੀ' ਨਾਲ ਆਇਆ ਹੈ।



ਗਾਇਕ ਜੈਲੀ ਤੇ ਮਨਿੰਦਰ ਮੰਗਾ 'ਤੇ ਲੱਗੇ ਗੈਂਗਰੇਪ ਦੇ ਦੋਸ਼, ਮਾਮਲਾ ਦਰਜ

ਐਸ.ਏ.ਐਸ ਨਗਰ, 25 ਅਕਤੂਬਰ (ਜਤਿੰਦਰ ਸੱਭਰਵਾਲ) : ਪੰਜਾਬੀ ਸੰਗੀਤ ਜਗਤ ਦੇ ਪ੍ਰਸਿੱਧ ਗਾਇਕ ਜੈਲੀ ਤੇ ਮਨਿੰਦਰ ਮੰਗਾ ਤੇ ਉਨ੍ਹਾਂ ਦੇ ਦੋ ਦੋਸਤਾਂ ਦੇ ਖਿਲਾਫ ਸੈਕਟਰ 56 ਦੀ ਇਕ ਮਹਿਲਾ ਨੇ ਗੈਂਗਰੇਪ ਦੇ ਗੰਭੀਰ ਦੋਸ਼ ਲਗਾਏ ਹਨ। ਮ&....
 (News posted on: 26 Oct 2014)
 Email Print 

ਐਸ.ਏ.ਐਸ ਨਗਰ, 25 ਅਕਤੂਬਰ (ਜਤਿੰਦਰ ਸੱਭਰਵਾਲ) : ਪੰਜਾਬੀ ਸੰਗੀਤ ਜਗਤ ਦੇ ਪ੍ਰਸਿੱਧ ਗਾਇਕ ਜੈਲੀ ਤੇ ਮਨਿੰਦਰ ਮੰਗਾ ਤੇ ਉਨ੍ਹਾਂ ਦੇ ਦੋ ਦੋਸਤਾਂ ਦੇ ਖਿਲਾਫ ਸੈਕਟਰ 56 ਦੀ ਇਕ ਮਹਿਲਾ ਨੇ ਗੈਂਗਰੇਪ ਦੇ ਗੰਭੀਰ ਦੋਸ਼ ਲਗਾਏ ਹਨ। ਮਹਿਲਾ ਦੇ ਮੈਡੀਕਲ ਟੈਸਟ ਵਿਚ ਰੇਪ ਦੀ ਪੁਸ਼ਟੀ ਹੋ ਗਈ ਹੈ ਤੇ ਜੈਲੀ ਤੇ ਮੰਗਾਂ ਸਮੇਤ ਚਾਰ ਵਿਅਕਤੀਆਂ ਦੇ ਖਿਲਾਫ ਫੇਜ-1 ਦੀ ਪੁਲਸ ਨੇ ਬੁੱਧਵਾਰ ਨੂੰ ਰੇਪ ਦਾ ਮਾਮਲਾ ਦਰਜ ਕਰ ਲਿਆ ਹੈ।
ਮਹਿਲਾ ਨੇ ਆਪਣੀ ਸ਼ਿਕਾਇਤ ਵਿਚ ਦੱਸਿਆ ਕਿ ਉਸ ਨੇ ਜੈਲੀ ਤੋਂ ਮਿਊਜ਼ਿਕ ਦਾ ਕਲਾਸ ਲੈਣ ਲਈ ਉਸ ਨਾਲ ਸੰਪਰਕ ਕੀਤਾ ਸੀ। ਇਸ ਸਾਲ ਸੈਕਟਰ-57 ਦੇ ਇਕ ਫਲੈਟ ਵਿਚ ਜੈਲੀ ਨੇ ਉਸ ਦੀ ਮੁਲਾਕਾਤ ਇਹ ਕਹਿ ਕੇ ਗਾਇਕ ਮਨਿੰਦਰ ਮੰਗਾ ਨਾਲ ਕਰਵਾਈ ਕਿ ਉਹ ਉਸ ਨੂੰ ਮਿਊਜ਼ਿਕ ਦੀ ਟਰੇਨਿੰਗ ਦੇਵੇਗਾ। ਉੱਥੇ ਹੀ ਮਹਿਲਾ ਨੂੰ ਕੋਲਡ ਡਰਿੰਕ ਵਿਚ ਕੁਝ ਮਿਲਾ ਕੇ ਪਿਲਾ ਦਿੱਤਾ ਗਿਆ, ਜਿਸ ਨਾਲ ਉਹ ਬੇਹੋਸ਼ ਹੋ ਗਈ। ਇਸ ਤੋਂ ਬਾਅਦ ਜੈਲੀ ਤੇ ਮੰਗਾ ਸਮੇਤ ਉਨ੍ਹਾਂ ਦੇ ਦੋ ਹੋਰ ਦੋਸਤਾਂ ਨੇ ਉਸ ਨਾਲ ਗੈਂਗਰੇਪ ਕੀਤਾ।
ਮਹਿਲਾ ਦਾ ਦੋਸ਼ ਹੈ ਕਿ ਜੈਲੀ ਹੁਣਾ ਨੇ ਉਸ ਦੀ ਵੀਡੀਓ ਵੀ ਬਣਾਈ ਸੀ, ਜਿਸ ਨੂੰ ਦਿਖਾ ਕੇ ਉਸ ਨੂੰ ਬਲੈਕਮੇਲ ਕੀਤਾ ਗਿਆ ਤੇ ਕਈ ਵਾਰ ਉਸ ਦਾ ਰੇਪ ਕੀਤਾ ਗਿਆ। ਜਦੋਂ ਉਹ ਗਰਭਵਤੀ ਹੋ ਗਈ ਤਾਂ ਦੋਸ਼ੀਆਂ ਨੇ ਉਸ ਦਾ ਗਰਭਪਾਤ ਵੀ ਕਰਵਾ ਦਿੱਤਾ।
ਐੱਸ. ਪੀ. (ਨੋਡਲ ਅਫਸਰ) ਹਰਪਾਲ ਸਿੰਘ ਸੰਧੂ ਨੇ ਦੱਸਿਆ ਕਿ ਮਹਿਲਾ ਦੀ ਸ਼ਿਕਾਇਤ 'ਤੇ ਦੋਸ਼ੀਆਂ ਦੇ ਖਿਲਾਫ ਧਾਰਾ 376 ਬੀ ਦੇ ਤਹਿਤ ਗੈਂਗਰੇਪ ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ ਤੇ ਉਨ੍ਹਾਂ ਦੀ ਗ੍ਰਿਫਤਾਰੀ ਲਈ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ।
ਪੀੜਤ ਮਹਿਲਾ ਸ਼ਾਦੀਸ਼ੁਦਾ ਹੈ ਅਤੇ ਅਦਾਲਤ ਵਿਚ ਉਸ ਦਾ ਆਪਣੇ ਪਤੀ ਤੋਂ ਤਲਾਕ ਦਾ ਮਾਮਲਾ ਚੱਲ ਰਿਹਾ ਹੈ।



ਅਰਬਨ ਸਟੇਟ ਵਿਖੇ ਦੀਵਾਲੀ ਮੇਲੇ ਵਿੱਚ ਐਸ .ਪੀ . ਸਿੰਘ ਓਬਰਾਏ ਵਲ੍ਹੋੋਂ ਪਟਿਆਲਾ ਦੇ ਨਾਮਵਰ ਸ਼ਖਸੀਅਤਾ ਨੂੰ ਸਨਮਾਨਿਤ ਕੀਤਾ ਗਿਆ

ਅਕਤੂਬਰ 25 (ਬਾਬੂਸ਼ਾਹੀ ਬਿਊਰੋ) : ਅਰਬਨ ਸਟੇਟ ਵਿਖੇ ਦ੍ਹੁਹਿਰਾ ਗਰਾਊਂਡ ਵਿਚ ਦੀਵਾਲੀ ਮੇਲਾ ਬੜਾ ਜੋਰਾ ਨਾਲ ਕਰਵਾਇਆ ਗਿਆ| ਇਸ ਦੀਵਾਲੀ ਮੇਲੇ ਵਿਚ ਮੁੱਖ ਮਹਿਮਾਨ ਵਜੋ ਸਰਬਤ ਦਾ ਭੱਲਾ ਟਰਸੱਟ ਦੇ ਮੁੱਖੀ ਐਸ .ਪੀ .ਸਿੰਘ ਓĄ....
 (News posted on: 26 Oct 2014)
 Email Print 

ਅਕਤੂਬਰ 25 (ਬਾਬੂਸ਼ਾਹੀ ਬਿਊਰੋ) : ਅਰਬਨ ਸਟੇਟ ਵਿਖੇ ਦ੍ਹੁਹਿਰਾ ਗਰਾਊਂਡ ਵਿਚ ਦੀਵਾਲੀ ਮੇਲਾ ਬੜਾ ਜੋਰਾ ਨਾਲ ਕਰਵਾਇਆ ਗਿਆ| ਇਸ ਦੀਵਾਲੀ ਮੇਲੇ ਵਿਚ ਮੁੱਖ ਮਹਿਮਾਨ ਵਜੋ ਸਰਬਤ ਦਾ ਭੱਲਾ ਟਰਸੱਟ ਦੇ ਮੁੱਖੀ ਐਸ .ਪੀ .ਸਿੰਘ ਓਬਰਾਏ ਵ੍ਹ੍ਹੇ ਮਹਿਮਾਨ ਵਜੋ ਪਟਿਆਲੇ ਦੀ ਪ੍ਰਮੁੱਖ ਸ਼ਖਸੀਅਤਾ ਨੂੰ ਉਹਨਾਂ ਦੇ ਕਾਰਜਾ ਲਈ ਸਨਮਾਨ ਦੇ ਕੇ ਸਨਮਾਨਿਤ ਕੀਤਾ| ਜਗਜੀਤ ਸਿੰਘ ਦਰਦੀ ਚੜ੍ਹਦੀਕਲਾਂ ਗਰੁੱਪ ਦੇ ਡਾਇਰੈਕਟਰ, ਗਰੀਨਮੇਨ ਭਗਵਾਨਦਾਸ ਜੂਨੈਜਾ, ਸੇਠ ਸ਼ਮਲਾਲ ਨਵਯੁੱਗ, ਪ੍ਰਾਣ ਸਬਰਵਾਲ, ਡਾ . ਹਰਕਿਰਤ ਸਿੰਘ ਸਿੱਧੂ, ਸ . ਜੱਸਾ ਸਿੰਘ, ਮਨਦੀਪ ਕੋਰ ਗੋਲਡ ਮੈਡਲਿਸਟ, ਪ੍ਰੋ .ਹਰਭਜਨ ਸਿੰਘ ਸਜੱਣ, ਕੋਚ ਹਰਦੇਵ ਸਿੰਘ, ਗਾਇਕ ਅਤੇ ਗੀਤਕਾਰ ਵਰਿਆਮ ਸਰੋਆ, ਜੱਥੇਦਾਰ ਪ੍ਰੀਤਮ ਸਿੰਘ, ਥਾਣਾ ਇੰਚਜਾਰਜ ਜਗਬੀਰ ਸਿੰਘ ਜੀ ਨੂੰ ਸਨਮਾਨਿਤ ਕੀਤਾ ਗਿਆ|ਇਸ ਮੋਕੇ ਤੇ ਜਗਜੀਤ ਸਿੰਘ ਦਰਦੀ ਵਲ੍ਹੋਂ ਮੇਲੇ ਦੇ ਪ੍ਰਬੰਧਕਾ ਨੂੰ ਵਧਾਈ ਦਿੱਤੀ ਅਤੇ ਭਰੋਸਾ ਦਿਵਾਇਆ ਕੀ ਅਗਲੇ ਸਾਲ ਇਸ ਮੇਲੇ ਨੂੰ ਤਿੰਨ ਦਿਨਾ ਲਈ ਕਰਵਾਇਆ ਜਾਏਗਾ| ਇਸ ਮੋਕੇ ਤੇ ਐਸ .ਪੀ .ਸਿੰਘ .ਓਬਰਾਏ ਜੀ ਵਲੋ ਮੇਲੇ ਦੇ ਪ੍ਰਬੰਧਕ ਸ . ਕੁਲਦੀਪ ਸਿੰਘ ਐਡੀਟਰ ਪ੍ਰੈਸ ਪਬਲਿਕ ਨਿਊਜਪੇਪਰ ਦੀ ਪ੍ਰਸੰਸਾ ਕਰਦੇ ਕਿਹਾ ਇਹਨਾ ਵਲੋ ਇਹੋ ਜਿਹੇ ਉਪਰਾਲੇ ੍ਹਲਾਘਾ ਯੋਗ ਹਨ|ਇਸ ਮੇਲੇ ਵਿਚ ਥਾਣਾ ਇੰਚਚਾਰਜ ਜਗਬੀਰ ਸਿੰਘ ਵਲੋ ਵਧੀਆ ਪ੍ਰਬੰਧ ਕੀਤੇ ਗਏ| ਭਗਵਾਨਦਾਸ ਜੂਨੇਜਾ ਜੀ ਵਲੋ ਮੇਲੇ ਦੇ ਪ੍ਰਬੰਧਕਾ ਦੀ ਪ੍ਰਸੰਸਾ ਕੀਤੀ ਅਤੇ ਹਰ ਤਰਾ ਦੇ ਸਹਿਯੋਗ ਦੇਣ ਦਾ ਵਾਦਾ ਕੀਤਾ ਇਸ ਦੀਵਾਲੀ ਮੇਲੇ ਵਿਚ ਰੰਗਾ ਰੰਗਾ ਪ੍ਰੋਗਰਾਮ ਕਰਵਾਏ ਗਏ ਅਤੇ ਇਸ ਵਿਚ ਵੱਖ ਵੱਖ ਕੰਪਨੀ ਦੀਆਂ ਸਟਾਲਾ ਵੀ ਲਗਾਈਆਂ ਗਈਆਂ ਅਤੇ ਇਸ ਦੀਵਾਲੀ ਮੇਲੇ ਵਿਚ ਕਈ ਬੱਚਿਆ ਨੇ ਡਾਂਸ ਪ੍ਰਫੋਮਸ ਅਤੇ ਗਾਇਕਾ ਨੇ ਆਪਣੀ ਗਾਇਕੀ ਨਾਲ ਖੂਬ ਰੰਗ ਬਿਖੇਰੇ ਸਰਬਤ ਦਾ ਭੱਲਾ ਟਰੱਸਟ ਦੀ ਗਤਕਾ ਪਾਰਟੀ ਨੇ ਵੀ ਆਪਣੇ ਜੋਹਰ ਦਿਖਾਏ|ਮੇਲੇ ਵਿਚ ਡੇਨਜਰਸ ਗਰੁੱਪ ਢੋਲ ਨੇ ਧੂਮਾ ਪਾ ਦਿੱਤੀਆ|ਪੂਰੀ ਟੀਮ ਨੇ ਢੋਲ ਨਾਲ ਮੇਲੇ ਵਿੱਚ ਅਜਿਹੇ ਕਰਤਬ ਦਿਖਾਏ ਕੀ ਲੋਕਾ ਨੇ ਦੰਦਾ ਥੱਲੇ ਉਂਗਲੀਆਂ ਦੱਬ ਲੀਆ| ਲੋਕਾ ਨੇ ਇਸ ਮੇਲੇ ਦਾ ਬਹੁਤ ਹੀ ਆਨੰਦ ਮਾਣਿਆ ਇਸ ਦੀਵਾਲੀ ਮੇਲੇ ਵਿਚ ਕਈ ਨਾਮਵਰ ਹਸਤੀਆ ਨੇ ੍ਹੀਰਕਤ ਕੀਤੀ|






No Records Found.
No Records Found.

29ਵੀਂਆਂ ਜਰਖ਼ੜ ਖੇਡਾਂ ਦਾ ਬਰਾਂਡ ਅੰਬੈਸਡਰ ਬਣਾਉਣ ਦਾ ਐਲਾਨ ਜਰਖੜ ਖੇਡ ਅਕਾਦਮੀ ਵੱਲੋਂ ਅਥਲੀਟ ਮਨਦੀਪ ਕੌਰ ਦਾ ਸਨਮਾਨ

ਪੰਜਾਬ ਦੀਆਂ ਲੜਕੀਆਂ ਨੂੰ ਖੇਡਾਂ ਵੱਲ ਉਤਸ਼ਾਹਿਤ ਕਰਨ ਦੀ ਲੋੜ : ਮਨਦੀਪ ਕੌਰ

ਲੁਧਿਆਣਾ, 25 ਅਕਤੂਬਰ (ਬਾਬੂਸ਼ਾਹੀ ਬਿਉਰੋ): ਏਸ਼ੀਆਈ ਖੇਡਾਂ ਵਿੱਚ ਲਗਾਤਾਰ ਤੀਜੀ ਵਾਰ ਸੋਨ ਤਮਗਾ ਜੇਤੂ ਖ਼ਿਡਾਰਨ ਉਲੰਪੀਅਨ ਮਨਦੀਪ ਕੌਰ ਦ&....
 (News posted on: 25 Oct, 2014)
 Email Print 

ਪੰਜਾਬ ਦੀਆਂ ਲੜਕੀਆਂ ਨੂੰ ਖੇਡਾਂ ਵੱਲ ਉਤਸ਼ਾਹਿਤ ਕਰਨ ਦੀ ਲੋੜ : ਮਨਦੀਪ ਕੌਰ

ਲੁਧਿਆਣਾ, 25 ਅਕਤੂਬਰ (ਬਾਬੂਸ਼ਾਹੀ ਬਿਉਰੋ): ਏਸ਼ੀਆਈ ਖੇਡਾਂ ਵਿੱਚ ਲਗਾਤਾਰ ਤੀਜੀ ਵਾਰ ਸੋਨ ਤਮਗਾ ਜੇਤੂ ਖ਼ਿਡਾਰਨ ਉਲੰਪੀਅਨ ਮਨਦੀਪ ਕੌਰ ਦਾ ਅੱਜ ਸਥਾਨਕ ਸਰਕਟ ਹਾਊਸ ਵਿਖੇ ਮਾਤਾ ਸਾਹਿਬ ਕੌਰ ਹਾਕੀ ਅਕਾਦਮੀ ਜਰਖ਼ੜ ਵੱਲੋਂ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਮਨਦੀਪ ਕੌਰ ਨੂੰ ਜੇਤੂ ਅਵਾਰਡ ਅਤੇ 31 ਹਜ਼ਾਰ ਰੁਪਏ ਦੀ ਨਗਦ ਰਾਸ਼ੀ ਭੇਂਟ ਕਰਦਿਆਂ ਅਗਲੇ ਸਾਲ ਹੋਣ ਵਾਲੇ 29ਵੇਂ ਜਰਖੜ ਖੇਡ ਮੇਲੇ ਦਾ ਬਰਾਂਡ ਅੰਬੈਸਡਰ ਬਣਾਉਣ ਦਾ ਐਲਾਨ ਕੀਤਾ।
ਇਸ ਮੌਕੇ ਰੱਖੇ ਗਏ ਸੰਖੇਪ ਅਤੇ ਪ੍ਰਭਾਵਸ਼ਾਲੀ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਮਨਦੀਪ ਕੌਰ ਨੇ ਆਖਿਆ ਕਿ ਜਿਸ ਸਿੱਖਿਆ ਦੇ ਖੇਤਰ ਵਿੱਚ ਪੰਜਾਬ ਦੀਆਂ ਲੜਕੀਆਂ ਨੇ ਮੁੰਡਿਆਂ ਨਾਲੋਂ ਸਰਬੋਤਮ ਸਾਬਿਤ ਕੀਤਾ ਹੈ, ਹੁਣ ਖੇਡਾਂ ਦੇ ਖੇਤਰ ਵਿੱਚ ਵੀ ਪੰਜਾਬ ਦੀਆਂ ਲੜਕੀਆਂ ਨਾ ਸਿਰਫ਼ ਕੌਮੀ ਪੱਧਰ 'ਤੇ ਸਗੋਂ ਅੰਤਰਰਾਸ਼ਟਰੀ ਪੱਧਰ 'ਤੇ ਆਪਣਾ ਵਡਮੁੱਲਾ ਯੋਗਦਾਨ ਪਾ ਰਹੀਆਂ ਹਨ, ਜਿਸ ਦੀ ਤਾਜ਼ਾ ਉਦਾਹਰਨ ਹੁਣੇ-ਹੁਣੇ ਸਮਾਪਤ ਹੋਈਆਂ ਏਸ਼ੀਆਈ ਖੇਡਾਂ ਅਤੇ ਰਾਸ਼ਟਰਮੰਡਲ ਖੇਡਾਂ ਹਨ, ਜਿਸ ਵਿੱਚ ਜਿੱਥੇ ਮੈਨੂੰ ਤੀਜੀ ਵਾਰ ਸੋਨ ਤਮਗਾ ਜਿੱਤਣ ਦਾ ਮਾਣ ਹਾਸਿਲ ਹੋਇਆ ਹੈ, ਉਥੇ ਨਿਸ਼ਾਨੇਬਾਜ਼ ਹਿਨਾ ਸਿੱਧੂ, ਹਾਕੀ ਸਟਾਰ ਅਮਨਦੀਪ ਕੌਰ, ਅਥਲੀਟ ਸੁਖਬੀਰ ਕੌਰ, ਨਿਸ਼ਾਨੇਬਾਜ਼ ਮਲਾਇਕਾ ਗੋਇਲ ਆਦਿ ਖ਼ਿਡਾਰਨਾਂ ਨੇ ਵੀ ਪੰਜਾਬ ਦਾ ਨਾਮ ਪੂਰੀ ਦੁਨੀਆ ਵਿੱਚ ਰੌਸ਼ਨ ਕੀਤਾ ਹੈ।
ਇਸ ਤੋਂ ਇਲਾਵਾ ਮਰਦਾਂ ਦੇ ਵਰਗ ਵਿੱਚ ਭਾਰਤੀ ਹਾਕੀ ਟੀਮ ਨੇ ਪੂਰੇ 16 ਸਾਲ ਬਾਅਦ ਸੋਨ ਤਮਗਾ ਜਿੱਤ ਕੇ ਹਾਕੀ ਦੇ ਸੁਨਹਿਰੀ ਯੁੱਗ ਦੀ ਵਾਪਸੀ ਕੀਤੀ ਹੈ, ਜਿਸ ਵਿੱਚ 7 ਖਿਡਾਰੀ ਪੰਜਾਬ ਨਾਲ ਸੰਬੰਧਤ ਸਨ। ਉਨਾਂ ਆਖਿਆ ਕਿ ਖਿਡਾਰੀਆਂ ਨੇ ਆਪਣਾ ਫਰਜ਼ ਨਿਭਾਅ ਦਿੱਤਾ ਹੈ, ਹੁਣ ਪੰਜਾਬ ਸਰਕਾਰ ਦਾ ਫਰਜ਼ ਬਣਦਾ ਹੈ ਕਿ ਉਹ ਜੇਤੂ ਖਿਡਾਰੀਆਂ ਨੂੰ ਬਣਦਾ ਮਾਣ ਸਤਿਕਾਰ ਅਤੇ ਉਨਾਂ ਦੇ ਮੁਕਾਮ ਮੁਤਾਬਿਕ ਨੌਕਰੀ ਦੇਵੇ। ਮਨਦੀਪ ਕੌਰ ਨੇ ਆਖਿਆ ਕਿ ਮਾਪਿਆਂ ਤੇ ਅਧਿਆਪਕਾਂ ਨੂੰ ਪੜਾਈ ਦੇ ਨਾਲ-ਨਾਲ ਲੜਕੀਆਂ ਨੂੰ ਖੇਡਾਂ ਵੱਲ ਵੀ ਉਤਸ਼ਾਹਿਤ ਕਰਨਾ ਚਾਹੀਦਾ ਹੈ।
ਇਸ ਮੌਕੇ ਮੁੱਖ ਮਹਿਮਾਨ ਵਜੋਂ ਪੁੱਜੇ ਵਿਧਾਇਕ ਸ੍ਰ. ਮਨਪ੍ਰੀਤ ਸਿੰਘ ਇਯਾਲੀ ਨੇ ਪੰਜਾਬ ਸਰਕਾਰ ਦੀ ਤਰਫੋਂ ਮਨਦੀਪ ਕੌਰ ਅਤੇ ਏਸ਼ੀਆਈ ਖੇਡਾਂ ਦੇ ਹੋਰ ਜੇਤੂ ਖਿਡਾਰੀਆਂ ਨੂੰ ਵਿਸ਼ਵਾਸ਼ ਦਿਵਾਇਆ ਕਿ ਸਰਕਾਰ ਉਨਾਂ ਨੂੰ ਬਣਦਾ ਮਾਣ ਸਤਿਕਾਰ ਦਿਵਾਏਗੀ। ਉਨਾਂ ਮਾਤਾ ਸਾਹਿਬ ਕੌਰ ਹਾਕੀ ਅਕਾਦਮੀ ਅਤੇ ਜਰਖੜ ਖੇਡਾਂ ਦੇ ਪ੍ਰਬੰਧਕਾਂ ਦੇ ਇਸ ਉਪਰਾਲੇ ਦੀ ਸ਼ਲਾਘਾ ਕਰਦਿਆਂ ਆਖਿਆ ਕਿ ਉਹ ਖੁਦ ਇਸ ਕਲੱਬ ਨਾਲ ਪਿਛਲੇ 20 ਸਾਲਾਂ ਤੋਂ ਜੁੜੇ ਹੋਏ ਹਨ। ਪੰਜਾਬ ਦੇ ਖੇਡ ਸੱਭਿਆਚਾਰ ਅਤੇ ਖਾਸ ਕਰਕੇ ਹਾਕੀ ਨੂੰ ਪ੍ਰਫੁੱਲਿਤ ਕਰਨ ਲਈ ਜਰਖ਼ੜ ਅਕਾਦਮੀ ਆਪਣਾ ਚੋਖਾ ਯੋਗਦਾਨ ਪਾ ਰਹੀ ਹੈ। ਮਨਦੀਪ ਕੌਰ ਦਾ ਜਰਖ਼ੜ ਖੇਡਾਂ ਦਾ ਬਰਾਂਡ ਅੰਬੈਸਡਰ ਬਣਨ ਨਾਲ ਸਾਡੇ ਸਾਰਿਆਂ ਲਈ ਇੱਕ ਮਾਣ ਵਾਲੀ ਗੱਲ ਹੈ।
ਇਸ ਮੌਕੇ ਊਰਜਾ ਨਿਗਮ ਦੇ ਚੀਫ਼ ਇੰਜੀਨੀਅਰ ਸ੍ਰ. ਰਛਪਾਲ ਸਿੰਘ ਨੇ ਵੀ ਮਨਦੀਪ ਕੌਰ ਨੂੰ ਏਸ਼ੀਆਈ ਖੇਡਾਂ ਵਿੱਚ ਲਗਾਤਾਰ ਤੀਜਾ ਸੋਨ ਤਮਗਾ ਜਿੱਤ ਕੇ ਪੰਜਾਬ ਦੀ ਅਥਲੈਟਿਕਸ 'ਚ ਸੋਨ ਚਿੜੀ ਦਾ ਖ਼ਿਤਾਬ ਜਿੱਤਣ 'ਤੇ ਵਧਾਈ ਦਿੰਦਿਆਂ ਆਖਿਆ ਕਿ ਅਜਿਹੀਆਂ ਖਿਡਾਰਨਾਂ ਦੀਆਂ ਪ੍ਰਾਪਤੀਆਂ ਨਾਲ ਹਰ ਪੰਜਾਬੀ ਦਾ ਸਿਰ ਮਾਣ ਨਾਲ ਉੱਚਾ ਹੁੰਦਾ ਹੈ। ਇਸ ਮੌਕੇ ਉਲੰਪੀਅਨ ਮਨਦੀਪ ਕੌਰ ਅਤੇ ਆਏ ਹੋਰ ਮਹਿਮਾਨਾਂ ਨੂੰ ਅਕਾਦਮੀ ਦੇ ਡਾਇਰੈਕਟਰ ਸ੍ਰ. ਜਗਰੂਪ ਸਿੰਘ ਜਰਖੜ ਨੇ ਸਵਾਗਤ ਕਰਦਿਆਂ ਆਖਿਆ ਕਿ ਜਰਖ਼ੜ ਖੇਡਾਂ ਦੇ ਫਾਈਨਲ ਸਮਾਰੋਹ 'ਤੇ ਏਸ਼ੀਆਈ ਖੇਡਾਂ ਦੇ ਜੇਤੂ ਹਾਕੀ ਖ਼ਿਡਾਰੀਆਂ ਅਤੇ ਹੋਰਨਾਂ ਦਾ ਵਿਸ਼ੇਸ਼ ਅਵਾਰਡਾਂ ਨਾਲ ਸਨਮਾਨ ਕੀਤਾ ਜਾਵੇਗਾ।
ਇਸ ਮੌਕੇ ਜਰਖੜ ਅਕਾਦਮੀ ਦੇ ਪ੍ਰਧਾਨ ਸ੍ਰ. ਜੋਗਿੰਦਰ ਸਿੰਘ ਗਰੇਵਾਲ, ਕਲੱਬ ਦੇ ਪ੍ਰਧਾਨ ਐਡਵੋਕੇਟ ਹਰਕਮਲ ਸਿੰਘ, ਸਰਪੰਚ ਦਪਿੰਦਰ ਸਿੰਘ, ਸ੍ਰ. ਹਰਦਿਆਲ ਸਿੰਘ ਅਮਨ, ਚੇਅਰਮੈਨ ਸ੍ਰ. ਸੁਰਿੰਦਰ ਸਿੰਘ ਖੰਨਾ, ਸ੍ਰ. ਰੌਬਿਨ ਸਿੰਘ ਸਿੱਧੂ, ਸ੍ਰ. ਪਰਮਜੀਤ ਸਿੰਘ ਨੀਟੂ, ਸ੍ਰ. ਬਲਜਿੰਦਰ ਸਿੰਘ ਥਰੀਕੇ, ਸ੍ਰ. ਸ਼ਰਨਜੀਤ ਸਿੰਘ ਥਰੀਕੇ, ਸ੍ਰ. ਸੰਦੀਪ ਸਿੰਘ ਪੰਧੇਰ, ਸ੍ਰ. ਤਜਿੰਦਰ ਸਿੰਘ, ਸ੍ਰ. ਸ਼ਿੰਗਾਰਾ ਸਿੰਘ ਜਰਖ਼ੜ, ਸ੍ਰ. ਜਗਦੀਪ ਸਿੰਘ ਬੁਲਾਰਾ, ਸਰਪੰਚ ਬਲਵਿੰਦਰ ਸਿੰਘ ਮਹਿਮੂਦਪੁਰਾ, ਮੁੱਖ ਕੋਚ ਸ੍ਰ. ਹਰਮਿੰਦਰਪਾਲ ਸਿੰਘ, ਸ੍ਰ. ਜਗਦੀਪ ਸਿੰਘ ਕਾਹਲੋਂ, ਸ੍ਰ. ਤਾਰਾ ਸਿੰਘ ਸੰਧੂ, ਸ੍ਰੀ ਪ੍ਰਵੀਨ ਠਾਕੁਰ, ਸ੍ਰ. ਮਨਮਿੰਦਰ ਸਿੰਘ ਹੈਪੀ, ਸ੍ਰ. ਰਣਜੀਤ ਸਿੰਘ ਦੁਲੇਂਅ, ਸ੍ਰ. ਬਲਵਿੰਦਰ ਸਿੰਘ ਬੋਪਾਰਾਏ, ਸ੍ਰ. ਜਸਵੀਰ ਸਿੰਘ ਖਾਨਪੁਰ, ਖੇਡ ਪ੍ਰੇਮੀ ਅਤੇ ਹੋਰ ਪ੍ਰਮੁੱਖ ਸਖ਼ਸ਼ੀਅਤਾਂ ਹਾਜ਼ਰ ਸਨ।



ਮੋਹਾਲੀ ਦੇ ਫੇਜ਼ 10 ਚ ਸਤਿਥ ਅੰਤਰ ਰਾਸਟਰੀ ਕ੍ਰਿਕੇਟ ਅਤੇ ਹਾਕੀ ਸਟੇਡੀਅਮ ਕੋਲੋਂ ਨਿਕਲਦਾ ਸੀਵਰੇਜ ਦਾ ਗੰਦਾ ਨਾਲਾ ਸਿਟੀ ਬਿਊਟੀਫੁੱਲ ਦੇ ਮੱਥੇ ਉੱਤੇ ਕਲੰਕ ਸਾਬਿਤ

ਐਸ ਏ ਐਸ ਨਗਰ 25 ਅਕਤੂਬਰ (ਜਤਿੰਦਰ ਸੱਭਰਵਾਲ) : ਮੋਹਾਲੀ ਦੇ ਫੇਜ਼ 10 ਵਿਚ ਸਤਿਥ ਕ੍ਰਿਕੇਟ ਅਤੇ ਹਾਕੀ ਦੇ ਅੰਤਰ ਰਾਸਟਰੀ ਸਟੇਡੀਅਮ ਕੋਲੋਂ ਨਿਕਲਦਾ ਚੰਡੀਗੜ੍ਹ ਸ਼ਹਿਰ ਦੇ ਸੀਵਰੇਜ ਦਾ ਗੰਦਾ ਨਾਲਾ ਕੂੜੇ ਦਾ ਡੰਪ ਸ਼ਹਿਰ ਅਤ....
 (News posted on: 25 Oct, 2014)
 Email Print 

ਐਸ ਏ ਐਸ ਨਗਰ 25 ਅਕਤੂਬਰ (ਜਤਿੰਦਰ ਸੱਭਰਵਾਲ) : ਮੋਹਾਲੀ ਦੇ ਫੇਜ਼ 10 ਵਿਚ ਸਤਿਥ ਕ੍ਰਿਕੇਟ ਅਤੇ ਹਾਕੀ ਦੇ ਅੰਤਰ ਰਾਸਟਰੀ ਸਟੇਡੀਅਮ ਕੋਲੋਂ ਨਿਕਲਦਾ ਚੰਡੀਗੜ੍ਹ ਸ਼ਹਿਰ ਦੇ ਸੀਵਰੇਜ ਦਾ ਗੰਦਾ ਨਾਲਾ ਕੂੜੇ ਦਾ ਡੰਪ ਸ਼ਹਿਰ ਅਤੇ ਕ੍ਰਿਕੇਟ ਸਟੇਡੀਅਮ ਸਿਟੀ ਬਿਊਟੀਫੁੱਲ ਦੇ ਮੱਥੇ ਉੱਤੇ ਕਲੰਕ ਸਾਬਿਤ ਹੋਕੇ ਰਹਿ ਗਿਆ ਹੈ | ਇਸ ਨਾਲੇ ਤੋਂ ਨਿਕਲਣ ਵਾਲੀ ਗੰਦੀ ਬਦਬੂ ਅੱਤੇ ਬੀਮਾਰੀਆ ਫੈਲਾਉਣ ਵਾਲੇ ਮੱਖੀ-ਮੱਛਰ ਕਰਨ ਇਥੇ ਰਹਿੰਦੇ ਲੋਕਾਂ ਅਤੇ ਦੇਸ਼ ਵਿਦੇਸ਼ ਤੋਂ ਕ੍ਰਿਕੇਟ ਮੈਚ ਦਾ ਆਨੰਦ ਮਾਣਨ ਆਏ ਦਰਸ਼ਕਾ ਵਾਸਤੇ ਇੱਕ ਧਰਤੀ ਤੇ ਵਸਦੇ ਨਰਕ ਨਾਲੋਂ ਘਟ ਨਹੀ ਹੈ | ਇਸ ਸਟੇਡੀਅਮ ਦੇ ਕੋਲ ਲਗੇ ਕੂੜੇ ਦੇ ਢੇਰ ਖਤਰਨਾਕ ਬਿਮਾਰੀਆਂ ਨੂੰ ਸੱਦਾ ਦੇ ਰਹੇ ਹਨ | ਚੈੱਨਲ ਦੀ ਟੀਮ ਨੂੰ ਇਸ ਮੋਕੇ ਸਟੇਡੀਅਮ ਦੇ ਆਸ ਪਾਸ ਬਣੇ ਘਰਾਂ ਚ ਰਹਿੰਦੇ ਲੋਕਾਂ ਨੇ ਦਸਿਆ ਕੇ ਪ੍ਰਸ਼ਾਸ਼ਨ ਨੇ ਕਦੇ ਵੀ ਇਸ ਸੀਵਰੇਜ ਦੇ ਗੰਦੇ ਨਾਲੇ ਨੂੰ ਢਕਨ ਅਤੇ ਆਸ ਪਾਸ ਕੂੜੇ ਦੇ ਡੰਪ ਕਾਰਣ ਖਿਲਰੀ ਗੰਦਗੀ ਨੂੰ ਸਾਫ ਕਰਨ ਦੀ ਕੋਸਿਸ਼ ਦੀ ਕੋਸਿਸ਼ ਨਹੀ ਕੀਤੀ, ਉਨ੍ਹਾਂ ਕਿਹਾ ਕੀ ਉਹ ਅਵਾਰਾ ਪਸ਼ੂਆਂ ਵਰਗੀ ਸਮਸਿਆ ਨਾਲ ਜੂਝ ਰਹੇ ਹਨ | ਦੱਸਣਯੋਗ ਹੈ ਕਿ ਇਸ ਕ੍ਰਿਕੇਟ ਸਟੇਡੀਅਮ ਦੇ ਵਿੱਚ ਆਈਪੀਐਲ ਸੀਜਨ ਦੇ ਕਈ ਮੈਚ ਖੇਡੇ ਜਾਂ ਚੁੱਕੇ ਹਨ ਅਤੇ ਕਈ ਖੇਡੇ ਜਾਣੇ ਹਨ ਜਾਣੇ ਹਨ ਅਤੇ ਇਸਦੇ ਬਿਲਕੁਲ ਸਾਹਮਣੇ ਇਕ ਅੰਤਰ ਰਾਸਟਰੀ ਮਲਟੀ ਸਟੇਡੀਅਮ ਦਾ ਵੀ ਨਿਰਮਾਣ ਕੀਤਾ ਗਿਆ ਹੈ ਜਿਥੇ ਹਾਕੀ ਅਤੇ ਕਬੱਡੀ ਦੇ ਅੰਤਰਰਾਸ਼ਟਰੀ ਮੈਚਾਂ ਤੋਂ ਇਲਾਵਾ ਹੋਰ ਕਈ ਪ੍ਰਕਾਰ ਦੀਆਂ ਖੇਡਾਂ ਦਾ ਆਯੋਜਨ ਕੀਤਾ ਜਾ ਚੁੱਕਾ ਹੈ | ਇਹ ਦੋਨੋਂ ਸਟੇਡੀਅਮ ਬਿਲਕੁਲ ਇਸ ਗੰਦੇ ਨਾਲੇ ਅਤੇ ਕੂੜੇ ਦੇ ਡੰਪ ਦੇ ਨਾਲ ਲਗਦੇ ਹਨ ,ਜਿਹੜਾ ਕਿ ਬਿਮਾਰੀਆ ਦੇ ਲਈ ਇੱਕ ਸਿਧਾ ਸੱਦਾ ਪੱਤਰ ਹੈ | ਲੋਕ ਸਰਕਾਰ ਕੋਲੋਂ ਮੰਗ ਕਰ ਰਹੇ ਹਨ ਕੀ ਜਿਵੇ ਪੂਰੇ ਭਾਰਤ ਚ ਸਵੱਛ ਅਭਿਆਨ ਚਲਾਇਆ ਜਾਂ ਰਿਹਾ ਹੈ ਉਸੀ ਤਰਜ਼ ਤੇ ਸਿਟੀ ਬਿਊਟੀਫੁੱਲ ਸ਼ਹਿਰ ਮੋਹਾਲੀ ਮੱਥੇ ਤੇ ਕਲੰਕ ਇਸ ਕੋਹੜ ਤੇ ਰੂਪੀ ਗੰਦੇ ਨਾਲੇ ਨੂੰ ਢੱਕਣ ਅਤੇ ਕੂੜੇ ਦੇ ਡੰਪ ਨੂੰ ਇਥੋਂ ਹਟਾਕੇ ਲੋਕਾਂ ਅਤੇ ਖੇਡ ਪ੍ਰੇਮੀਆਂ ਨੂੰ ਇਨ੍ਹਾਂ ਕੋਹੜਾ ਤੋਂ ਨਿਜਾਤ ਦਿਵਾਈ ਜਾਵੇ |



ਸ਼੍ਰੋਮਣੀ ਕਮੇਟੀ ਨੇ ਹੜ੍ਹ ਪ੍ਰਭਾਵਿਤ ਸਿੱਖਾਂ ਦੇ ਮੁੜ ਵਸੇਬੇ ਲਈ ਉਮਰ ਅਬਦੁੱਲਾ ਨੂੰ ਮੰਗ ਪੱਤਰ ਸੌਂਪਿਆ

ਅੰਮ੍ਰਿਤਸਰ 25 ਅਕਤੂਬਰ (ਬਾਬੂਸ਼ਾਹੀ ਬਿਉਰੋ) ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਟੀਮ ਨੇ ਸ੍ਰੀਨਗਰ ਸਥਿਤ ਹੜ੍ਹ ਪੀੜਤ ਇਲਾਕੇ ਦੇ ਪ੍ਰਭਾਵਿਤ ਸਿੱਖ ਭਾਈਚਾਰੇ ਦੇ ਲੋਕਾਂ ਨੂੰ ਉਥੇ ਵੱਧ ਰਹੀ ਠੰਡ ਦੌਰਾਨ ਤੁਰੰ&....


Mandiani Village


 (News posted on: 25 Oct, 2014)
 Email Print 

ਅੰਮ੍ਰਿਤਸਰ 25 ਅਕਤੂਬਰ (ਬਾਬੂਸ਼ਾਹੀ ਬਿਉਰੋ) ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਟੀਮ ਨੇ ਸ੍ਰੀਨਗਰ ਸਥਿਤ ਹੜ੍ਹ ਪੀੜਤ ਇਲਾਕੇ ਦੇ ਪ੍ਰਭਾਵਿਤ ਸਿੱਖ ਭਾਈਚਾਰੇ ਦੇ ਲੋਕਾਂ ਨੂੰ ਉਥੇ ਵੱਧ ਰਹੀ ਠੰਡ ਦੌਰਾਨ ਤੁਰੰਤ ਰਾਹਤ ਮੁਹੱਈਆ ਕਰਨ ਲਈ ਮੁੜ ਮੁੱਖ ਮੰਤਰੀ ਜਨਾਬ ਉਮਰ ਅਬਦੁੱਲਾ ਨਾਲ ਮੁਲਾਕਾਤ ਕਰਦਿਆਂ ਸਿੱਖਾਂ ਦੇ ਮੁੜ ਵਸੇਬੇ ਲਈ ਤੁਰੰਤ ਕਾਰਗਰ ਢੰਗ ਤਰੀਕਾ ਅਪਨਾਉਣ ਦੀ ਅਪੀਲ ਕੀਤੀ ਹੈ।
ਸ਼੍ਰੋਮਣੀ ਕਮੇਟੀ ਦੇ ਬੁਲਾਰੇ ਤੇ ਵਧੀਕ ਸਕੱਤਰ ਸ. ਦਿਲਜੀਤ ਸਿੰਘ ਬੇਦੀ ਨੇ ਦੱਸਿਆ ਕਿ ਮੁੱਖ ਮੰਤਰੀ ਨੂੰ ਮਿਲਣ ਵਾਲੇ ਸਿੱਖ ਆਗੂਆਂ ਦੀ ਟੀਮ ਵਿੱਚ ਉਨ੍ਹਾਂ ਨਾਲ ਮੀਤ ਸਕੱਤਰ ਜਗਜੀਤ ਸਿੰਘ ਜੱਗੀ ਸ਼ਾਮਲ ਸਨ।ਉਨ੍ਹਾਂ ਨੇ ਮੁੱਖ ਮੰਤਰੀ ਨੂੰ ਮਿਲ ਕੇ ਸਿੱਖਾਂ ਦੇ ਮੁੜ ਵਸੇਬੇ ਲਈ ਤੁਰੰਤ ਕਾਰਵਾਈ ਕਰਨ ਦੀ ਅਪੀਲ ਕੀਤੀ ਹੈ।ਉਨ੍ਹਾਂ ਕਿਹਾ ਕਿ ਵਾਦੀ ਵਿੱਚ ਤੇਜ਼ੀ ਨਾਲ ਵੱਧ ਰਹੀ ਠੰਢ ਕਾਰਨ ਪ੍ਰਭਾਵਿਤ ਹੋਏ ਲੋਕਾਂ ਦੇ ਸਾਹ ਸੂਤੇ ਹੋਏ ਹਨ।ਮੁੱਖ ਮੰਤਰੀ ਨੇ ਸਿੱਖ ਆਗੂਆਂ ਨੂੰ ਭਰੋਸਾ ਦਿੱਤਾ ਹੈ ਕਿ ਸਰਕਾਰ ਵੱਲੋਂ ਇਸ ਸਬੰਧੀ ਕੋਸ਼ਿਸ਼ ਜਾਰੀ ਹੈ ਅਤੇ ਸਰਕਾਰ ਇਸ ਕਾਰਜ ਨੂੰ ਚੁਣੌਤੀ ਵਜੋਂ ਲੈ ਰਹੀ ਹੈ।ਉਨ੍ਹਾਂ ਭਰੋਸਾ ਦਿੱਤਾ ਕਿ ਸਰਕਾਰ ਵੱਲੋਂ ਜਲਦੀ ਹੀ ਇਸ ਸਬੰਧੀ ਲੋੜੀਂਦੇ ਪ੍ਰਬੰਧ ਕੀਤੇ ਜਾਣਗੇ।ਉਨ੍ਹਾਂ ਸ਼੍ਰੋਮਣੀ ਕਮੇਟੀ ਦੇ ਪ੍ਰਧਾਨ ਜਥੇਦਾਰ ਅਵਤਾਰ ਸਿੰਘ ਦਾ ਧੰਨਵਾਦ ਕਰਦਿਆਂ ਆਖਿਆ ਕਿ ਸਿੱਖ ਜਥੇਬੰਦੀ ਵੱਲੋਂ ਹੜ੍ਹ ਪੀੜਤਾਂ ਨੂੰ ਰਾਹਤ ਦੇਣ ਲਈ ਕੀਤੇ ਗਏ ਕਾਰਜ ਸ਼ਲਾਘਾਯੋਗ ਹਨ।
ਸ. ਬੇਦੀ ਨੇ ਕਿਹਾ ਕਿ ਇਸ ਦੌਰਾਨ ਉਹ ਸਿੱਖ ਆਗੂ ਅਵਾਮੀ ਐਕਸ਼ਨ ਕਮੇਟੀ ਦੇ ਚੇਅਰਮੈਨ ਮੀਰ ਅਵਾਇਸ ਮੋਲਵੀ ਉਮਰ ਫਰੂਖ ਨੂੰ ਵੀ ਮਿਲੇ ਹਨ ਅਤੇ ਉਨ੍ਹਾਂ ਨੂੰ ਵੀ ਸਿੱਖ ਭਾਈਚਾਰੇ ਦੀ ਮਦਦ ਲਈ ਮੰਗ ਪੱਤਰ ਸੌਂਪਿਆ ਗਿਆ ਹੈ।ਸ. ਬੇਦੀ ਨੇ ਦੱਸਿਆ ਕਿ ਇਸ ਵੇਲੇ ਸ੍ਰੀਨਗਰ ਸਥਿਤ ਬੜਗਾਮ ਦੇ ਗੁਰਦੁਆਰੇ ਵਿੱਚ ਰਾਹਤ ਕੈਂਪ ਜਾਰੀ ਹਨ, ਜਿਸ ਦੇ ਤੀਜੇ ਪੜਾਅ ਵਿੱਚ ਪ੍ਰਭਾਵਿਤ ਲੋਕਾਂ ਨੂੰ ਰਾਸ਼ਨ ਕਿੱਟਾਂ ਦੇ ਨਾਲ ਗਰਮ ਬਿਸਤਰੇ ਵੰਡੇ ਜਾ ਰਹੇ ਹਨ।ਉਨ੍ਹਾਂ ਦੱਸਿਆ ਕਿ ਹੁਣ ਤੱਕ ਤਿੰਨ ਪੜਾਅ ਵਿੱਚ ਰਾਹਤ ਸਮੱਗਰੀ ਵੰਡੀ ਜਾ ਚੁੱਕੀ ਹੈ।ਪਹਿਲੇ ਪੜਾਅ ਵਿੱਚ ਤਿਆਰ ਰਾਸ਼ਨ ਤੇ ਹੋਰ ਰਾਹਤ ਸਮੱਗਰੀ ਵੰਡੀ ਗਈ ਸੀ, ਜਦੋਂ ਕਿ ਦੂਜੇ ਪੜਾਅ ਵਿੱਚ ਸੁੱਕੀ ਰਸਦ ਜਿਸ ਵਿੱਚ ਰਾਸ਼ਨ ਨਾਲ ਸਬੰਧਤ ਸਮਾਨ, ਗਰਮ ਕੱਪੜੇ ਤੇ ਬਿਸਤਰੇ ਆਦਿ ਵੰਡੇ ਜਾ ਰਹੇ ਹਨ।ਇਨ੍ਹਾਂ ਵਿੱਚ ਦਸਤਾਰਾਂ, ਕਛਿਹਰੇ, ਮਫਲਰ, ਟਰੈਕ ਸੂਟ ਅਤੇ ਗਰਮ ਸ਼ਰਟਾਂ ਆਦਿ ਵੀ ਸ਼ਾਮਲ ਹਨ।ਉਨ੍ਹਾਂ ਦੱਸਿਆ ਕਿ ਪੰਜ ਹਜ਼ਾਰ ਤੋਂ ਵੱਧ ਪਰਿਵਾਰਾਂ ਨੂੰ ਤੀਜੇ ਗੇੜ ਵਿੱਚ ਰਾਹਤ ਸਮੱਗਰੀ ਵੰਡੀ ਜਾ ਰਹੀ ਹੈ।ਚੌਥੇ ਪੜਾਅ ਵਿੱਚ ਸਿੱਖ ਭਾਈਚਾਰੇ ਦੇ ਉਨ੍ਹਾਂ ਵਿਅਕਤੀਆਂ ਨੂੰ ਰਾਹਤ ਦੇ ਚੈਕ ਵੰਡੇ ਜਾਣਗੇ, ਜਿਨ੍ਹਾਂ ਦੇ ਘਰ ਢਹਿ-ਢੇਰੀ ਹੋ ਗਏ ਹਨ ਜਾਂ ਨੁਕਸਾਨੇ ਗਏ ਹਨ।ਇਸੇ ਤਰ੍ਹਾਂ ਜਿਨ੍ਹਾਂ ਪਰਿਵਾਰਾਂ ਦੇ ਮੈਂਬਰਾਂ ਦੀ ਮੌਤ ਹੋ ਗਈ ਹੈ, ਉਨ੍ਹਾਂ ਦੇ ਵਾਰਸਾਂ ਨੂੰ ਸਹਾਇਤਾ ਰਾਸ਼ੀ ਦਿੱਤੀ ਜਾਵੇਗੀ।ਉਨ੍ਹਾਂ ਦੱਸਿਆ ਕਿ ਸ਼੍ਰੋਮਣੀ ਕਮੇਟੀ ਵੱਲੋਂ ਰਾਹਤ ਕਾਰਜਾਂ ਲਈ 2 ਕਰੋੜ ਰੁਪਏ ਦੀ ਰਾਸ਼ੀ ਰੱਖੀ ਗਈ ਹੈ।ਗੁਰਦੁਆਰਾ ਸ਼ਹੀਦ ਬੁੰਗਾ ਵਿਖੇ ਚੱਲ ਰਹੇ ਰਾਹਤ ਕੈਂਪ ਵਿੱਚ ਬਿਨਾਂ ਕਿਸੇ ਭੇਦ ਭਾਵ ਦੇ ਹਰ ਵਰਗ ਦੇ ਲੋਕਾਂ ਨੂੰ ਰਾਹਤ ਸਮੱਗਰੀ ਵੰਡੀ ਜਾ ਰਹੀ ਹੈ।
ਇਸ ਤੋਂ ਪਹਿਲਾਂ ਸ਼੍ਰੋਮਣੀ ਕਮੇਟੀ ਵੱਲੋਂ ਮੁਸਲਿਮ ਜਥੇਬੰਦੀ ਜੇ ਕੇ ਐਲ ਐਫ ਦੇ ਆਗੂ ਯਾਸੀਨ ਮਲਿਕ, ਹੁਰੀਅਤ ਕਾਨਫਰੰਸ ਦੇ ਆਗੂ ਸਈਅਦ ਅਲੀ ਸ਼ਾਹ ਗਿਲਾਨੀ, ਮੀਰ ਅਵਾਇਸ ਮੋਲਵੀ ਉਮਰ ਫਰੂਖ, ਵਿਧਾਇਕ ਜਨਾਬ ਨਾਸਿਰ ਅਸਲਮ ਵਾਨੀ ਦੀ ਮੰਗ 'ਤੇ ਪੰਜ ਟਰੱਕ ਰਾਹਤ ਸਮੱਗਰੀ ਦੇ ਭੇਜੇ ਜਾ ਚੁੱਕੇ ਹਨ।ਇਸੇ ਤਰ੍ਹਾਂ ਜੰਮੂ-ਕਸ਼ਮੀਰ ਮਹਿਲਾ ਕਮਿਸ਼ਨ ਦੀ ਮੁੱਖੀ ਬੇਗਮ ਸਮੀਮ ਫਿਰਦੋਸ ਦੀ ਮੰਗ 'ਤੇ ਸ਼੍ਰੋਮਣੀ ਕਮੇਟੀ ਵੱਲੋਂ ਰਾਹਤ ਸਮੱਗਰੀ ਦਾ ਪ੍ਰਬੰਧ ਕੀਤਾ ਗਿਆ ਸੀ।ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਸਾਰੇ ਆਗੂਆਂ ਨੇ ਸ਼੍ਰੋਮਣੀ ਕਮੇਟੀ ਵੱਲੋਂ ਕੀਤੇ ਜਾ ਰਹੇ ਰਾਹਤ ਕਾਰਜਾਂ ਦੀ ਭਰਪੂਰ ਪ੍ਰਸੰਸਾ ਕੀਤੀ ਹੈ।



ਹਰਿਆਣਾ ਦੇ ਹਰ ਗਲੀ-ਮੁੱਹਲੇ ਦੇ ਵਾਕਿਫ ਹਨ ਨਵੇਂ ਮੁੱਖ ਮੰਤਰੀ ਜਮੀਨ ਤੋਂ ਅਸਮਾਨ ਤੱਕ: ਮਨੋਹਰ ਲਾਲ ਖੱਟਰ


ਚੰਡੀਗੜ੍ਹ (ਸੋਹਲ) : ਮਨੋਹਰ ਲਾਲ ਖੱਟਰ ਹਰਿਆਣਾ ਦੇ ਸ਼ਾਇਦ ਪਹਿਲੇ ਅਜਿਹੇ ਮੁੱਖ ਮੰਤਰੀ ਹਨ, ਜੋ ਕਿ ਨਾ ਸਿਰਫ਼ ਸਮਾਜਸੇਵਕ ਦੇ ਨਾਤੇ ਹਰਿਆਣਾ ਦੇ ਹਰ ਜਿਲੇ ਵਿਚ ਕੁੱਝ ਸਾਲ ਗੁਜਾਰ ਚੁੱਕੇ ਹਨ, ਸੱਗੋਂ ਉਨ੍ਹਾਂ ਨੂੰ ਸੂਬੇ ă....
 (News posted on: 25 Oct, 2014)
 Email Print 


ਚੰਡੀਗੜ੍ਹ (ਸੋਹਲ) : ਮਨੋਹਰ ਲਾਲ ਖੱਟਰ ਹਰਿਆਣਾ ਦੇ ਸ਼ਾਇਦ ਪਹਿਲੇ ਅਜਿਹੇ ਮੁੱਖ ਮੰਤਰੀ ਹਨ, ਜੋ ਕਿ ਨਾ ਸਿਰਫ਼ ਸਮਾਜਸੇਵਕ ਦੇ ਨਾਤੇ ਹਰਿਆਣਾ ਦੇ ਹਰ ਜਿਲੇ ਵਿਚ ਕੁੱਝ ਸਾਲ ਗੁਜਾਰ ਚੁੱਕੇ ਹਨ, ਸੱਗੋਂ ਉਨ੍ਹਾਂ ਨੂੰ ਸੂਬੇ ਦੇ ਕਿਸਾਨ, ਵਪਾਰੀ, ਉਧਮੀ ਆਦਿ ਨੂੰ ਆਉਂਦੀ ਸਮਸਿਆਵਾਂ ਦਾ ਪ੍ਰੈਕਟੀਕਲ ਤਜੁਰਬਾ ਹੈ।
ਆਮ ਤੌਰ 'ਤੇ ਇਕ ਰਾਜਨੀਤਿਕ ਵਰਕਰ ਦੇ ਜੀਵਨ ਵਿਚ ਅਜਿਹਾ ਅਨੂਭਵ ਨਹੀਂ ਆਉਂਦਾ, ਕਿਉਂਕਿ ਹੁੱਣ ਤੱਕ ਮੁੱਖਮੰਤਰੀ ਰਹੇ ਸਾਰੇ ਨੇਤਾ ਇਕ ਹੀ ਇਲਾਕੇ ਵਿਚ ਪਲੇ ਵੱਧੇ ਹਨ ਅਤੇ ਇਕ ਹੀ ਤਰ੍ਹਾਂ ਦਾ ਕੰਮ ਕਰਦੇ ਹਨ, ਪਰ ਮਨੋਹਰ ਲਾਲ ਦੀ ਜੀਵਨ ਯਾਤਰਾ ਕੁੱਝ ਵੱਖ ਤਰ੍ਹਾਂ ਦੀ ਹੈ, ਜਿਸ ਕਾਰਨ ਇਨ੍ਹਾਂ ਨੂੰ ਇਹ ਸਭ ਅਨੁਭਵ ਹੋ ਗਏ।
ਬੰਟਵਾਰੇ ਤੋਂ ਬਾਅਦ ਇਨ੍ਹਾਂ ਦਾ ਪਰਿਵਾਰ ਪਿੰਡ ਬਨਿਆਨੀ ਵਿਚ ਆਕੇ ਰਹਿਣ ਲੱਗਾ ਅਤੇ ਇਥੇ ਮਨੋਹਰ ਲਾਲ 10ਵੀਂ ਕਲਾਸ ਤੱਕ ਆਪਣੇ ਪਿਤਾ ਜੀ ਦਾ ਖੇਤੀਬਾੜੀ ਵਿਚ ਨਾ ਸਿਰਫ ਸਹਿਯੋਗ ਕਰਦੇ ਆਏ, ਬਲਕਿ ਜਮੀਨ ਦੀ ਜੁਤਾਈ, ਬਿਜਾਈ, ਸਿੰਚਾਈ ਆਦਿ ਤੋਂ ਲੈਕੇ ਮੰਡੀ ਵਿਚ ਫਸਲ ਸਬਜੀ ਆਦਿ ਵੇਚਣ ਦਾ ਕੰਮ ਵੀ ਖੁੱਦ ਹੀ ਕੀਤਾ। 10ਵੀਂ ਤੋਂ ਬਾਅਦ ਮੈਡੀਕਲ ਦੀ ਪੜਾਈ ਲਈ ਮਨੋਹਰ ਲਾਲ ਆਪਣੇ ਰਿਸ਼ਤੇਦਾਰਾਂ ਦੇ ਕੋਲ ਦਿੱਲੀ ਚੱਲੇ ਗਏ ਅਤੇ ਉਥੇ ਤਿਆਰੀ ਕਰਦੇ ਹੋਏ ਆਪਣੇ ਰਿਸ਼ਤੇਦਾਰਾਂ ਦੇ ਵੱਪਾਰ ਵਿਚ ਸਹਿਯੋਗ ਦਿੰਦੇ ਹੋਏ ਉਹ ਵੱਪਾਰ ਵੱਲ ਖੀਂਚ ਗਏ ਅਤੇ ਪਿਤਾ ਜੀ ਤੋਂ 5 ਹਜਾਰ ਰੁਪਏ ਲੈਕੇ ਖੁੱਦ ਦਾ ਕਪੜੇ ਦਾ ਕੰਮ ਸ਼ੁਰੂ ਕਰ ਦਿੱਤਾ। ਕੁੱਝ ਸਾਲਾਂ ਤੱਕ ਵੱਪਾਰ ਤੋਂ ਬਾਅਦ ਮੈਨੂਫੈਕਚਰਿੰਗ ਦਾ ਕੰਮ ਸਫਲਤਾ ਨਾਲ ਕਰਦੇ ਹੋਏ ਉਹ ਸਮਾਜਸੇਵਾ ਵੱਲ ਵੱਧਦੇ ਹੋਏ ਸੰਘ ਦੇ ਪ੍ਰਚਾਰਕ ਬਣ ਗਏ।
1980 ਤੋਂ 1994 ਤੱਕ 14 ਸਾਲਾਂ ਲਈ ਮਨੋਹਰ ਲਾਲ ਨੇ ਸੰਘ ਦੇ ਪ੍ਰਚਾਰਕ ਦੇ ਨਾਤੇ ਰੋਹਤਕ, ਜਗਾਧਰੀ, ਯਮੁਨਾਨਗਰ, ਕਰਨਾਲ, ਕੁਰੂਸ਼ੇਤਰ, ਹਿਸਾਰ ਅਤੇ ਭਿਵਾਨੀ ਜਿਲਿਆਂ ਸਮੇਤ ਦੂਰ ਦਰਾਜ ਦੇ ਖੇਤਰਾਂ ਵਿਚਚ ਲਗਾਤਾਰ ਕਈ ਕਈ ਸਾਲ ਕੰਮ ਕੀਤਾ ਹੈ। ਇਸੇ ਦੌਰਾਨ ਉਹ ਸ਼ਹਿਰ-ਸ਼ਹਿਰ, ਪਿੰਡ-ਪਿੰਡ ਪੈਦਲ, ਸਾਈਕਲ, ਰਿਕਸ਼ਾ, ਬਸਾਂ ਅਤੇ ਟਰੇਨਾਂ ਵਿਚਚ ਘੂਮੇ ਅਤੇ ਸਮਾਜ ਦੇ ਹਰੇਕ ਵਰਗ ਦੀ ਦੁੱਖ ਤਕਲੀਫ ਨੂੰ ਅੱਖਾਂ ਨਾਲ ਦੇਖਿਆ ਅਤੇ ਕੰਨਾਂ ਨਾਲ ਸੁਣਿਆ। 1994 ਤੋਂ 2004 ਤੱਕ ਹਰਿਆਣਾ ਸੂਬੇ ਵਿਚ ਭਾਜਪਾ ਦੇ ਮਹਾਮੰਤਰੀ ਸੰਗਠਨ ਦੇ ਨਾਤੇ ਪੂਰੇ ਪ੍ਰਦੇਸ਼ ਵਿਚ ਨਿਵਾਸ ਕਰਦੇ ਰਹੇ ਅਤੇ ਰਾਜਨੀਤੀਕ ਨੇਤਾ ਦੇ ਨਾਤੇ ਲੋਕਾਂ ਦੀ ਸਮਸਿਆਵਾਂ ਤੋਂ ਰੂਬਰੂ ਹੁੰਦੇ ਰਹੇ। 2004 ਵਿਚ ਉਨ੍ਹਾਂ ਨੂੰ ਖੇਤਰ ਦਾ ਸੰਗਠਨ ਮੰਤਰੀ ਬਣਾਕੇ ਜੰਮੂ-ਕਸ਼ਮੀਰ, ਪੰਜਾਬ, ਹਰਿਆਣਾ, ਹਿਮਾਚਲ ਦੀ ਜਿੰਮੇਦਾਰੀ ਦੇ ਦਿੱਤੀ ਗਈ। 2014 ਦੇ ਲੋਕਸਭਾ ਚੋਣਾਂ ਵਿਚ ਉਨ੍ਹਾਂ ਨੂੰ ਹਰਿਆਣਾ ਲੋਕਸਭਾ ਚੋਣ ਅਭਿਆਨ ਕਮੇਟੀ ਦਾ ਚੇਅਰਮੈਨ ਨਿਯੁਕਤ ਕੀਤਾ ਗਿਆ। ਇਹ ਸਾਰੀਆਂ ਜਿੰਮੇਦਾਰੀਆਂ ਦੌਰਾਨ ਉਨ੍ਹਾਂ ਨੂੰ ਲੋਕਾਂ ਨੂੰ ਆਉਂਦੀ ਪਰੇਸ਼ਾਨੀਆਂ ਦੀ ਹਰੇਕ ਜਾਣਕਾਰੀ ਦੇ ਗਿਆ।
ਇਹੋਂ ਕਾਰਨ ਹੈ ਕਿ ਅਸੀਂ ਮੰਨਦੇ ਹਾਂ ਕਿ ਮਨੋਹਰ ਲਾਲ ਨੂੰ ਹਰਿਆਣਾ ਦੇ ਕਿਸਾਨ, ਛੋਟਾ ਵੱਪਾਰੀ, ਵੱਪਾਰੀ, ਮੈਨੂਫੈਕਚਰਰ ਨੂੰ ਪੇਸ਼ ਆਉਂਦੀ ਪਰੇਸ਼ਾਨੀਆਂ ਦੀ ਜਾਣਕਾਰੀ ਹੈ ਅਤੇ ਇਸਦੇ ਨਾਲ ਹਰਿਆਣਾ ਦੇ ਨਾ ਸਿਰਫ ਹਰੇਕ ਗਲੀ ਮੁੱਹਲੇ ਦਾ ਪੱਤਾ ਹੈ, ਬਲਕਿ ਉਨ੍ਹਾਂ ਦੀ ਵੀ ਜਮੀਨੀ ਸਮਸਿਆਵਾਂ ਨੂੰ ਅੱਖੀਂ ਦੇਖਿਆ ਹੈ।
ਖੇਤ, ਮੰਡੀ, ਵੱਪਾਰੀਆਂ ਅਤੇ ਆਮ ਲੋਕਾਂ ਨਾਲ ਸਬੰਧਤ ਮਨੋਹਰ ਲਾਲ ਖੱਟਰ ਦੇ ਕੋਲ ਅਨੇਕਾਂ ਅਜਿਹੇ ਕਿੱਸੇ ਕਹਾਣਿਆਂ ਹਨ, ਜੋ ਨਾ ਕੇਵਲ ਕਿਸਾਨ ਬਲਕਿ ਖੇਤ ਮਜਦੂਰਾਂ ਸਮੇਤ ਮੰਡੀ ਜਗਤ ਨਾਲ ਜੁੜੇ ਦੁਕਾਨਦਾਰਾਂ, ਵੱਪਾਰੀਆਂ-ਆੜਤੀਆਂ, ਹੋਰਨ੍ਹਾਂ ਕਾਰੋਬਾਰੀਆਂ ਅਤੇ ਆਮ ਆਦਮੀ ਦੀ ਸਮਸਿਆਵਾਂ ਦੇ ਬਾਰੇ ਵਿਚ ਖੱਟਰ ਦੀ ਸਮਝ ਨੂੰ ਪਰਿਭਾਸ਼ਿਤ ਕਰਦੀ ਹੈ। ਨਤੀਜਨ ਮੂਲਭੁਤ ਸੁਧਾਰ ਦੇ ਲਈ ਇਨ੍ਹਾਂ ਵਰਗਾਂ ਦੀ ਸੂਬਾ ਸਰਕਾਰ ਤੋਂ ਕੀ-ਕੀ ਉਮੀਦਾਂ ਹਨ ਅਤੇ ਸਰਕਾਰ ਦੀ ਇਨ੍ਹਾਂ ਸਬੰਧੀ ਕੀ ਜਿੰਮੇਦਾਰੀ ਬਣਦੀ ਹੈ, ਮਨੋਹਰ ਲਾਲ ਖੱਟਰ ਕਿਸੇ ਤੋਂ ਸੁਨਣ ਸਮਝਣ ਦੀ ਲੋੜ ਨਹੀਂ ਹੈ।



ਮੁੱਖ ਮੰਤਰੀ ਨੇ ਚੰਦੁਰਾਈਆਂ ਦੀ ਨਾਮ ਦੀ ਸੂਚਨਾ ਕਮਿਸ਼ਨਰ ਪੰਜਾਬ ਵਜੋ ਨਿਯੁਕਤੀ ਨੂੰ ਹਰੀ ਝੰਡੀ ਜਸਪਾਲ ਕੌਰ ਅਤੇ ਚੌਧਰੀ ਮੋਹਨ ਲਾਲ ਪੰਜਾਬ ਲੋਕ ਸੇਵਾ ਕਮਿਸ਼ਨ ਦੇ ਮੈਂਬਰ ਨਿਯੁਕਤ


ਚੰਡੀਗੜ੍ਹ, 25 ਅਕਤੂਬਰ (ਸੋਹਲ) : ਪੰਜਾਬ ਦੇ ਮੁੱਖ ਮੰਤਰੀ ਸ. ਪਰਕਾਸ਼ ਸਿੰਘ ਬਾਦਲ ਨੇ ਅੱਜ ਸ੍ਰੀ ਅਜੀਤ ਸਿੰਘ ਚੰਦੁਰਾਈਆਂ ਦੀ ਸੂਚਨਾ ਕਮਿਸ਼ਨਰ ਪੰਜਾਬ ਅਤੇ ਸ੍ਰੀਮਤੀ ਜਸਪਾਲ ਕੌਰ ਤੇ ਚੌਧਰੀ ਮੋਹਨ ਲਾਲ ਦੀ ਪੰਜਾਬ ਲੋਕ ਸੇ....
 (News posted on: 25 Oct, 2014)
 Email Print 


ਚੰਡੀਗੜ੍ਹ, 25 ਅਕਤੂਬਰ (ਸੋਹਲ) : ਪੰਜਾਬ ਦੇ ਮੁੱਖ ਮੰਤਰੀ ਸ. ਪਰਕਾਸ਼ ਸਿੰਘ ਬਾਦਲ ਨੇ ਅੱਜ ਸ੍ਰੀ ਅਜੀਤ ਸਿੰਘ ਚੰਦੁਰਾਈਆਂ ਦੀ ਸੂਚਨਾ ਕਮਿਸ਼ਨਰ ਪੰਜਾਬ ਅਤੇ ਸ੍ਰੀਮਤੀ ਜਸਪਾਲ ਕੌਰ ਤੇ ਚੌਧਰੀ ਮੋਹਨ ਲਾਲ ਦੀ ਪੰਜਾਬ ਲੋਕ ਸੇਵਾ ਕਮਿਸ਼ਨ ਦੇ ਮੈਬਰਾਂ ਵਜੋ ਨਿਯੁਕਤੀ ਨੂੰ ਹਰੀ ਝੰਡੀ ਦੇ ਦਿੱਤੀ ਹੈ।
ਇਸ ਗੱਲ ਦੀ ਜਾਣਕਾਰੀ ਦਿੰਦਿਆਂ ਅੱਜ ਇਥੇ ਮੁੱਖ ਮੰਤਰੀ ਦਫਤਰ ਦੇ ਇੱਕ ਬੁਲਾਰੇ ਨੇ ਦੱਸਿਆ ਕਿ ਸ੍ਰੀ ਬਾਦਲ ਨੇ ਸ਼ੁੱਕਰਵਾਰ ਨੂੰ ਇਸ ਸਬੰਧੀ ਫਾਈਲ 'ਤੇ ਹਸਤਾਖਰ ਕਰ ਦਿੱਤੇ ਸਨ।



ਪੀ.ਏ.ਪੀ.ਆਰ ਐਕਟ ਵਿੱਚ ਸੋਧ ਲਈ ਸਰਕਾਰ ਆਰਡੀਨੈਂਸ ਲਿਆਵੇਗੀ ਗੈਰਕਾਨੂੰਨੀ ਪਲਾਟਾਂ ਤੇ ਨਾਜਾਇਜ ਕਲੋਨੀਆਂ ਨੂੰ ਰੈਗੂਲਰ ਕਰਾਉਣ ਦਾ ਆਖਰੀ ਮੌਕਾ

ਡਿਪਟੀ ਕਮਿਸ਼ਨਰਾਂ ਤੇ ਮੁੱਖ ਪ੍ਰਸ਼ਾਸਕਾਂ ਨੂੰ ਨਿਯਮਤ ਕਰਨ ਦੀ ਪ੍ਰਕ੍ਰਿਆ ਦੀ ਨਿਗਰਾਨੀ ਦੇ ਹੁਕਮ
ਚੰਡੀਗੜ੍ਹ, 25 ਅਕਤੂਬਰ (ਸੋਹਲ) : ਪੰਜਾਬ ਸਰਕਾਰ ਨੇ ਅਣਅਧਿਕਾਰਤ ਪਲਾਟ ਹੋਲਡਰਾਂ ਅਤੇ ਨਜਾਇਜ ਕਲੋਨੀਆਂ ਨੂੰ ਰਾਹਤ....
 (News posted on: 25 Oct, 2014)
 Email Print 

ਡਿਪਟੀ ਕਮਿਸ਼ਨਰਾਂ ਤੇ ਮੁੱਖ ਪ੍ਰਸ਼ਾਸਕਾਂ ਨੂੰ ਨਿਯਮਤ ਕਰਨ ਦੀ ਪ੍ਰਕ੍ਰਿਆ ਦੀ ਨਿਗਰਾਨੀ ਦੇ ਹੁਕਮ
ਚੰਡੀਗੜ੍ਹ, 25 ਅਕਤੂਬਰ (ਸੋਹਲ) : ਪੰਜਾਬ ਸਰਕਾਰ ਨੇ ਅਣਅਧਿਕਾਰਤ ਪਲਾਟ ਹੋਲਡਰਾਂ ਅਤੇ ਨਜਾਇਜ ਕਲੋਨੀਆਂ ਨੂੰ ਰਾਹਤ ਦੇਣ ਦੇ ਮਕਸਦ ਨਾਲ ਇਹ ਫੈਸਲਾ ਕੀਤਾ ਹੈ ਕਿ 27 ਅਕਤੂਬਰ ਨੂੰ ਇਸ ਬਾਰੇ ਇੱਕ ਸੋਧਿਆ ਹੋਇਆ ਨੋਟੀਫਿਕੇਸਨ ਜਾਰੀ ਕੀਤਾ ਜਾਵੇਗਾ ਤਾਂ ਜੋ ਅਗਲੇ ਤਿੰਨ ਮਹੀਨਿਆਂ ਵਿੱਚ ਪਲਾਟਾਂ ਅਤੇ ਕਲੋਨੀਆਂ ਨੂੰ ਨਿਯਮਤ ਕੀਤਾ ਜਾ ਸਕੇ।
ਪੰਜਾਬ ਦੇ ਉਪ ਮੁੱਖ ਮੰਤਰੀ ਸ. ਸੁਖਬੀਰ ਸਿੰਘ ਬਾਦਲ ਨੇ ਕਾਲੋਨਾਈਜਰਾਂ ਦੁਆਰਾ ਕੀਤੀ ਗਈ ਬੇਨਤੀ ਦੇ ਸਨਮੁੱਖ ਅੱਜ ਮਕਾਨ ਅਤੇ ਸ਼ਹਿਰੀ ਵਿਕਾਸ ਵਿਭਾਗ ਨੂੰ ਕਿਹਾ ਕਿ ਉਹ, ਪੰਜਾਬ ਅਪਾਰਟਮੈਟ ਐਡ ਪ੍ਰਾਪਰਟੀਜ਼ ਰੈਗੂਲਰਾਈਜੇਸਨ ਐਕਟ, 1995 (ਪੀ.ਏ.ਪੀ.ਆਰ.ਏ) ਤਹਿਤ ਇੱਕ ਤਾਜਾ ਨੋਟੀਫਿਕੇਸਨ ਉਨਾ੍ਹਂ ਪਲਾਟਾਂ ਹੋਲਡਰਾਂ ਅਤੇ ਕਾਲੋਨਾਈਜਰਾਂ ਲਈ ਜਾਰੀ ਕਰੇ ਜੋ ਕਿ ਲੰਘ ਚੁੱਕੇ ਨਿਰਧਾਰਤ ਸਮੇ ਵਿੱਚ ਆਪਣੇ ਪਲਾਟ ਅਤੇ ਕਾਲੋਨੀਆਂ ਨੂੰ ਨਿਯਮਤ ਨਹੀ' ਕਰਵਾ ਸਕੇ ਸਨ। ਸ. ਬਾਦਲ ਨੇ ਸਾਰੇ ਡਿਪਟੀ ਕਮਿਸਨਰਾਂ ਅਤੇ ਵਿਕਾਸ ਅਥਾਰਟੀਆਂ ਨੂੰ ਭਰਵੀ' ਮੁਹਿੰਮ ਵਿੱਢਣ ਲਈ ਕਿਹਾ ਤਾਂ ਜੋ ਸਾਰੀਆਂ ਨਜਾਇਜ ਕਲੋਨੀਆਂ ਅਤੇ ਪਲਾਟਾਂ ਨੂੰ ਨਿਯਮਤ ਕਰਕੇ ਇਸ ਕੰਮ ਨੂੰ ਇੱਕ ਮਿਸ਼ਨ ਵਾਂਗ ਪੂਰਾ ਕੀਤਾ ਜਾ ਸਕੇ।
ਸ. ਬਾਦਲ ਨੇ ਕਿਹਾ ਕਿ ਰਾਜ ਸਰਕਾਰ ਨੇ ਇੱਕ ਅਜਿਹੀ ਨੀਤੀ ਉਲੀਕੀ ਹੈ ਜੋ ਕਿ ਰਾਜ ਦੇ ਲੋਕਾਂ ਦਾ ਹਿੱਤ ਪੂਰਦੀ ਹੈ ਅਤੇ ਅਣਅਧਿਕਾਰਤ ਕਲੋਨੀਆਂ ਵਾਲੇ ਕਾਲੋਨਾਈਜਰਾਂ ਅਤੇ ਪਲਾਟ ਮਾਲਕਾਂ ਨੂੰ ਮਹਿਜ ਇੱਕ ਨਾਮਾਤਰ ਦੀ ਫੀਸ ਅਦਾਇਗੀ ਦੇ ਨਾਲ ਹੀ ਆਪੋ ਆਪਣੀਆਂ ਉਸਾਰੀਆਂ ਨੂੰ ਨਿਯਮਤ ਕਰਵਾਉਣ ਦਾ ਭਰਪੂਰ ਮੌਕਾ ਦਿੰਦੀ ਹੈ।
ਸ. ਬਾਦਲ ਨੇ ਕਿਹਾ ਕਿ ਜਾਇਦਾਦਾਂ ਨੂੰ ਨਿਯਮਤ ਕਰਵਾਉਣ ਦਾ ਇਹ ਇੱਕ ਸੁਨਹਿਰੀ ਮੌਕਾ ਹੈ। ਉਨਾ੍ਹਂ ਨੇ ਮਕਾਨ ਵਿਕਾਸ ਅਤੇ ਸਾਰੀਆਂ ਵਿਕਾਸ ਅਥਾਰਟੀਆਂ ਨੂੰ ਇਹ ਹੁਕਮ ਦਿੱਤੇ ਕਿ ਉਹ, ਅਗਲੇ ਹਫਤੇ ਤੋ' ਅਰਜੀਆਂ ਲੈਣ ਦੀ ਪ੍ਰਕ੍ਰਿਆ ਸ਼ੁਰੂ ਕਰ ਦੇਣ ਅਤੇ ਅਰਜੀਆਂ ਜਮਾਂ ਕਰਨ ਦੀ ਮਿਤੀ ਤੋ' ਇੱਕ ਮਹੀਨੇ ਦੇ ਅੰਦਰ ਅਰਜੀਆਂ ਦਾ ਨਿਪਟਾਰਾ ਕਰਕੇ ਮਾਲਕਾਂ ਨੂੰ ਇਤਰਾਜਹੀਣਤਾ ਪ੍ਰਮਾਣ ਪੱਤਰ ਜਾਰੀ ਕਰਨ।
ਉਪ ਮੁੱਖ ਮੰਤਰੀ ਨੇ ਸਕੱਤਰ, ਮਕਾਨ ਨੂੰ ਇੱਕ ਆਰਡੀਨੈ'ਸ ਜਾਰੀ ਕਰਨ ਲਈ ਕਿਹਾ ਤਾਂ ਜੋ ਪੀ.ਏ.ਪੀ.ਆਰ.ਐਕਟ ਵਿੱਚ ਸੋਧ ਕੀਤੀ ਜਾ ਸਕੇ ਅਤੇ ਰਾਜ ਵਿਚਲੇ ਅਣਅਧਿਕਾਰਤ ਪਲਾਟ ਹੋਲਡਰਾਂ ਅਤੇ ਕਲੋਨੀਆਂ ਨੂੰ ਰਾਹਤ ਮਿਲ ਸਕੇ।
ਸ. ਬਾਦਲ ਨੇ ਝੰਜਟਾਂ ਤੋ' ਮੁਕਤ ਅਤੇ ਲੋਕ ਹਿਤੈਸੀ ਪਹੁੰਚ ਅਪਣਾਉਣ ਦੀ ਜ਼ੋਰਦਾਰ ਵਕਾਲਤ ਕਰਦਿਆਂ ਕਿਹਾ ਕਿ ਇਹ ਫਰਜ਼ ਡਿਪਟੀ ਕਮਿਸ਼ਨਰਾਂ ਦਾ ਹੈ ਕਿ ਉਹ ਇਹ ਯਕੀਨੀ ਬਣਾਉਣ ਕਿ ਉਹ ਆਮ ਲੋਕਾਂ ਨੂੰ ਕਿਸੇ ਵੀ ਪ੍ਰੇਸਾਨੀ ਦਾ ਸਾਹਮਣਾ ਨਾ ਕਰਨਾ ਪਵੇ ਅਤੇ ਇਸ ਟੀਚੇ ਨੂੰ ਪੂਰਾ ਕਰਨ ਵਿੱਚ ਲੋਕਾਂ ਨੂੰ ਪੂਰਾ ਸਹਿਯੋਗ ਦਿੱਤਾ ਜਾਵੇ। ਉਨਾਂ ਨੇ ਸਾਰੀਆਂ ਵਿਕਾਸ ਅਥਾਰਟੀਆਂ ਦੇ ਮੁੱਖ ਪ੍ਰਸ਼ਾਸਕਾਂ ਨੂੰ ਕਿਹਾ ਕਿ ਉਹ ਪਲਾਟਾਂ ਅਤੇ ਕਾਲੋਨੀਆਂ ਨੂੰ ਨਿਯਮਤ ਕੀਤੇ ਜਾਣ ਦੀ ਇਸ ਪ੍ਰਕ੍ਰਿਆ ਦੀ ਨਿਗਰਾਨੀ ਕਰਦੇ ਰਹਿਣ ਅਤੇ ਸਰਕਾਰ ਨੂੰ ਹਫਤਾਵਾਰੀ ਰਿਪੋਰਟਾਂ ਜਮਾਂ ਕਰਵਾਉਣ।



ਕੈਨੇਡਾ : ਦੀਵਾਲੀ ਦੀ ਰੌਸ਼ਨੀ ਪਾਰਲੀਮੈਂਟ ਦੇ ਸਹੀਦਾਂ ਨੂੰ ਸਰਧਾਂਜਲੀ ਵੱਜੋਂ ਮੋਮਬੱਤੀਆਂ ਬਾਲਕੇ ਕੀਤੀ

ਕੈਲਗਰੀ-ਹਰਬੰਸ ਬੁੱਟਰ
ਕੈਲਗਰੀ ਦੇ ਫਾਲਕਿਨਰਿੱਜ਼ ਕਮਿਓਨਿਟੀ ਹਾਲ ਵਿਖੇ ਹਿੰਦੂ ਯੂਥ ਵਾਲੰਟੀਅਰਜ਼ ਵੱਲੋਂ ਦੀਵਾਲੀ ਦੇ ਮੌਕੇ ਖੁਸੀਆਂ ਮਨਾਉਣ ਦੇ ਲਈ ਇੱਕ ਪਰੋਗਰਾਮ ਕਾਫੀ ਲੰਮੇ ਅਰਸੇ ਤੋਂ ਉਲੀਕਿਆ ਗਿਆ ਸੀ ਪਰ ਬ....
 (News posted on: 25 Oct, 2014)
 Email Print 

ਕੈਲਗਰੀ-ਹਰਬੰਸ ਬੁੱਟਰ
ਕੈਲਗਰੀ ਦੇ ਫਾਲਕਿਨਰਿੱਜ਼ ਕਮਿਓਨਿਟੀ ਹਾਲ ਵਿਖੇ ਹਿੰਦੂ ਯੂਥ ਵਾਲੰਟੀਅਰਜ਼ ਵੱਲੋਂ ਦੀਵਾਲੀ ਦੇ ਮੌਕੇ ਖੁਸੀਆਂ ਮਨਾਉਣ ਦੇ ਲਈ ਇੱਕ ਪਰੋਗਰਾਮ ਕਾਫੀ ਲੰਮੇ ਅਰਸੇ ਤੋਂ ਉਲੀਕਿਆ ਗਿਆ ਸੀ ਪਰ ਬਿਲਕੁੱਲ ਐਨ ਮੌਕੇ ਉੱਪਰ ਆਕੇ ਇਸ ਪਰੋਗਰਾਮ ਦੀ ਸਾਰੀ ਰੂਪ ਰੇਖਾ ਵਿੱਚ ਉਸ ਵੇਲੇ ਤਬਦੀਲੀ ਆ ਗਈ ਜਦੋਂ ਇੱਕ ਸਿਰਫਿਰੇ ਨੇ ਕਨੇਡਾ ਦੀ ਪਾਰਲੀਮੈਂਟ ਉੱਪਰ ਨਿਹੱਥੇ ਫੌਜੀ ਉੱਪਰ ਹਥਿਆਰਬੰਦ ਹਮਲਾ ਕਰਕੇ ਉਸ ਨੂੰ ਸ਼ਹੀਦ ਕਰ ਦਿੱਤਾ। ਅੱਜ ਦੀਵਾਲੀ ਦਾ ਪਰੋਗਰਾਮ ਸੁਰੂ ਹੋਣ ਮੌਕੇ ਹਾਲ ਵਿੱਚ ਦਾਖਲੇ ਤੋਂ ਪਹਿਲਾਂ ਕੈਲਗਰੀ ਨਾਰਥਈਸਟ ਤੋਂ ਮੈਂਬਰ ਪਾਰਲੀਮੈਂਟ ਦਵਿੰਦਰ ਸ਼ੋਰੀ ਅਤੇ ਵਾਈਲਡਰੋਜ਼ ਪਾਰਟੀ ਦੇ ਮੈਕਾਲ ਹਲਕੇ ਤੋਂ ਚੋਣ ਲੜਨ ਜਾ ਰਹੇ ਉਮੀਂਦਵਾਰ ਹੈਪੀ ਮਾਨ ਅਤੇ ਰਾਕੇਸ ਜਸਵਾਲ ਦੀ ਅਗਵਾਈ ਵਿੱਚ ਹਿੰਦੂ ਯੂਥ ਵਾਲੰਟੀਅਰਜ਼ ਦੇ ਨੁਮਾਂਇੰਦਿਆਂ ਨੇ ਬੀਤੇ ਦਿਨੀ ਪਾਰਲੀਮੈਂਟ ਹਿੱਲ ਔਟਵਾ ਵਿਖੇ ਸਥਿੱਤ ਨੈਸਨਲ ਵਾਰ ਮੈਮੋਰੀਅਲ ਵਿਖੇ ਖਾਲੀ ਹੱਥ ਡਿਊਟੀ ਨਿਭਾ ਰਹੇ ਸ਼ਹੀਦ ਹੋਏ ਇੱਕ ਫੌਜੀ ਨੂੰ ਸਰਧਾਂਜਲੀ ਵੱਜੋਂ ਮੋਮਬੱਤੀਆਂ ਜਗਾਈਆਂ। ਐਮ ਪੀ ਦਵਿੰਦਰ ਸ਼ੋਰੀ ਨੇ ਕਿਹਾ ਅਸੀਂ ਕਨੇਡੀਅਨ ਇਸ ਮੌਕੇ ਅਜਿਹੇ ਹਮਲਿਆਂ ਨਾਲ ਘਬਰਾਏ ਨਹੀ ਸਗੋਂ ਹੋਰ ਮਜਬੂਤ ਹੋਏ ਹਾਂ । ਸਾਨੂੰ ਸਮੂਹ ਭਾਈਚਾਰਿਆਂ ਨੂੰ ਏਕਤਾ ਦਾ ਸਬੂਤ ਦਿੰਦੇ ਹੋਏ ਅਜਿਹੇ ਮੌਕਿਆਂ ਉੱਪਰ ਦੇਸ਼ ਧਰੋਹੀਆਂ ਦੇ ਹੌਂਸਲੇ ਪ੍ਰਸਤ ਕਰ ਦੇਣੇ ਚਾਹੀਦੇ ਹਨ। ਇਸ ਮੌਕੇ ਅਲਬਰਟਾ ਦੀ ਮੁੱਖ ਵਿਰੋਧੀ ਧਿਰ ਵਾਈਲਡਰੋਜ਼ ਪਾਰਟੀ ਦੀ ਨੇਤਾ ਡੈਨੀਅਲ ਸਮਿੱਥ, ਗਲੋਬਲ ਪਰਵਾਸੀ ਸੀਨੀਅਰਜ਼ ਸੋਸਾਇਟੀ ਦੇ ਪ੍ਰਧਾਨ ਸੱਤਪਾਲ ਕੌਸਿਲ, ਪ੍ਰਸਿੱਧ ਰੇਡੀਓ ਹੋਸਟ ਅਮਰਜੀਤ ਰੱਖੜਾ, ਰਾਕੇਸ ਜਸਵਾਲ,ਹਰਚਰਨ ਸਿੰਘ ਅਤੇ ਬੀਬਾ ਗੁਰਦੀਪ ਕੌਰ "ਸਿੱਖ ਵਿਰਸਾ",ਰਿੱਕੀ ਨਰੂਲਾ, ਰੋਮੀ ਸਿੱਧੂ, ਗਗਨ ਬੁੱਟਰ,ਅਤੇ ਹੋਰ ਕੈਲਗਰੀ ਦੀਆਂ ਨਾਮੀ ਸਖਸ਼ੀਅਤਾ ਹਾਜਿਰ ਸਨ।



ਮੁੱਖ ਮੰਤਰੀ ਵੱਲੋਂ ਰੱਤਾ ਖੇੜਾ ਵੱਡਾ ਅਤੇ ਛੋਟਾ ਦੀ ਕਾਇਆ ਕਲਪ ਕਰਨ ਲਈ 23 ਕਰੋੜ ਦੇ ਪ੍ਰੋਜੈਕਟਾਂ ਦਾ ਐਲਾਨ ਸੇਮ ਨਾਲ ਸਭ ਤੋਂ ਵੱਧ ਪ੍ਰਭਾਵਿਤ ਪਿੰਡ ਰੱਤਾ ਖੇੜਾ ਮਾਡਲ ਪਿੰਡ ਵਜੋਂ ਹੋਣਗੇ ਵਿਕਸਤ

-ਬਿਹਤਰ ਜਿੰਦਗੀ ਲਈ 'ਹਰ ਹੱਥ ਕਰੇ ਕਿਰਤ' ਦਾ ਦਿੱਤਾ ਨਾਹਰਾ
-ਪਿੰਡ ਰੱਤਾ ਖੇੜਾ ਵਿਖੇ ਇਕ ਰੋਜ਼ਾ ਸੰਗਤ ਦਰਸ਼ਨ ਪ੍ਰੋਗਰਾਮ
ਰੱਤਾ ਖੇੜਾ (ਲੰਬੀ) ਸ੍ਰੀ ਮੁਕਤਸਰ ਸਾਹਿਬ, 25 ਅਕਤੂਬਰ: (ਬਾਬੂਸ਼ਾਹੀ ਬਿਉਰੋ)
ਸੂਬੇ ਵਿਚ ਸੇਮ ਨ....
 (News posted on: 25 Oct, 2014)
 Email Print 

-ਬਿਹਤਰ ਜਿੰਦਗੀ ਲਈ 'ਹਰ ਹੱਥ ਕਰੇ ਕਿਰਤ' ਦਾ ਦਿੱਤਾ ਨਾਹਰਾ
-ਪਿੰਡ ਰੱਤਾ ਖੇੜਾ ਵਿਖੇ ਇਕ ਰੋਜ਼ਾ ਸੰਗਤ ਦਰਸ਼ਨ ਪ੍ਰੋਗਰਾਮ
ਰੱਤਾ ਖੇੜਾ (ਲੰਬੀ) ਸ੍ਰੀ ਮੁਕਤਸਰ ਸਾਹਿਬ, 25 ਅਕਤੂਬਰ: (ਬਾਬੂਸ਼ਾਹੀ ਬਿਉਰੋ)
ਸੂਬੇ ਵਿਚ ਸੇਮ ਨਾਲ ਸਭ ਤੋਂ ਵੱਧ ਪ੍ਰਭਾਵਿਤ ਪਿੰਡ ਰੱਤਾ ਖੇੜਾ ਵੱਡਾ ਅਤੇ ਰੱਤਾ ਖੇੜਾ ਛੋਟਾ ਨੂੰ ਮਾਡਲ ਪਿੰਡ ਵਜੋਂ ਵਿਕਸਤ ਕਰਨ ਲਈ ਅਹਿਮ ਕਦਮ ਚੁਕਦਿਆਂ ਪੰਜਾਬ ਦੇ ਮੁੱਖ ਮੰਤਰੀ ਸ: ਪਰਕਾਸ਼ ਸਿੰਘ ਬਾਦਲ ਨੇ ਇੰਨ੍ਹਾਂ ਪਿੰਡਾਂ ਵਿਚ ਬੁਨਿਆਦੀ ਢਾਂਚੇ ਦੀ ਕਾਇਆ ਕਲਪ ਕਰਨ, ਹੁਨਰ ਵਿਕਾਸ ਅਤੇ ਖੇਤੀ ਸਹਾਇਕ ਧੰਦਿਆਂ ਨੂੰ ਪ੍ਰਫੁਲਿਤ ਕਰਨ ਸਮੇਤ ਹੋਰ ਵੱਖ-ਵੱਖ ਸਕੀਮਾਂ ਤਹਿਤ 23 ਕਰੋੜ ਰੁਪਏ ਤੋਂ ਵੱਧ ਦੇ ਪ੍ਰੋਜੈਕਟ ਆਰੰਭਣ ਦਾ ਐਲਾਨ ਕੀਤਾ ਤਾਂ ਕਿ ਔਂਕੜਾਂ ਨਾਲ ਜੂਝ ਰਹੇ ਇੰਨ੍ਹਾਂ ਪਿੰਡਾਂ ਦੇ ਲੋਕ ਮੁੜ ਆਪਣੇ ਪੈਰਾਂ 'ਤੇ ਖੜੇ ਹੋ ਸਕਣ। ਇਸ ਮੌਕੇ ਮੁੱਖ ਮੰਤਰੀ ਨੇ ਆਖਿਆ ਕਿ ਸਾਰੀਆਂ ਸਕੀਮਾਂ ਨੂੰ ਇਕੋ ਸਮੇਂ ਲਾਗੂ ਕਰਨ ਲਈ ਇੰਨ੍ਹਾਂ ਦੋ ਪਿੰਡਾਂ ਨੂੰ ਤਜਰਬੇ ਦੇ ਤੌਰ ਤੇ ਲਿਆ ਗਿਆ ਹੈ ਜਿਸ ਤੋਂ ਬਾਅਦ ਸੇਮ ਗ੍ਰਸਤ ਹੋਰ ਪਿੰਡਾਂ ਵਿਚ ਵੀ ਇਹੀ ਮਾਡਲ ਅਪਨਾਇਆ ਜਾਵੇਗਾ।
ਅੱਜ ਇੱਥੇ ਪਿੰਡ ਰੱਤਾ ਖੇੜਾ ਵੱਡਾ ਅਤੇ ਰੱਤਾ ਖੇੜਾ ਛੋਟਾ ਦੇ ਇਕ ਰੋਜ਼ਾ ਸੰਗਤ ਦਰਸ਼ਨ ਪ੍ਰੋਗਰਾਮ ਦੌਰਾਨ ਸ: ਬਾਦਲ ਨੇ ਆਖਿਆ ਕਿ ਅੱਜ ਹਰੇਕ ਪਿੰਡ ਵਿਚ ਉਥੋਂ ਦੇ ਵਾਸੀਆਂ ਨੂੰ ਕਿਸੇ ਨਾ ਕਿਸੇ ਰੂਪ ਵਿਚ ਬੁਨਿਆਦੀ ਸਹੁਲਤਾਂ ਹਾਸਲ ਹਨ ਪਰ ਇਹ ਦੋ ਪਿੰਡ ਲਗਭਗ ਪਿਛਲੇ 20 ਸਾਲਾਂ ਤੋਂ ਸੇਮ ਨਾਲ ਪੀੜਤ ਹੋਣ ਕਾਰਨ ਗੰਭੀਰ ਆਰਥਿਕ 'ਤੇ ਸਮਾਜਿਕ ਸੰਕਟ ਦਾ ਸਾਹਮਣਾ ਕਰ ਰਹੇ ਹਨ। ਰੋਜ਼ਮਰ੍ਹਾਂ ਦੀ ਜਿੰਦਗੀ ਵਿਚ ਮੁਸਕਿਲਾਂ ਹੰਢਾਉਣ ਵਾਲੇ ਪਿੰਡ ਵਾਸੀਆਂ ਦੀ ਹਿੰਮਤ ਦੀ ਦਾਦ ਦਿੰਦਿਆਂ ਮੁੱਖ ਮੰਤਰੀ ਨੇ ਆਖਿਆ ਕਿ ਇਸ ਵੇਲੇ ਲੋਕਾਂ ਨੂੰ ਸੇਮ ਦੀ ਸਮੱਸਿਆ ਤੋਂ ਨਿਜਾਤ ਪਾਉਣ ਲਈ ਖੇਤੀ ਤੋਂ ਇਲਾਵਾ ਹੋਰ ਕਿੱਤਿਆਂ ਨੂੰ ਉਤਸਾਹ ਅਤੇ ਲਗਨ ਨਾਲ ਅਪਨਾਉਣਾ ਚਾਹੀਦਾ ਹੈ ਤਾਂ ਕਿ ਆਰਥਿਕ ਵਸੀਲੇ ਪੈਦਾ ਕਰਕੇ ਆਪਣੀ ਜਿੰਦਗੀ ਬਿਹਤਰ ਢੰਗ ਨਾਲ ਬਸਰ ਕੀਤੀ ਜਾ ਸਕੇ। ਉਨ੍ਹਾਂ ਆਖਿਆ ਕਿ ਸੂਬਾ ਸਰਕਾਰ ਨੇ ਇੰਨ੍ਹਾਂ ਦੋ ਪਿੰਡਾਂ ਨੂੰ ਹਰ ਪੱਖ ਤੋਂ ਨਮੂਨੇ ਦੇ ਪਿੰਡ ਵਜੋਂ ਵਿਕਸਤ ਕਰਨ ਦਾ ਤਹੱਈਆ ਕੀਤਾ ਹੈ ਅਤੇ ਪਿੰਡ ਵਾਸੀਆਂ ਅਤੇ ਯੋਜਨਾਵਾਂ ਉਲੀਕਣ ਵਾਲੇ ਅਧਿਕਾਰੀਆਂ ਨੂੰ ਵੀ ਇਹ ਪ੍ਰਣ ਕਰਨਾ ਚਾਹੀਦਾ ਹੈ ਕਿ ਉਹ ਉਦੋਂ ਤੱਕ ਚੈਨ ਨਾਲ ਨਹੀਂ ਬੈਠਣਗੇ ਜਦੋ ਤੱਕ ਇਸ ਵਿਆਪਕ ਯੋਜਨਾ ਦਾ ਲਾਭ ਹਰੇਕ ਘਰ ਦੇ ਮੈਂਬਰ ਤੱਕ ਨਹੀਂ ਪਹੁੰਚਦਾ। ਉਨ੍ਹਾਂ ਨੇ ਪਿੰਡ ਵਾਸੀਆਂ ਨੂੰ ਵਿਸੇਸ਼ ਤੌਰ ਤੇ ਆਖਿਆ ਕਿ ਹੁਣ ਵੇਲਾ ਇਕ ਜੀਅ ਦੀ ਕਮਾਈ ਨਾਲ ਪੂਰੇ ਪਰਿਵਾਰ ਦਾ ਗੁਜਾਰਾ ਚਲਾਉਣ ਵਾਲਾ ਨਹੀਂ ਰਿਹਾ ਸਗੋਂ ਬੱਚਿਆਂ ਨੂੰ ਵਧੀਆਂ ਤਾਲੀਮ ਅਤੇ ਹੋਰ ਸੁੱਖ ਸਹੁਲਤਾਂ ਦੇਣ ਲਈ ਹੁਣ ਹਰੇਕ ਹੱਥ (ਹਰੇਕ ਜੀਅ) ਕਿਰਤ ਕਰੇ।
ਇੰਨ੍ਹਾਂ ਦੋਹਾਂ ਪਿੰਡਾਂ ਦੇ ਵਿਕਾਸ ਲਈ ਉਲੀਕੀ ਸਮੁੱਚੀ ਯੋਜਨਾ ਦਾ ਖੁਲਾਸਾ ਕਰਦਿਆਂ ਮੁੱਖ ਮੰਤਰੀ ਨੇ ਦੱਸਿਆ ਕਿ ਸਾਰਾ ਪ੍ਰੋਗਰਾਮ ਯੋਜਨਾਬੰਦੀ ਵਿਭਾਗ ਵੱਲੋਂ ਹਰੇਕ ਮਹਿਕਮੇ ਨਾਲ ਬਕਾਇਦਾ ਤਾਲਮੇਲ ਕਰਕੇ ਉਲੀਕਿਆ ਗਿਆ ਹੈ ਅਤੇ ਇਸੇ ਵਿਉਂਤਬੰਦੀ ਦੇ ਤਹਿਤ ਹੀ ਸਾਰੇ ਪ੍ਰੋਗਰਾਮਾਂ ਨੂੰ ਅਮਲੀ ਜਾਮਾ ਪਹਿਨਾਇਆ ਜਾਵੇਗਾ। ਸਰਕਾਰ ਵੱਲੋਂ 23 ਕਰੋੜ ਰੁਪਏ ਦੀ ਕੀਤੀ ਯੋਜਨਾਬੰਦੀ ਤਹਿਤ ਪਖਾਨਿਆਂ ਦਾ ਨਿਰਮਾਣ, ਸਕੂਲਾਂ ਦੀ ਨਵੀਂ ਉਸਾਰੀ, ਨਵੇਂ ਮਕਾਨਾਂ ਦੀ ਉਸਾਰੀ ਅਤੇ ਪੁਰਾਣਿਆਂ ਦੀ ਮੁਰੰਮਤ, ਕਮਿਊਨਟੀ ਸ਼ੈਡ, ਆਂਗਣਵਾੜੀ ਕੇਂਦਰਾਂ ਦਾ ਨਿਰਮਾਣ, ਸੇਮ ਦੀ ਨਿਕਾਸੀ ਲਈ ਸਬ ਸਰਫਸ ਪਾਈਪ ਲਾਈਨ ਵਿਛਾਉਣ, ਪੀਣ ਵਾਲੇ ਪਾਣੀ ਦੀਆਂ ਪਾਇਪਾਂ ਪਾਉਣ, ਸੜਕਾਂ ਦੇ ਨਿਰਮਾਣ, ਗਲੀਆਂ ਦੀ ਸੀ.ਸੀ. ਫਲੋਰਿੰਗ, ਸਿਲਾਈ ਸੈਂਟਰ ਮੁਕੰਮਲ ਕਰਨ, ਖਾਲੇ ਪੱਕੇ ਕਰਨ, ਢਾਣੀਆਂ ਨੂੰ ਖੜਵੰਜੇ ਲਗਾਉਣ, ਅਨਾਜ ਮੰਡੀ ਨੂੰ ਪੱਕੀ ਕਰਨ ਤੋਂ ਇਲਾਵਾ ਹੋਰ ਵੱਖ ਵੱਖ ਵਿਕਾਸ ਕਾਰਜ ਕੀਤੇ ਜਾਣੇ ਹਨ। ਉਨ੍ਹਾਂ ਦੱਸਿਆ ਕਿ 23 ਕਰੋੜ ਵਿਚੋਂ 17.85 ਕਰੋੜ ਰੁਪਏ ਰੱਤਾ ਖੇੜਾ ਵੱਡਾ ਵਿਚ ਅਤੇ ਬਾਕੀ ਰੱਤਾ ਖੇੜਾ ਛੋਟਾ ਵਿਚ ਖਰਚੇ ਜਾਣਗੇ। ਇਸ ਮੌਕੇ ਉਨ੍ਹਾਂ ਨੇ ਪਿੰਡ ਵਾਸੀਆਂ ਨੂੰ ਵਿਕਾਸ ਕੰਮਾਂ ਦੀ ਮਿਆਰਤਾ ਦੀ ਖੁਦ ਨਿਗਰਾਨੀ ਰੱਖਣ ਲਈ ਵੀ ਆਖਿਆ ਤਾਂ ਕਿ ਬਾਅਦ ਵਿਚ ਕਿਸੇ ਤਰਾਂ ਦੀ ਮੁਸਕਿਲ ਪੇਸ਼ ਨਾ ਆਵੇ।
ਮੁੱਖ ਮੰਤਰੀ ਨੇ ਆਖਿਆ ਕਿ ਸੇਮ ਤੋਂ ਪੀੜਤ ਪਿੰਡਾਂ ਦੇ ਲੋਕਾਂ ਨੂੰ ਦਰਪੇਸ਼ ਸਮਸਿਆਵਾਂ ਤੋਂ ਉਹ ਚੰਗੀ ਤਰਾਂ ਜਾਣੂ ਹਨ ਜਿਸ ਕਰਕੇ ਇੰਨ੍ਹਾਂ ਦੋਹਾਂ ਪਿੰਡਾਂ ਨੂੰ ਸਾਰੀਆਂ ਸਕੀਮਾਂ ਸਾਮੂਹਿਕ ਰੂਪ ਵਿਚ ਲਾਗੂ ਕਰਨ ਲਈ ਪਾਇਲਟ ਪ੍ਰੋਜੈਕਟ ਵਜੋਂ ਲਿਆ ਗਿਆ ਹੈ । ਇਸ ਪ੍ਰੋਗਰਾਮ ਦੇ ਸਾਰਥਕ ਨਤੀਜਿਆਂ ਤੋਂ ਬਾਅਦ ਬਾਕੀ ਪਿੰਡਾਂ ਵਿਚ ਇਹੀ ਮਾਡਲ ਲਾਗੂ ਕੀਤਾ ਜਾਵੇਗਾ।
ਇਸ ਮੌਕੇ ਮੁੱਖ ਮੰਤਰੀ ਨੇ ਪਿੰਡ ਰੱਤਾ ਖੇੜਾ ਵਿਚ ਨੰਨ੍ਹੀ ਛਾਂ ਸਿਲਾਈ ਸੈਂਟਰ ਤੋਂ ਸਿਖਲਾਈ ਹਾਸਲ ਕਰ ਰਹੀਆਂ ਔਰਤਾਂ ਪਾਸੋਂ ਉਨ੍ਹਾਂ ਨੂੰ ਪੇਸ਼ ਮੁਸਿਕਲਾਂ ਬਾਰੇ ਜਾਣਿਆਂ ਅਤੇ ਮੌਕੇ ਤੇ ਹਾਜਰ ਨਿਟਵੀਅਰ ਸੰਸਥਾ ਦੇ ਨੁੰਮਾਇੰਦਿਆਂ ਨੂੰ ਇਸ ਸੈਂਟਰ ਦੀ ਹੋਰ ਬਿਹਤਰੀ ਲਈ ਸਹਿਯੋਗ ਕਰਨ ਵਾਸਤੇ ਆਖਿਆ। ਮੁੱਖ ਮੰਤਰੀ ਨੇ ਭੁਵਨੇਸ਼ਨਰ (ਓਡੀਸ਼ਾ) ਤੋਂ ਮੱਛੀ ਪਾਲਣ ਕਿੱਤੇ ਦੀ ਬਰੀਕੀਆਂ ਸਿੱਖ ਕੇ ਵਾਪਸ ਆਏ ਰੱਤਾ ਖੇੜਾ ਦੇ ਮੱਛੀ ਪਾਲਕਾਂ ਨੂੰ ਹੋਏ ਨਵੇਂ ਤਜਰਬਿਆਂ ਬਾਰੇ ਪੁੱਛਿਆ ਅਤੇ ਮੱਛੀ ਪਾਲਣ ਦੇ ਕਿੱਤੇ ਨੂੰ ਹੋਰ ਵਧਾਉਣ ਲਈ ਹਰੇਕ ਤਰਾਂ ਦਾ ਸਹਿਯੋਗ ਅਤੇ ਮਦਦ ਦੇਣ ਦੀ ਭਰੋਸਾ ਦਿੱਤਾ। ਇਸ ਮੌਕੇ ਮੱਛੀ ਪਾਲਣ ਦੇ ਅਧਿਕਾਰੀ ਨੇ ਮੁੱਖ ਮੰਤਰੀ ਨੂੰ ਦੱਸਿਆ ਕਿ ਇਸ ਪਿੰਡ ਦੇ ਸੇਮ ਮਾਰੇ ਇਲਾਕੇ ਨੂੰ ਮੱਛੀ ਪਾਲਣ ਹੇਠ ਲਿਆਂਦਾ ਜਾ ਰਿਹਾ ਹੈ ਜਿਸ ਤਹਿਤ ਹੁਣ ਤੱਕ 99.67 ਏਕੜ ਵਿਚ ਮੱਛੀ ਪਾਲਣ ਦਾ ਕਿੱਤਾ ਸ਼ੁਰੂ ਕਰਨ ਲਈ 21 ਲਾਭਪਾਤਰੀਆਂ ਨੂੰ 88 ਲੱਖ ਦੀ ਮਦਦ ਦਿੱਤੀ ਜਾ ਚੁੱਕੀ ਹੈ ਅਤੇ 31 ਹੋਰ ਲਾਭਪਾਤਰੀਆਂ ਨੂੰ 113 ਏਕੜ ਵਿਚ 1.30 ਕਰੋੜ ਦੀ ਲਾਗਤ ਨਾਲ ਪ੍ਰੋਜੈਕਟ ਚਲਾਉਣ ਦੀ ਪ੍ਰਵਾਨਗੀ ਵੀ ਦਿੱਤੀ ਹੈ। ਇਸ ਮੌਕੇ ਮੁੱਖ ਮੰਤਰੀ ਨੇ ਆਖਿਆ ਕਿ ਮੱਛੀ ਫਾਰਮਾਂ ਤੇ ਸੋਲਰ ਪੰਪ ਲਗਾਉਣ ਲਈ ਵੀ ਕਿਸਾਨਾਂ ਨੂੰ ਪ੍ਰੇਰਿਤ ਕਰਨ ਦੇ ਨਾਲ ਨਾਲ ਬਣਦੀ ਸਹਾਇਤਾ ਦਿੱਤੀ ਜਾਵੇਗੀ।
ਇਸ ਤੋਂ ਪਹਿਲਾਂ ਪੱਤਰਕਾਰਾਂ ਵੱਲੋਂ ਇਕ ਭਾਜਪਾ ਆਗੂ ਦੁਆਰਾ ਮੁੱਖ ਸੰਸਦੀ ਸਕੱਤਰ ਸ੍ਰੀ ਅਵਿਨਾਸ਼ ਚੰਦਰ ਤੋਂ ਅਸਤੀਫਾ ਲੈਣ ਸਬੰਧੀ ਕੀਤੀ ਗਈ ਮੰਗ ਬਾਰੇ ਪੁੱਛੇ ਸਵਾਲ ਦੇ ਜਵਾਬ ਵਿਚ ਸ: ਬਾਦਲ ਨੇ ਆਖਿਆ ਕਿ ਕਿਸੇ ਮਾਮਲੇ ਵਿਚ ਨਾਂਅ ਸਾਹਮਣੇ ਆਉਣ ਨਾਲ ਹੀ ਕੋਈ ਵਿਅਕਤੀ ਕਟਿਹਰੇ ਵਿਚ ਖੜਾ ਨਹੀਂ ਹੋ ਜਾਂਦਾ ਸਗੋਂ ਸਬੂਤ ਸਾਹਮਣੇ ਆਉਣ ਤੋਂ ਬਾਅਦ ਹੀ ਢੁਕਵੀਂ ਕਾਰਵਾਈ ਕੀਤੀ ਜਾਂਦੀ ਹੈ।
ਇਸ ਤੋਂ ਪਹਿਲਾਂ ਪਿੰਡ ਰੱਤਾ ਖੇੜਾ ਵੱਡਾ ਅਤੇ ਛੋਟਾ ਦੇ ਵਾਸੀਆਂ ਨੇ ਆਪਣੇ ਪਿੰਡਾਂ ਦੀ ਸੁੱਖ ਸ਼ਾਂਤੀ ਲਈ ਸ੍ਰੀ ਅਖੰਡ ਪਾਠ ਸਾਹਿਬ ਦੇ ਭੋਗ ਪਾਏ ਅਤੇ ਅਕਾਲ ਪੁਰਖ ਦੇ ਚਰਨਾਂ ਵਿਚ ਅਰਦਾਸ ਕੀਤੀ।
ਇਸ ਮੌਕੇ ਮੁੱਖ ਮੰਤਰੀ ਦੇ ਵਿਸੇਸ਼ ਪ੍ਰਮੁੱਖ ਸਕੱਤਰ ਸ: ਕੇ.ਜੇ.ਐਸ.ਚੀਮਾ, ਚੇਅਰਮੈਨ ਸ: ਤਜਿੰਦਰ ਸਿੰਘ ਮਿੱਡੂਖੇੜਾ, ਸ: ਅਵਤਾਰ ਸਿੰਘ ਵਣਵਾਲਾ, ਜ਼ਿਲ੍ਹਾ ਯੋਜਨਾ ਬੋਰਡ ਦੇ ਚੇਅਰਮੈਨ ਸ: ਹਰਦੀਪ ਸਿੰਘ ਡਿੰਪੀ ਢਿੱਲੋਂ, ਮੁੱਖ ਮੰਤਰੀ ਦੇ ਵਿਸੇਸ਼ ਕਾਰਜ ਅਫ਼ਸਰ ਸ: ਗੁਰਚਰਨ ਸਿੰਘ ਅਤੇ ਸ: ਬਲਕਰਨ ਸਿੰਘ, ਡਿਪਟੀ ਕਮਿਸ਼ਨਰ ਸ: ਜਸਕਿਰਨ ਸਿੰਘ, ਐਸ.ਐਸ.ਪੀ. ਸ੍ਰੀ ਕੁਲਦੀਪ ਸਿੰਘ ਚਹਿਲ, ਏ.ਡੀ.ਸੀ. ਵਿਕਾਸ ਸ੍ਰੀ ਰਾਮਬੀਰ, ਚੇਅਰਮੈਨ ਸ: ਬਸੰਤ ਸਿੰਘ ਕੰਗ, ਸ: ਪਲਵਿੰਦਰ ਸਿੰਘ ਕੋਲਿਆਂਵਾਲੀ, ਭਾਜਪਾ ਦੇ ਜ਼ਿਲ੍ਹਾ ਪ੍ਰਧਾਨ ਸ੍ਰੀ ਰਾਕੇਸ਼ ਧੀਂਗੜਾ, ਬੀਬੀ ਵੀਰਪਾਲ ਕੌਰ ਤਰਮਾਲਾ, ਸ: ਰਣਜੋਧ ਸਿੰਘ ਲੰਬੀ, ਸ: ਮਨਜੀਤ ਸਿੰਘ ਲਾਲਬਾਈ, ਸ: ਕੁਲਵਿੰਦਰ ਸਿੰਘ, ਸ: ਲਖਵਿੰਦਰ ਸਿੰਘ, ਸ: ਨਰਿੰਦਰ ਸਿੰਘ, ਸ: ਕਾਰਜ ਸਿੰਘ, ਸ: ਸਤਿੰਦਰਪਾਲ ਸਿੰਘ ਆਦਿ ਵੀ ਹਾਜਰ ਸਨ।



ਮੈਂ ਮੀਡੀਆ ਲਈ ਕੁਰਸੀਆਂ ਲਾਉਂਦਾ ਰਿਹਾ ਹਾਂ : ਮੋਦੀ ਮੀਡੀਆ ਦੇਸ਼ ਨੂੰ ਬਦਲਣ ਲਈ ਬਹੁਤ ਵੱਡੀ ਭੂਮਿਕਾ ਨਿਭਾ ਸਕਦਾ ਹੈ : ਮੋਦੀ

ਨਵੀਂ ਦਿੱਲੀ (ਬਾਬੂਸ਼ਾਹੀ ਬਿਉਰੋ) : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ ਦਿੱਲੀ ਵਿਖੇ ਮੀਡੀਆ ਨਾਲ ਖਾਸ ਮੁਲਾਕਾਤ ਕੀਤੀ. ਇਸ ਮੁਲਾਕਾਤ ਦੌਰਾਨ ਉਹ ਦੇ ਭਾਸ਼ਣ ਦੇ ਖਾਸ ਅੰਸ਼
ਮੈਂ ਮੀਡੀਆ ਲਈ ਕੁਰਸੀਆਂ ਲਾਉਂਦਾ ਰਿਹਾ ....
 (News posted on: 25 Oct, 2014)
 Email Print 

ਨਵੀਂ ਦਿੱਲੀ (ਬਾਬੂਸ਼ਾਹੀ ਬਿਉਰੋ) : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ ਦਿੱਲੀ ਵਿਖੇ ਮੀਡੀਆ ਨਾਲ ਖਾਸ ਮੁਲਾਕਾਤ ਕੀਤੀ. ਇਸ ਮੁਲਾਕਾਤ ਦੌਰਾਨ ਉਹ ਦੇ ਭਾਸ਼ਣ ਦੇ ਖਾਸ ਅੰਸ਼
ਮੈਂ ਮੀਡੀਆ ਲਈ ਕੁਰਸੀਆਂ ਲਾਉਂਦਾ ਰਿਹਾ ਹਾਂ : ਮੋਦੀ
ਮੀਡੀਆ ਨਾਲ ਦੋਸਤਾਨਾ ਸਬੰਧ ਰਹੇ ਹਨ
ਮੀਡੀਆ ਤੋਂ ਸਹੀ ਕੰਮ ਕਰਨ ਦੀ ਦ੍ਰਿਸ਼ਟੀ ਮਿਲਦੀ ਹੈ : ਮੋਦੀ
ਮੀਡੀਆ ਨੇ ਸਫਾਈ ਮੁਹਿੰਮ ਨੂੰ ਬੁਲੰਦੀ ਤੇ ਪੁਚਾਇਆ ; ਮੋਦੀ ਵਲੋਂ ਧੰਨਵਾਦ
ਮੀਡੀਆ ਦੇਸ਼ ਨੂੰ ਬਦਲਣ ਲਈ ਬਹੁਤ ਵੱਡੀ ਭੂਮਿਕਾ ਨਿਭਾ ਸਕਦਾ ਹੈ
ਨਵੇਂ ਤੇ ਲੋਕ ਹਿੱਤ ਕੰਮ ਕਰਨ ਦੀ ਸੇਧ ਮੀਡੀਆ ਤੋਂ ਮਿਲਦੀ ਹੈ : ਨਰਿੰਦਰ ਮੋਦੀ



ਜੰਮੂ-ਕਸ਼ਮੀਰ ਅਤੇ ਝਾਰਖੰਡ ਵਿਚ 25 ਨਵੰਬਰ ਤੋਂ ਪੰਜ ਪੜਾਵਾਂ 'ਚ ਹੋਣਗੀਆਂ ਵਿਧਾਨ ਸਭਾ ਚੋਣਾਂ

ਨਵੀਂ ਦਿੱਲੀ : ਚੋਣ ਕਮਿਸ਼ਨ ਨੇ ਜੰਮੂ-ਕਸ਼ਮੀਰ ਅਤੇ ਝਾਰਖੰਡ ਵਿਚ ਪੰਜ ਪੜਾਵੀ ਵਿਧਾਨ ਸਭਾ ਚੋਣਾਂ ਦਾ ਐਲਾਨ ਦਾ ਐਲਾਨ ਕਰ ਦਿਤਾ ਹੈ। ਪਹਿਲੇ ਪੜਾਅ ਤਹਿਤ 25 ਨਵੰਬਰ ਨੂੰ ਵੋਟਾਂ ਪੈਣਗੀਆਂ, ਦੂਜਾ ਪੜਾਅ 2 ਦਸੰਬਰ ਨੂੰ ਅਤੇ ਤੀਜ....
 (News posted on: 25 Oct, 2014)
 Email Print 

ਨਵੀਂ ਦਿੱਲੀ : ਚੋਣ ਕਮਿਸ਼ਨ ਨੇ ਜੰਮੂ-ਕਸ਼ਮੀਰ ਅਤੇ ਝਾਰਖੰਡ ਵਿਚ ਪੰਜ ਪੜਾਵੀ ਵਿਧਾਨ ਸਭਾ ਚੋਣਾਂ ਦਾ ਐਲਾਨ ਦਾ ਐਲਾਨ ਕਰ ਦਿਤਾ ਹੈ। ਪਹਿਲੇ ਪੜਾਅ ਤਹਿਤ 25 ਨਵੰਬਰ ਨੂੰ ਵੋਟਾਂ ਪੈਣਗੀਆਂ, ਦੂਜਾ ਪੜਾਅ 2 ਦਸੰਬਰ ਨੂੰ ਅਤੇ ਤੀਜਾ 9 ਦਸੰਬਰ ਨੂੰ ਹੋਵੇਗਾ। ਚੌਥਾ ਅਤੇ ਪੰਜਵਾਂ ਪੜਾਅ ਕ੍ਰਮਵਾਰ 14 ਅਤੇ 20 ਦਸੰਬਰ ਨੂੰ ਹੋਵੇਗਾ ਜਦਕਿ ਵੋਟਾਂ ਦੀ ਗਿਣਤੀ 23 ਦਸੰਬਰ ਨੂੰ ਹੋਵੇਗੀ



ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵਲੋਂ ਰਾਜਧਾਨੀ, ਦਿੱਲੀ ਦੀਆਂ ਇਸਤ੍ਰੀ ਸਿੰਘ ਸਭਾਵਾਂ ਦੇ ਸਹਿਯੋਗ ਨਾਲ ਐਤਵਾਰ 26 ਅਕਤੂਬਰ ਨੂੰ ਵਿਸ਼ੇਸ਼ ਗੁਰਮਤਿ ਸਮਾਗਮ ਦਾ ਆਯੋਜਨ

ਨਵੀਂ ਦਿੱਲੀ, ਅਕਤੂਬਰ 25 (ਬਾਬੂਸ਼ਾਹੀ ਬਿਊਰੋ): ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੀ ਦੂਜੀ ਜੋਤ ਸ੍ਰੀ ਗੁਰੂ ਅੰਗਦ ਦੇਵ ਜੀ ਦੇ ਮਹਿਲ (ਸੁਪਤਨੀ) ਮਾਤਾ ਖੀਵੀ ਜੀ ਦੀ ਯਾਦ ਵਿੱਚ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵਲੋਂ ਰਾ....
 (News posted on: 25 Oct, 2014)
 Email Print 

ਨਵੀਂ ਦਿੱਲੀ, ਅਕਤੂਬਰ 25 (ਬਾਬੂਸ਼ਾਹੀ ਬਿਊਰੋ): ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੀ ਦੂਜੀ ਜੋਤ ਸ੍ਰੀ ਗੁਰੂ ਅੰਗਦ ਦੇਵ ਜੀ ਦੇ ਮਹਿਲ (ਸੁਪਤਨੀ) ਮਾਤਾ ਖੀਵੀ ਜੀ ਦੀ ਯਾਦ ਵਿੱਚ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵਲੋਂ ਰਾਜਧਾਨੀ, ਦਿੱਲੀ ਦੀਆਂ ਇਸਤ੍ਰੀ ਸਿੰਘ ਸਭਾਵਾਂ ਦੇ ਸਹਿਯੋਗ ਨਾਲ ਐਤਵਾਰ ੨੬ ਅਕਤੂਬਰ (੧੦ ਕਤਕ, ਸੰਮਤ ਨਾਨਕਸ਼ਾਹੀ ੫੪੬) ਨੂੰ ਗੁਰਦੁਆਰਾ ਮਾਤਾ ਸੁੰਦਰੀ ਜੀ ਵਿਖੇ ਵਿਸ਼ੇਸ਼ ਗੁਰਮਤਿ ਸਮਾਗਮ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ, ਇਹ ਜਾਣਕਾਰੀ ਦਿੰਦਿਆਂ ਰਾਣਾ ਪਰਮਜੀਤ ਸਿੰਘ, ਚੇਅਰਮੈਨ ਧਰਮ ਪ੍ਰਚਾਰ ਕਮੇਟੀ (ਦਿੱਲੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ) ਨੇ ਦਸਿਆ ਕਿ ਇਸ ਸਮਾਗਮ ਦੀ ਅਰੰਭਤਾ ਅੰਮ੍ਰਿਤ ਵੇਲੇ ਗੁਰਦੁਆਰਾ ਸੀਸਗੰਜ ਸਾਹਿਬ ਦੇ ਹਜ਼ੂਰੀ ਰਾਗੀ ਭਾਈ ਪਰਮਜੀਤ ਸਿੰਘ ਵਲੋਂ ਆਸਾ ਦੀ ਵਾਰ ਦੇ ਕੀਰਤਨ ਰਾਹੀਂ ਕੀਤੀ ਜਾਇਗੀ। ਉਪਰੰਤ ਦਿੱਲੀ ਦੀਆਂ ਇਸਤ੍ਰੀ ਸਿੰਘ ਸਭਾਵਾਂ ਦੇ ਕੀਰਤਨੀ ਜਥੇ ਗੁਰਬਾਣੀ ਦੇ ਮਨੋਹਰ ਕੀਰਤਨ ਰਾਹੀਂ ਸੰਗਤਾਂ ਨੂੰ ਗੁਰੂ ਚਰਨਾਂ ਨਾਲ ਜੋੜਨਗੇ ਅਤੇ ਬੀਬੀ ਹਰਜਿੰਦਰ ਕੌਰ (ਚੰਡੀਗੜ੍ਹ) ਮਾਤਾ ਖੀਵੀ ਜੀ ਦੇ ਜੀਵਨ ਅਤੇ ਉਨ੍ਹਾਂ ਦੀਆਂ ਸੇਵਾਵਾਂ ਤੋਂ ਸੰਗਤਾਂ ਨੂੰ ਵਿਸਥਾਰ ਨਾਲ ਜਾਣੂ ਕਰਵਾਣਗੇ। ਸ. ਰਾਣਾ ਨੇ ਦਸਿਆ ਕਿ ਗੁਰੂ ਮਹਿਲਾਂ ਵਿਚੋਂ ਕੇਵਲ ਮਾਤਾ ਖੀਵੀ ਜੀ ਦਾ ਹੀ ਜ਼ਿਕਰ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਿੱਚ, ਇਨ੍ਹਾਂ ਸ਼ਬਦਾਂ 'ਮਾਤਾ ਖੀਵੀ ਸਹੁ ਸੋਇ, ਜਿਨਿ ਗੋਇ ਉਠਾਲੀ' ਅਤੇ 'ਬਲਵੰਡ ਖੀਵੀ ਨੇਕ ਜਨ, ਜਿਸੁ ਬਹੁਤੀ ਛਾਉ ਪਤ੍ਰਾਲੀ' ਨਾਲ ਆਇਆ ਹੈ।



ਗਾਇਕ ਜੈਲੀ ਤੇ ਮਨਿੰਦਰ ਮੰਗਾ 'ਤੇ ਲੱਗੇ ਗੈਂਗਰੇਪ ਦੇ ਦੋਸ਼, ਮਾਮਲਾ ਦਰਜ

ਐਸ.ਏ.ਐਸ ਨਗਰ, 25 ਅਕਤੂਬਰ (ਜਤਿੰਦਰ ਸੱਭਰਵਾਲ) : ਪੰਜਾਬੀ ਸੰਗੀਤ ਜਗਤ ਦੇ ਪ੍ਰਸਿੱਧ ਗਾਇਕ ਜੈਲੀ ਤੇ ਮਨਿੰਦਰ ਮੰਗਾ ਤੇ ਉਨ੍ਹਾਂ ਦੇ ਦੋ ਦੋਸਤਾਂ ਦੇ ਖਿਲਾਫ ਸੈਕਟਰ 56 ਦੀ ਇਕ ਮਹਿਲਾ ਨੇ ਗੈਂਗਰੇਪ ਦੇ ਗੰਭੀਰ ਦੋਸ਼ ਲਗਾਏ ਹਨ। ਮ&....
 (News posted on: 25 Oct, 2014)
 Email Print 

ਐਸ.ਏ.ਐਸ ਨਗਰ, 25 ਅਕਤੂਬਰ (ਜਤਿੰਦਰ ਸੱਭਰਵਾਲ) : ਪੰਜਾਬੀ ਸੰਗੀਤ ਜਗਤ ਦੇ ਪ੍ਰਸਿੱਧ ਗਾਇਕ ਜੈਲੀ ਤੇ ਮਨਿੰਦਰ ਮੰਗਾ ਤੇ ਉਨ੍ਹਾਂ ਦੇ ਦੋ ਦੋਸਤਾਂ ਦੇ ਖਿਲਾਫ ਸੈਕਟਰ 56 ਦੀ ਇਕ ਮਹਿਲਾ ਨੇ ਗੈਂਗਰੇਪ ਦੇ ਗੰਭੀਰ ਦੋਸ਼ ਲਗਾਏ ਹਨ। ਮਹਿਲਾ ਦੇ ਮੈਡੀਕਲ ਟੈਸਟ ਵਿਚ ਰੇਪ ਦੀ ਪੁਸ਼ਟੀ ਹੋ ਗਈ ਹੈ ਤੇ ਜੈਲੀ ਤੇ ਮੰਗਾਂ ਸਮੇਤ ਚਾਰ ਵਿਅਕਤੀਆਂ ਦੇ ਖਿਲਾਫ ਫੇਜ-1 ਦੀ ਪੁਲਸ ਨੇ ਬੁੱਧਵਾਰ ਨੂੰ ਰੇਪ ਦਾ ਮਾਮਲਾ ਦਰਜ ਕਰ ਲਿਆ ਹੈ।
ਮਹਿਲਾ ਨੇ ਆਪਣੀ ਸ਼ਿਕਾਇਤ ਵਿਚ ਦੱਸਿਆ ਕਿ ਉਸ ਨੇ ਜੈਲੀ ਤੋਂ ਮਿਊਜ਼ਿਕ ਦਾ ਕਲਾਸ ਲੈਣ ਲਈ ਉਸ ਨਾਲ ਸੰਪਰਕ ਕੀਤਾ ਸੀ। ਇਸ ਸਾਲ ਸੈਕਟਰ-57 ਦੇ ਇਕ ਫਲੈਟ ਵਿਚ ਜੈਲੀ ਨੇ ਉਸ ਦੀ ਮੁਲਾਕਾਤ ਇਹ ਕਹਿ ਕੇ ਗਾਇਕ ਮਨਿੰਦਰ ਮੰਗਾ ਨਾਲ ਕਰਵਾਈ ਕਿ ਉਹ ਉਸ ਨੂੰ ਮਿਊਜ਼ਿਕ ਦੀ ਟਰੇਨਿੰਗ ਦੇਵੇਗਾ। ਉੱਥੇ ਹੀ ਮਹਿਲਾ ਨੂੰ ਕੋਲਡ ਡਰਿੰਕ ਵਿਚ ਕੁਝ ਮਿਲਾ ਕੇ ਪਿਲਾ ਦਿੱਤਾ ਗਿਆ, ਜਿਸ ਨਾਲ ਉਹ ਬੇਹੋਸ਼ ਹੋ ਗਈ। ਇਸ ਤੋਂ ਬਾਅਦ ਜੈਲੀ ਤੇ ਮੰਗਾ ਸਮੇਤ ਉਨ੍ਹਾਂ ਦੇ ਦੋ ਹੋਰ ਦੋਸਤਾਂ ਨੇ ਉਸ ਨਾਲ ਗੈਂਗਰੇਪ ਕੀਤਾ।
ਮਹਿਲਾ ਦਾ ਦੋਸ਼ ਹੈ ਕਿ ਜੈਲੀ ਹੁਣਾ ਨੇ ਉਸ ਦੀ ਵੀਡੀਓ ਵੀ ਬਣਾਈ ਸੀ, ਜਿਸ ਨੂੰ ਦਿਖਾ ਕੇ ਉਸ ਨੂੰ ਬਲੈਕਮੇਲ ਕੀਤਾ ਗਿਆ ਤੇ ਕਈ ਵਾਰ ਉਸ ਦਾ ਰੇਪ ਕੀਤਾ ਗਿਆ। ਜਦੋਂ ਉਹ ਗਰਭਵਤੀ ਹੋ ਗਈ ਤਾਂ ਦੋਸ਼ੀਆਂ ਨੇ ਉਸ ਦਾ ਗਰਭਪਾਤ ਵੀ ਕਰਵਾ ਦਿੱਤਾ।
ਐੱਸ. ਪੀ. (ਨੋਡਲ ਅਫਸਰ) ਹਰਪਾਲ ਸਿੰਘ ਸੰਧੂ ਨੇ ਦੱਸਿਆ ਕਿ ਮਹਿਲਾ ਦੀ ਸ਼ਿਕਾਇਤ 'ਤੇ ਦੋਸ਼ੀਆਂ ਦੇ ਖਿਲਾਫ ਧਾਰਾ 376 ਬੀ ਦੇ ਤਹਿਤ ਗੈਂਗਰੇਪ ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ ਤੇ ਉਨ੍ਹਾਂ ਦੀ ਗ੍ਰਿਫਤਾਰੀ ਲਈ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ।
ਪੀੜਤ ਮਹਿਲਾ ਸ਼ਾਦੀਸ਼ੁਦਾ ਹੈ ਅਤੇ ਅਦਾਲਤ ਵਿਚ ਉਸ ਦਾ ਆਪਣੇ ਪਤੀ ਤੋਂ ਤਲਾਕ ਦਾ ਮਾਮਲਾ ਚੱਲ ਰਿਹਾ ਹੈ।



ਅਰਬਨ ਸਟੇਟ ਵਿਖੇ ਦੀਵਾਲੀ ਮੇਲੇ ਵਿੱਚ ਐਸ .ਪੀ . ਸਿੰਘ ਓਬਰਾਏ ਵਲ੍ਹੋੋਂ ਪਟਿਆਲਾ ਦੇ ਨਾਮਵਰ ਸ਼ਖਸੀਅਤਾ ਨੂੰ ਸਨਮਾਨਿਤ ਕੀਤਾ ਗਿਆ

ਅਕਤੂਬਰ 25 (ਬਾਬੂਸ਼ਾਹੀ ਬਿਊਰੋ) : ਅਰਬਨ ਸਟੇਟ ਵਿਖੇ ਦ੍ਹੁਹਿਰਾ ਗਰਾਊਂਡ ਵਿਚ ਦੀਵਾਲੀ ਮੇਲਾ ਬੜਾ ਜੋਰਾ ਨਾਲ ਕਰਵਾਇਆ ਗਿਆ| ਇਸ ਦੀਵਾਲੀ ਮੇਲੇ ਵਿਚ ਮੁੱਖ ਮਹਿਮਾਨ ਵਜੋ ਸਰਬਤ ਦਾ ਭੱਲਾ ਟਰਸੱਟ ਦੇ ਮੁੱਖੀ ਐਸ .ਪੀ .ਸਿੰਘ ਓĄ....
 (News posted on: 25 Oct, 2014)
 Email Print 

ਅਕਤੂਬਰ 25 (ਬਾਬੂਸ਼ਾਹੀ ਬਿਊਰੋ) : ਅਰਬਨ ਸਟੇਟ ਵਿਖੇ ਦ੍ਹੁਹਿਰਾ ਗਰਾਊਂਡ ਵਿਚ ਦੀਵਾਲੀ ਮੇਲਾ ਬੜਾ ਜੋਰਾ ਨਾਲ ਕਰਵਾਇਆ ਗਿਆ| ਇਸ ਦੀਵਾਲੀ ਮੇਲੇ ਵਿਚ ਮੁੱਖ ਮਹਿਮਾਨ ਵਜੋ ਸਰਬਤ ਦਾ ਭੱਲਾ ਟਰਸੱਟ ਦੇ ਮੁੱਖੀ ਐਸ .ਪੀ .ਸਿੰਘ ਓਬਰਾਏ ਵ੍ਹ੍ਹੇ ਮਹਿਮਾਨ ਵਜੋ ਪਟਿਆਲੇ ਦੀ ਪ੍ਰਮੁੱਖ ਸ਼ਖਸੀਅਤਾ ਨੂੰ ਉਹਨਾਂ ਦੇ ਕਾਰਜਾ ਲਈ ਸਨਮਾਨ ਦੇ ਕੇ ਸਨਮਾਨਿਤ ਕੀਤਾ| ਜਗਜੀਤ ਸਿੰਘ ਦਰਦੀ ਚੜ੍ਹਦੀਕਲਾਂ ਗਰੁੱਪ ਦੇ ਡਾਇਰੈਕਟਰ, ਗਰੀਨਮੇਨ ਭਗਵਾਨਦਾਸ ਜੂਨੈਜਾ, ਸੇਠ ਸ਼ਮਲਾਲ ਨਵਯੁੱਗ, ਪ੍ਰਾਣ ਸਬਰਵਾਲ, ਡਾ . ਹਰਕਿਰਤ ਸਿੰਘ ਸਿੱਧੂ, ਸ . ਜੱਸਾ ਸਿੰਘ, ਮਨਦੀਪ ਕੋਰ ਗੋਲਡ ਮੈਡਲਿਸਟ, ਪ੍ਰੋ .ਹਰਭਜਨ ਸਿੰਘ ਸਜੱਣ, ਕੋਚ ਹਰਦੇਵ ਸਿੰਘ, ਗਾਇਕ ਅਤੇ ਗੀਤਕਾਰ ਵਰਿਆਮ ਸਰੋਆ, ਜੱਥੇਦਾਰ ਪ੍ਰੀਤਮ ਸਿੰਘ, ਥਾਣਾ ਇੰਚਜਾਰਜ ਜਗਬੀਰ ਸਿੰਘ ਜੀ ਨੂੰ ਸਨਮਾਨਿਤ ਕੀਤਾ ਗਿਆ|ਇਸ ਮੋਕੇ ਤੇ ਜਗਜੀਤ ਸਿੰਘ ਦਰਦੀ ਵਲ੍ਹੋਂ ਮੇਲੇ ਦੇ ਪ੍ਰਬੰਧਕਾ ਨੂੰ ਵਧਾਈ ਦਿੱਤੀ ਅਤੇ ਭਰੋਸਾ ਦਿਵਾਇਆ ਕੀ ਅਗਲੇ ਸਾਲ ਇਸ ਮੇਲੇ ਨੂੰ ਤਿੰਨ ਦਿਨਾ ਲਈ ਕਰਵਾਇਆ ਜਾਏਗਾ| ਇਸ ਮੋਕੇ ਤੇ ਐਸ .ਪੀ .ਸਿੰਘ .ਓਬਰਾਏ ਜੀ ਵਲੋ ਮੇਲੇ ਦੇ ਪ੍ਰਬੰਧਕ ਸ . ਕੁਲਦੀਪ ਸਿੰਘ ਐਡੀਟਰ ਪ੍ਰੈਸ ਪਬਲਿਕ ਨਿਊਜਪੇਪਰ ਦੀ ਪ੍ਰਸੰਸਾ ਕਰਦੇ ਕਿਹਾ ਇਹਨਾ ਵਲੋ ਇਹੋ ਜਿਹੇ ਉਪਰਾਲੇ ੍ਹਲਾਘਾ ਯੋਗ ਹਨ|ਇਸ ਮੇਲੇ ਵਿਚ ਥਾਣਾ ਇੰਚਚਾਰਜ ਜਗਬੀਰ ਸਿੰਘ ਵਲੋ ਵਧੀਆ ਪ੍ਰਬੰਧ ਕੀਤੇ ਗਏ| ਭਗਵਾਨਦਾਸ ਜੂਨੇਜਾ ਜੀ ਵਲੋ ਮੇਲੇ ਦੇ ਪ੍ਰਬੰਧਕਾ ਦੀ ਪ੍ਰਸੰਸਾ ਕੀਤੀ ਅਤੇ ਹਰ ਤਰਾ ਦੇ ਸਹਿਯੋਗ ਦੇਣ ਦਾ ਵਾਦਾ ਕੀਤਾ ਇਸ ਦੀਵਾਲੀ ਮੇਲੇ ਵਿਚ ਰੰਗਾ ਰੰਗਾ ਪ੍ਰੋਗਰਾਮ ਕਰਵਾਏ ਗਏ ਅਤੇ ਇਸ ਵਿਚ ਵੱਖ ਵੱਖ ਕੰਪਨੀ ਦੀਆਂ ਸਟਾਲਾ ਵੀ ਲਗਾਈਆਂ ਗਈਆਂ ਅਤੇ ਇਸ ਦੀਵਾਲੀ ਮੇਲੇ ਵਿਚ ਕਈ ਬੱਚਿਆ ਨੇ ਡਾਂਸ ਪ੍ਰਫੋਮਸ ਅਤੇ ਗਾਇਕਾ ਨੇ ਆਪਣੀ ਗਾਇਕੀ ਨਾਲ ਖੂਬ ਰੰਗ ਬਿਖੇਰੇ ਸਰਬਤ ਦਾ ਭੱਲਾ ਟਰੱਸਟ ਦੀ ਗਤਕਾ ਪਾਰਟੀ ਨੇ ਵੀ ਆਪਣੇ ਜੋਹਰ ਦਿਖਾਏ|ਮੇਲੇ ਵਿਚ ਡੇਨਜਰਸ ਗਰੁੱਪ ਢੋਲ ਨੇ ਧੂਮਾ ਪਾ ਦਿੱਤੀਆ|ਪੂਰੀ ਟੀਮ ਨੇ ਢੋਲ ਨਾਲ ਮੇਲੇ ਵਿੱਚ ਅਜਿਹੇ ਕਰਤਬ ਦਿਖਾਏ ਕੀ ਲੋਕਾ ਨੇ ਦੰਦਾ ਥੱਲੇ ਉਂਗਲੀਆਂ ਦੱਬ ਲੀਆ| ਲੋਕਾ ਨੇ ਇਸ ਮੇਲੇ ਦਾ ਬਹੁਤ ਹੀ ਆਨੰਦ ਮਾਣਿਆ ਇਸ ਦੀਵਾਲੀ ਮੇਲੇ ਵਿਚ ਕਈ ਨਾਮਵਰ ਹਸਤੀਆ ਨੇ ੍ਹੀਰਕਤ ਕੀਤੀ|





Tirchhi Nazar
Why Tirchhi Nazar turns Digital ?
Our basic purpose is facilitating interaction with information. People must have...
ਕੀ ਬੀਜੇਪੀ ਅਕਾਲੀ ਦਲ ਤੋਂ ਵੱਖ ਹੋ ਕੇ 2017 ਦੀਆਂ ਪੰਜਾਬ ਵਿਧਾਨ ਸਭਾ ਚੋਣਾਂ ਇਕੱਲੀ ਲੜੇਗੀ?
 
ਹਾਂ
ਨਹੀਂ
ਕੁਝ ਨਹੀਂ ਕਹਿ ਸਕਦੇ
 
Show Results     View Old Polls
Des Pardes Times
ਕੀ ਪੰਚਾਇਤਾਂ ਦਾ ਖਾਤਮਾ ਚਾਹੁੰਦੀ ਹੈ ਸਰਕਾਰ?
ਕੀ ਪੰਚਾਇਤਾਂ ਦਾ ਖਾਤਮਾ ਚਾਹੁੰਦੀ ਹੈ ਸਰਕਾਰ?
ਗੁਰਮੀਤ ਸਿੰਘ ਪਲਾਹੀ, 218 ਗੁਰੂ ਹਰਿਗੋਬਿੰਦ ਨਗਰ ਫਗਵਾੜਾ। ਮੋਬਾ : 98158-02070 (Dt 11 October 2014)
23 ਅਕਤੂਬਰ 2014 ਲਈ ਵਿਸ਼ੇਸ਼
ਬੰਦੀ ਛੋੜ ਦਿਵਸ ਦੀ ਇਤਿਹਾਸਕ ਮਹੱਤਤਾ
ਜਥੇਦਾਰ ਅਵਤਾਰ ਸਿੰਘ, ਪ੍ਰਧਾਨ, ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ, ਸ੍ਰੀ ਅੰਮ੍ਰਿਤਸਰ। (DT: 15/10/2014)
Punjabi Post
ਜਗਤ ਸਿੰਘ ਸਿੱਧੂ,ਉਰਫ ਜੱਗੇ ਡਾਕੂ ਦੀ ਧੀ
ਜਗਤ ਸਿੰਘ ਸਿੱਧੂ,ਉਰਫ ਜੱਗੇ ਡਾਕੂ ਦੀ ਧੀ
ਬਲਰਾਜ ਸਿੰਘ ਸਿੱਧੂ ਐਸ.ਪੀ. , 9815124449
ਨੁਕਰਾਂ
ਲਾਈਆਂ ਤੇ ਤੋੜ ਨਿਭਾਈ
ਗੁਰਮੀਤ ਸਿੰਘ ਪਲਾਹੀ, 218 ਗੁਰੂ ਹਰਿਗੋਬਿੰਦ ਨਗਰ ਫਗਵਾੜਾ। ਮੋਬਾ : 98158-02070 (Dt 11 October 2014)
ਹਰਿਆਣਾ ਦੇ ਨਤੀਜੇ ਅਕਾਲੀ-ਭਾਜਪਾ ਗੱਠਜੋੜ ਦੀ ਗੱਠ ਖੋਲਣਗੇ?
ਹਰਿਆਣਾ ਦੇ ਨਤੀਜੇ ਅਕਾਲੀ-ਭਾਜਪਾ ਗੱਠਜੋੜ ਦੀ ਗੱਠ ਖੋਲਣਗੇ?
ਗੁਰਪ੍ਰੀਤ ਸਿੰਘ ਮੰਡਿਆਣੀ, 88726-64000 (DT 16/10/2014)
20 ਅਕਤੂਬਰ ਲਈ ਵਿਸ਼ੇਸ਼
ਨਵਾਬ ਕਪੂਰ ਸਿੰਘ ਅਤੇ ਸ. ਜੱਸਾ ਸਿੰਘ ਆਹਲੂਵਾਲੀਆ ਨੂੰ ਯਾਦ ਕਰਦਿਆਂ
ਦਿਲਜੀਤ ਸਿੰਘ \'ਬੇਦੀ\', ਸ੍ਰੀ ਅੰਮ੍ਰਿਤਸਰ, ਮੋ: 98148-98570 (Dt: 15/10/2014)

View Archived Articles
                 
Gurnam Singh & Company